Pages

Monday, December 24, 2007

ကျွန်တော်နှင့် အိပ်မက်များ ...(၂)

ကျွန်တော်နှင့် အိပ်မက်များ ...(၂)

အိပ်မက် (၃)

ကျွန်တော် တစ်ယောက်တည်း လမ်းပေါ်မှာ လမ်းလျှောက်နေတယ် …။ လျှောက်နေရင်းနဲ့ ကိုယ်နဲ့ အတူကောက်ယူလို့ရတဲ့ အချို့အရာလေးတွေကို တပါတည်းကောက်ယူသယ်ဆောင်လာမိတယ်။ အဲဒီ့လိုနဲ့ လျှောက်နေရင်း လျှောက်နေရင်း ကျွန်တော့်ရဲ့ ခြေထောက်တွေက မြေကြီးနဲ့ တဖြေးဖြေးလွတ်လွတ်လာတယ် …။ တစ်လှမ်းပြီး တစ်လှမ်း လှမ်းနေရင်း မြေကြီးနဲ့ ဝေးဝေးလာလိုက်တာ … ကျွန်တော့်ရဲ့ဘေးဘီဝဲယာမှာ လူတွေ ရှားသထက်ရှားလာတယ်။ တစ်နေရာအရောက်မှာတော့ ကျွန်တော်လှမ်းတွေ့လိုက်ရတယ် … အောင်မြင်မှုလို့ စာတန်းထိုးထားတဲ့ တောင်ကြီးတစ်လုံး … ကျွန်တော်က တောင်ထိပ်နဲ့တော်တော်ကိုနီးနေပြီ … အဲဒီ့တောင်ကြီးပေါ်ကိုကြိုးစားတွယ်တက်နေသူတွေကလည်း အများကြီးပဲ … ။ ကျွန်တော်လဲ ကြုံတုန်းလေးအောင်မြင်မှုနဲ့နီးနီးလေးပဲဆိုပြီး အဲဒီ့တောင်ကြီးပေါ်ကို လှမ်းတက်ဖို့ကြိုးစားလိုက်တယ် …။ မရဘူး …။ ကျွန်တော် ဘယ်လိုမှကိုခြေလှမ်းလို့ မရဘူး …။ အဲဒါနဲ့ တောင်ထိပ်နားရောက်ခါနီးနေတဲ့ သူတစ်ယောက်ကို ကျွန်တော်လှမ်းမေးလိုက်တယ်။ ကျွန်တော်ဘာဖြစ်လို့ လှမ်းတက်လိုက်လို့မရတာလဲပေါ့ …။ အဲဒီ့တော့ အဲဒီ့သူကဖြေတယ် … ဒီတောင်က အောက်ခြေကစတက်မှရမှာတဲ့ … ။ ဒါနဲ့ ကျွန်တော်လဲ အဲဒီ့တောင်ကြီးကို ထားခဲ့ပြီးဆက်လျှောက်လာလိုက်တယ် …။ မြေကြီးနဲ့လွတ်နေတဲ့ ခြေထောက်တွေနဲ့ပေါ့ …။ အဲဒီလိုနဲ့ လမ်းမှာ နောက်ထပ်တောင်တစ်လုံးကို ထပ်တွေ့ပြန်တယ် ...။ အဲဒီ့တောင်ရဲ့ နာမည်က အခွင့်အရေးတဲ့ ...။ အဲဒီ့တောင်ပေါ်ကိုလဲ ကျွန်တော်တက်လို့ မရဘူး ...။ နောက်ထပ် နောက်ထပ် ... တောင်တွေ တောင်တွေများစွာ ကျွန်တော်ထပ်ထပ်တွေ့ပေမယ့် ... မြေကြီးနဲ့လွတ်နေတဲ့ ကျွန်တော့်ရဲ့ ခြေထောက်တွေနဲ့ ဘယ်လိုမှကို မနီးစပ်နိုင်ဘူးဖြစ်ဖြစ်နေတယ် ...။ အဲဒီ့လိုနဲ့ ကျွန်တော် အမြင့်တစ်နေရာကို ရောက်နေတာမျိုးမဟုတ်ပဲ … တမြောက်မြောက်ဖြစ်နေခဲ့တာ အိပ်မက်ဆုံးသွားတဲ့ အထိပါပဲ …။

အိပ်မက် (၄)

ဒီအိပ်မက်ကတော့ နဲနဲထူးဆန်းတယ် …။ အနက်တစ်ရောင်တည်းနဲ့ ပိန်းပိတ်အောင်မှောင်နေတဲ့ အခန်းတစ်ခန်းထဲကို ကျွန်တော်ရောက်နေတယ် …။ အနက်တစ်ရောင်တည်းကိုပဲ အခါခါမြင်နေရတာ ဘာမှမမြင်ရတာနဲ့ အတူတူပါလားဆိုတဲ့ စိတ်နဲ့ မျက်စိကိုစုံမှိတ်ပြီး ထိုင်နေလိုက်တယ်။ အဲဒီ့အချိန်မှာပဲ … တိတ်ဆိတ်ငြိမ်သက်နေတဲ့ အခန်းထဲက အသံတစ်သံ လျှံထွက်ကျလာတယ်။ အော်သံ … တိတိကျကျထပ်ပြောရရင် အော်ခေါ်သံ …။ သဲ့သဲ့လေးပေမယ့် ပြတ်ပြတ်သားသားကိုကြားနေရတယ် …။ ကျွန်တော့်ကိုလှမ်းခေါ်နေတာပဲ … လာခဲ့ … ဒီဘက်ကို လာခဲ့တဲ့ …။ ကျွန်တော်ပထမဆုံးသော မျှော်လင့်ချက်တစ်ခုနဲ့ မတ်တပ်ထရပ်လိုက်တယ် …။ ဘာကိုမှမမြင်ရပေမယ့် … ကျွန်တော် အသံလာရာကိုမှန်းဆပြီး ခြေလှမ်းတစ်လှမ်းကို စလှမ်းလိုက်တယ် …။ ပြီးတော့ နောက်တစ်လှမ်း နောက်တစ်လှမ်း … အမှောင်ထဲမှာ လှမ်းရတဲ့ခြေလှမ်းက နဲနဲတော့ ဟိုရမ်းဒီရမ်းဖြစ်နေနိုင်တယ် …။ အဲဒီ့လိုပဲ … မမြင်ရတဲ့ အရာတွေကို တက်တက်နင်းမိလို့လဲ … ခြေဖ၀ါးမှာသွေးစို့သွားတာလဲဖြစ်တယ် …။ ဒါပေမယ့် … ထိုင်နေရတာထက်စာရင် မဖြစ်စလောက်မျှော်လင့်ချက်နဲ့ပဲဖြစ်ဖြစ် တစ်နေရာရာကို ဦးတည်လျှောက်နေရတာက ပိုအဓိပ္ပါယ်ရှိလိမ့်မယ်လို့ … စဉ်းစားမိလိုက်တယ် …။ ကျွန်တော် နဲ့ အသံနဲ့ တဖြည်းဖြည်းနီးလာတယ် … ကျွန်တော်ကလဲ အသံတစ်ခုပေးလိုက်တယ် …။ အသံနှစ်သံ ပေါင်းစုံမိကြတယ် … ပိန်းပိတ်အောင်မှောင်နေတဲ့ အနက်ရောက်ထဲမှာပဲ …။

3 comments:

khunmyahlaing said...

အိပ်မက် ၃က မက်ရတာ မိုက်တယ်ဟ.. အောက်ခြေကနေ စတက်လဲ တောင်ထိပ် ရောက်ပြီးရင် ပြန်ဆင်း ရမယ့် အတူတူ ဒီလို အပေါ်စီး ကနေ လိုက်ကြည့် နေရတာ မဆိုးပါဘူး ဟတ်ဟတ်.. အိပ်မက် ၄ ကတော့ဟာ အနက်ရောင်ကို မြင်ရတာနဲ့ ဘာကိုမှ မမြင်ရတာ ကွာပါတယ်ဟာ.. တခြား အရာတွေကို မမြင်ရလို့ မထူးဘူး ဆိုပြီး မျက်စိမှိတ် ထားတုန်း အလင်းရောင် ရုတ်တရက် ပေါ်လာလို့ လမ်း ဖြစ်ဖြစ် တခုခုကို ဖျတ်ခနဲ မြင်ခွင့် ဆုံးရှုံး သွားရင် နှမြော စရာ.. ပြီးတော့ ပိန်းပိတ်အောင် မှောင်နေတဲ့ အနက်ရောင်လဲ အမြဲ ရှိမနေ နိုင်ပါဘူး။ ငါသာဆို အနက်ရောင်ထဲ နေမယ့် အစား အရှေ့မြို့ရိုးမှာ မိုးရွာဖို့ အတွက် ဂျူနိုလို ကခုန်ရင်း အလင်းကို ထွန်းညှိ ပစ်လိုက်မယ်။ အနက်ရောင် အမှောင်ထဲ နေရတာထက် လင်းပစ်ပြီး သေလိုက် ရတာကမှ ဟုတ်သေး.. မသေခင် လင်းလင်းချင်းချင်း နေလိုက်ရတာ ပိုမြတ်တယ်။

moewai said...

အိပ်မက် ၁နဲ့ ၂ ကို အပျော်သဘောနဲ့ နိမိတ်ကောက်ခဲ့ပေမယ့် ၃နဲ့ ၄ကိုတော့ ကျွန်တော် မကောက်တော့ဘူး ဘရားသား.. အဲဒီအိပ်မက်တွေက ဘာကို ရည်ရွယ်သလဲဆိုတာ ကျွန်တော် သိသွားသလို .. အဓိပ္ပါယ် လေးနက်မှန်းလည်း ခံစားနားလည် လိုက်ရလို့ပါ.. ဘရားသားရဲ့ အိပ်မက်တွေဟာ ဒီ နံပတ် ၄မှာပဲ ရပ်သွားလိမ့်မယ်လို့ ကျွန်တော် မထင်ပါဘူး.. ဆက်မက်ပါ.. အရမ်းကို ကောင်းပါတယ်.. ဖြစ်နိုင်မယ်ဆိုရင်. တစ်နေ့မှာ ကျွန်တော်လည်း အဲဒီလို အိပ်မက်မျိုးတွေ မက်ပလိုက်ချင်ပါတယ်...

MELODYMAUNG said...

အော် အိမ်မက်တွေမမက်တတ်ဘူး ခေါင်းအုံးမှာ ခေါင်းချတာနဲ့အိပ်ပျော်သတဲ့ ခုလိုမက်မဲ့မက်ပြန်တော့လား အပြင်းစားတွေပါလားနော် နာကထုံးစံအတိုင်း ခပ်ပိန်းပိန်းမို့ နင်ပြောချင်တာတွေ နားလည်အောင် ပြန်စဥ်းစားဦးမယ်ကွာ