Pages

Thursday, February 23, 2012

ကစားပွဲ

တစ်ခါတစ်ခါကျတော့ကျွန်တော်ကလည်းခက်တယ်။ ကမ္ဘာကြီးလုံးနေတာ၊ သံသရာ ဆိုတာကြီး လည် နေတာ ….ပြီးတော့ …. အရာရာဟာ စက်ဝိုင်းပုံသဏ္ဍန်ဆက်စပ်နေကြတာ။ အဲဒီ့ သဘောတရား တွေက  သူ့ဖာသာနေရင် အကောင်းသား ။အခုတော့ အဲဒီ့သကောင့်သားကို ကျွန်တော့်ရှေ့ အခန့်သား ရောက်နေအောင် ပို့လိုက်ကြတယ်။ တစ်နေ့… ကျွန်တော် တစ်ယောက်တည်း သူငယ်ချင်းတစ်ယောက်နဲ့ တွေ့ဖို့ ကော်ဖီဆိုင်မှာ ထိုင်စောင့်နေတုန်း….ခေတ် စကားနဲ့ ပြောရရင် တော့ ….အဲဒီမှာ စတွေ့တာပေ့ါဗျာ။ရုပ်ကလည်း ဆိုးရတဲ့ ကြားထဲ သူ့သွားကြဲကြဲ ကြီးတွေကို လာဖြဲပြနေသေးတယ်။မျက်ရည်မကျပဲ နဲ့ ငိုပြနေတဲ့ မျက်နှာက ကြည့်ရတာဘယ်လိုမှ မလှဘူး။

“ခင်ဗျားဘယ်သူလဲ….ဘာလို့ ကျွန်တော့်ရှေ့လာပြီး ငိုပြနေရတာလဲ…”

“အာ….ငါမင်းကို ငိုပြနေတာမဟုတ်ဘူး…ပြုံးပြနှုဆက်နေတာဟ….”

“ဗျာ…”

အပြုံး…တဲ့ ကျွန်တော့်စိတ်ဓါတ်တွေတဘုံးဘုံးကျသွားသံကို နားနဲ့ ဆက်ဆက်ကြား လိုက်ရ သလိုလို…။ အပြုံးတစ်ပွင့်ရဲ့ အလှနဲ့ပတ်သက်တဲ့ သံသယတွေက ကျွန်တော့်မသိစိတ်ထဲကို ကသောကမြောဝင်လာကြပြီး…အဖြေ တစ်စုံတစ်ရာမှမရှိပဲ ပြန်ထွက်သွားကြတယ်။ ကျွန်တော်လည်း သူ့ကို  လူမှုရေး အရ ပြန်ပြုံးပြလိုက်တယ်။ သူ့အတွက်တော့ လှမယ် မထင်ဘူး..။ အလှဘာသာ ဗေဒကို သူနဲ့ ကျွန်တော်က မတူညီတဲ့ သင်ရိုးညွှန်းတန်းတွေနဲ့ ကိုယ်စီ ကိုယ်စီ ကြေငြာနေကြတာထင်ရဲ့။

“တွေ့ရတာဝမ်းသာပါတယ်ဗျာ…ဒါနဲ့…ခင်ဗျားဘယ်သူဘယ်ဝါဆိုတာ  ကျွန်တော့်ကို မပြောရသေးဘူးနော်…”

“သြော်…အေး…ဟုတ်သားပဲ၊ငါက …မကောင်းဆိုးဝါးကွ…မင်းနဲ့ ကစား ဖို့ အလှည့်ကျလို့ ရောက်လာတာ….”

“ဗျာ…”

နှစ်ခါရှိပြီ … ကျွန်တော်တအံ့တသြနဲ့ ‘ဗျာ’ နေရတာ။ မကောင်းဆိုးဝါးတဲ့… ကစားမလို့တဲ့…. ကိုယ့်ဘာသာ  အေးအေးဆေးဆေးနေနေတာကို …တခြားသူ တွေဆီသွားပါတော့လား မကောင်းဆိုးဝါးရယ်….။

“တစ်ခြားသူတွေဆီသွားလို့မရဘူးကွ…သံသရာဆိုတာရှိတယ်၊ အဲဒီ သံသရာ ထဲမှာ မင်းရဲ့ကံကြမ္မာ ကလည်းလည်နေတယ်။ မင်းကံကြမ္မာထဲမှ ငါကလည်း ရှောင်လွဲလို့မရတဲ့ တစ်ခုသောနေရာကနေ ပါနေရတယ်။ဒါကြောင့်ပါ…ကဲ….ကဲ …မကစားဘူးလို့ မငြင်းနဲ့…ဘာလုပ်တန်းကစားကြမလဲ ဆိုတာကိုပဲ…စဉ်းစား …ဟုတ်ပြီလား…”

ကျွန်တော်ဖွင့်ပြောတာမဟုတ်ပဲနဲ့ သူကကြားတယ်…ဘာကောင်လဲဟ… ဒီကောင်မကောင်းဆိုးဝါး ဆိုတာကိုတော့ရုပ်မြင်ကတည်းက သိပါတယ်။ဒါပေမယ့်  အဲဒီလောက်ဆိုးဝါးလိမ့်မယ်လို့တော့ မထင်ခဲ့ရိုးအမှန်။ အဲဒါကြောင့်ပြောတာပေ့ါ။ တစ်ခါတစ်ခါကျတော့လည်း လောကကြီးက ခက်တယ်လို့….။

“ခင်ဗျားကလည်း ဇွတ်ကြီးပဲ…ငယ်ငယ်တုန်းကလို ကစားမလား….နားမလားလို့တောင် မမေးရတော့ ဘူးလားဗျ…”

“ငါ ကနားနေတာကြာပြီကွ…ခုမှ အလှည့်ကျလို့ထွက်လာရတာ…”

“အင်”

ဘယ်လိုမှလည်း ဖျောင်းဖျလို့မရပါလားနော်….။ရုပ်ရှင်ရိုက်နေတာမဟုတ် တော့ “ကဒ်”လို့ အော်မယ့် ဒါရိုက်တာက မရှိ…အိပ်မက်မက်နေတာမဟုတ်တော့ “ထ….ထ”လို့ လာနှိုးမယ့်လူက မရှိနဲ့ … အဲဒါပေ့ါ….ဒုက္ခနဲ့ လှလှတွေ့တယ်ဆိုတာ။အင်း …ဒီမကောင်းဆိုးဝါးနဲ့ မကစား လို့မရတာတော့ သေချာသွားပြီ…ဒါပေမယ့်….ဘယ်လိုကစားနည်းမျိုးကစားမလဲ ဆိုတာ ကို ရွေးချယ်ခွင့်၇ှိနေလို့တော်သေးရဲ့…။

“ကြာတယ်ဟေ့….မြန်မြန်ပြော…ငါလည်းစောင့်ရတာမောလာပြီ”

အေးအေးဆေးဆေးထိုင်စောင့်နေရတာများ မောလို့တယ်ဗျာ…။မကြီးပဲ နဲ့ များ တော်တော်ကျယ်တဲ့ မကောင်းဆိုးဝါး။

“ဟေ့…ဟေ့..င့ါဘာသာ မကြီးပဲနဲ့ ကျယ်ကျယ် မင်းအပူမပါဘူး…. စဉ်းစားစရာ ရှိတာ မြန်မြန်စဉ်းစား ကြာတယ်….။”

“ရော…ဒီမကောင်းဆိုးဝါးနဲ့တော့ ခက်ပြီ…။စိတ်ကူးနဲ့တောင်မပြစ်မှားရဲပါ လားနော်…အရေးထဲမှ အကြံကလည်း ဘယ်လိုမှထုပ်လို့ မရဖြစ်နေတယ်။စဉ်းစားစမ်းပါအုံးဟ…။ရှုံးမယ့်အတူတူ ဦးနှောက်လည်း မစား သက်လည်းသက်သာမယ့် ကစားနည်း မျိုးကို မြန်မြန်စဉ်းစားစမ်းပါ….။အဲ… ဟုတ်ပြီ ….”

“ဖြောင်း….”(လက်ခုတ်တီးသံ)

“ဟ…ဘာတုန်းဟ…လန့်သွားတာပဲ။”

“အကြံရပြီ…ခင်ဗျားနဲ့ ကျွန်တော် တူတူပုန်းတန်းကစားမယ်…”

ကျွန်တော်က အဲသလိုပြောလိုက်တော့ မကောင်းဆိုးဝါးက ရုတ်တရက် မျက်နှာတစ်ခုလုံး ထော်သွားတယ်။ပြီးတော့ ကျွန်တော့် ကို သနားသလိုကြည့် တယ်။

“တူတူပုန်းတန်း ကစားမယ် …ဟုတ်လား….မင်းက ငါရှာလို့မတွေ့အောင် ဘယ်လိုများ ပုန်းနိုင်မှာမို့ လို့လဲ….ဥာဏ်ကြီးးရှင်ရယ်…စဉ်းစားပြီးတော့ သောက် တလွဲလုပ်တာ မင်းလိုလူမျိုးပဲ ….ကဲ…ကဲ… ဆုံးဖြတ် ပြီးရင်လည်း ကစားပွဲလေး စလိုက် ကြဆို့…”

”ရှုံးမယ့် အတူတူတော့ သက်သာတဲ့ကစားနည်းပဲ ရွေးရတာပေ့ါ ဗျာ….လုပ်….ခင်ဗျား.. မျက်စိမှိတ်…ကျွန်တော်ပုန်းမယ်…ခင်ဗျား ကျွန်တော့်ကို မတွေ့အောင်ရှာ…ဒါပဲ….”

ပထမတော့ မကောင်းဆိုးဝါးက “အေး..အေး…”ဆိုပြီး မျက်စိမှိတ်တယ်…။ ခဏနေတော့ ကျွန်တော့် စကားကို သေချာ ပြန်စဉ်းစားမိပြီး…

”ဘာကွ….ဘာလို့ မတွေ့အောင် ရှာရမှာလဲ…ရှာမှတော့ တွေ့အောင်ရှာမှာပေ့ါ…ဟေ့ ကောင် လူလည်မကျနဲ့….ဒီလိုလှိမ့်လုံးတွေ ရိုးလွန်းအားကြီးလို့တောင် သိုးတောင်သိုးနေပြီ။”

တော်တော်လည်တဲ့ မကောင်းဆိုးဝါး …ဘယ်လိုမှကို ပတ်လို့မရပါလား … ဒါနဲ့ ကျွန်တော်လည်း ပုန်းဖို့နေရာကိုပဲ ရှာရတော့တယ်။မကြီးမငယ်နဲ့ တူတူ ပုန်းတိုင်းကစားရတယ်လို့ ကိုယ့်ကိုယ်ကို လည်း ရယ်ချင်တယ်။ ဒီကောင်က မကောင်းဆိုးဝါးဆိုတော့အောက်လမ်းတွေလည်းတက်မှာ ဆိုတော့ကား ဘယ်လိုပုန်းပုန်းပြန်မိမှာသေချာတယ်။ဒါနဲ့ ကျွန်တော်လည်း ထွေထွေထူးထူး စဉ်းစားမနေတော့ပဲ …အသက်အောက်ပြီး သူ့ရဲ့ နောက်နားမှာ ကပ်ရပ်နေလိုက်တော့တယ်။

“ ၅…၁၀…၁၅….၂၀…၂၅………၁၀၀ တူပြီလား…။”

“၅…၁၀…၁၅….၂၀…၂၅………၁၀၀ တူပြီလား…။တူတူ…မတူတူ…. လိုက်ပြီဟေ့…”

ပထမတော့ သူ..ခေါင်းကုတ်ပြီး ဟိုရှာဒီရှာလုပ်တယ်။ ကျွန်တော်က လည်း သူသွားလေရာကို အသက်ကို ခိုးခိုးရှူပြီးလိုက်တယ်။သိပ်မကြာပါဘူး…။ သူ..ရိပ်မိသွားတယ်။ရုတ်တရက် ရပ်တန့်စဉ်းစားနေရင်းက နောက်ကို ဆက်ကနဲလှည့်ပြီး….။

“၀ါး ….”

အောင်မလေးဗျ…လန့်လိုက်တာ ဖြည်းဖြည်းလုပ်ပါ….

“ဟား…ဟား…ဟား….ဟား….”

“မလန့်ပါနဲ့ ဗိုလ်အောင်ဒင်ရယ်….မမြ၀င်းခြင်ထောင်ထောင်တာ ကလေးသိပ်မလို့ပါ….”

“အာ…ရွံစရာကြီးဗျာ….ဘာတွေလာပြောနေတာလဲ…ရုပ်ကြမ်းကြီးနဲ့ လာနွဲ့နေပြန်ပြီ….”

“မင်း…စိတ်ပြေလက်ပျောက်ဖြစ်အောင်စတာပါကွာ….ကဲ…ကဲ…ငါ တစ်ပွဲနိုင်သွားပြီ…အခု ငါ..ပုန်းအလှည့် ….မင်းတွေ့အောင်ရှာပေတော့…. မတွေ့လို့ကတော့ ၂ ဂိုး …ဂိုးမရှိနဲ့ ဂိုးပြတ်ပဲ…”

“တူပြီလား….”ဘာသံမှမကြားဘူး…။

ကျွန်တော် နောက်ထပ်တစ်ခါ ထပ်မံရည်တွက်တယ်။နောက်ထပ်၁၀၀ ပြည့်သွားတယ်။

“တူပြီလား…”ဘာသံမှမကြားပြန်ဘူး…။ကျွန်တော်မျက်စိဖွင့်လိုက်တယ်။ ပတ်ဝန်းကျင်တစ်ခွင်ဟာ တိတ်ဆိတ်ငြိမ်သက် ….နာရီလက်သံတစ်ချက်ချက် ပြန်ကြားနေရတယ်။ဒီမကောင်းဆိုးဝါးကို ဘယ်လိုတွေ့အောင် ရှာရမလဲ ။မလွယ်ဘူး..။ဘယ်လိုမှမလွယ်ဘူး။အင်း …မတွေ့ ရင် တော့ နောက်တစ်ပွဲ ထပ်ရှုံးရအုံးမယ်။တွေ့ရင်တော့ နိုင်ပြီ။သူတစ်ပွဲ…ကိုယ်တစ်ပွဲ …ကျွန်တော့် စိတ် တွေ ရှုပ်ရှက်ခက် လွန်ဆွဲနေကြတယ်။အတွေးထဲမှာ အရာရာ ဝေေ၀၀ါးဝါး အနိုင် ၊အရှုံး …မကောင်းဆိုးဝါး…တူပြီလား….။ အနိုင် ၊အရှုံး…မကောင်းဆိုးဝါး… တူပြီလား….။ အဲဒီ ဝေေ၀၀ါးဝါးအတွေးတွေကြားထဲက သေချာမှုအပိုင်းအစတွေကို ကျွန်တော် ကတိမ်းကပါး လိုက်ဖမ်း နေမိတယ်။ ရုတ်တရက်…အလင်းတစ်ချက် လက်….။ ထားလိုက်ပါတော့လေ…..။ ရှုံးချင်လည်း ….ရှုံးပါစေတော့ …ကျွန်တော်ပြုံး မိတယ်။မကောင်းဆိုးဝါးက တစ်နေရာမှာ ပုန်းလို့ကောင်းတုန်း….ပြီးတော့ …သူ့ကို ကျွန်တော် ရှာမတွေ့နိုင်လို့ဆိုပြီး …သူနိုင်ပြီဆိုပြီး …ပျော်လို့ကောင်း တုန်း…။

အဲဒီလိုနဲ့…ကျွန်တော့်ဘာသာကျွန်တော် နှစ်ကာလတွေကို ဖြတ်ကျော်ခဲ့တယ်….။ခင်ဗျားတို့ကိုလည်း ပြောထားရအုံးမယ်။အခန့်မသင့်လို့ များ ကျွန်တော့်ကို ပုန်းနေတဲ့ မကောင်းဆိုးဝါးကို ခင်ဗျားတို့များ တွေ့ခဲ့ရင် သူ့ကို ကျွန်တော် လိုက်ရှာနေတယ်ဆိုတဲ့ အကြောင်းလေး ပြောပေးကြပါ။ ကျွန်တော့်ကို နိုင်နေတယ်ဆိုတဲ့ ခံစားမှုနဲ့ သူပျော်နေပါစေဗျာ….။

ရယ်စရာ( ယခု- ပြုံးစရာ) မဂ္ဂဇင်းထဲမှာ ဘုန်းဦးမော်နာမည်နဲ့ ရေးခဲ့တဲ့ ၀တ္ထုတိုလေးပါ ...။

Monday, February 20, 2012

“မင်းသား… လက်ခုပ်သံများနဲ့ ကိုယ်ဝင်ကြည့်ခဲ့တဲ့ ဇာတ်ပွဲ”


အချိန်က အနက်တစ်ရောင်တည်းကို မြင်နေရလောက်အောင် မှောင်နေတာလဲ မဟုတ်။ ဒါပေမယ့် ညီရင်းအစ်ကိုတွေတောင် ခွန်းကြီးခွန်းငယ် ပြောဟယ် ဆိုဟယ်၊ အော်ဟယ် ဟစ်ဟယ် ဖြစ်နေကြ တာကို ထောက်ပြီး ညီအစ်ကို မသိတသိ အချိန်ပဲလို့ စိတ်ထဲမှာ မှတ်ထားလိုက်တယ်။ နေက ၀င်သွား တာလား… ထွက် မလာသေးတာလား… အလင်းရောင်က အမှောင်ဘက်ဆီ ကူးနေတာလား… အလင်းဘက်ဆီ ရွေ့နေတာလား…။ သေချာတာကတော့ ဘာဆိုဘာမှ မရေရာသေးဘူးဆိုတာပဲ…။ ပွဲခင်းထဲမှာ လူမစုံသေးပေမယ့် ပွဲကတော့ စတော့မယ်…။ ၀န်းကျင်ရဲ့ မှုန်မှိုင်းရီဝေမှုနဲ့အတူ လူတိုင်းရဲ့ မျက်နှာတွေပေါ်မှာလဲ မအီမလည် ခံစားမှုတစ်ခုက တွဲခိုလို့…။ နောက်ကျတော့ ဇာတ်ရုံ ရဲ့  နောက်နား မှာပဲ နေရာလို့ မဆိုသာတဲ့ နေရာတစ်ခုကို ရတယ်။ ခြေနှစ်ချောင်း ချရရုံ… ဇာတ်စင်ကို လှမ်းမြင်နေ ရရုံ…။ မြင်နေရတယ် ဆိုပေမယ့် အလှမ်းနည်းနည်းဝေးသလို ဇာတ်စင်နဲ့ ကိုယ်နဲ့ကြားက လူအတိပြီးတဲ့ အဆီးအတားကလဲ နည်းနည်းကြီးတယ်။ ဘာမှ မတတ်နိုင်ခြင်းတွေကို ခဏတာ ကြိတ်မှိတ်မြိုချပြီး ဘာမှန်းမသိလိုက်မှာစိုးတဲ့ စိတ်နဲ့ ကိုယ် ဇာတ်စင်ကို အားစိုက်ပြီး ကြည့်နေမိတယ်။ 

အပြင်အဆင် အခြယ်အသတွေက အစိမ်းရောင် နည်းနည်းကဲပေမယ့် အေးချမ်းငြိမ်သက်တဲ့ စိမ်းလန်းတောအုပ်တစ်ခုနဲ့တော့ တူမနေဘူး…။ ရာသီဥတုကြောင့်ပဲ လူတွေ ပူနေတာလား… လူတွေကြောင့်ပဲ ရာသီဥတုက ပူနေရတာလား ဆိုတာကလဲ မကွဲပြားဘူး…။ ဇာတ်စင်ပတ်ပတ်လည်မှာ ရှိတဲ့ အဲယားကွန်းတွေက လေအေးတွေကို တဟူးဟူး မှုတ်ထုတ်ပေးနေကြတာ အငွေ့တထောင်းထောင်း ထလို့…။ လူတွေက ပူလောင်နေကြပေမယ့် အဲယားကွန်းတွေရဲ့ အကူအညီနဲ့ အိုက်စပ်နေကြပုံတော့ မရဘူး…။ 

“………………………………………………………………………” 

“ဖြောင်း…..ဖြောင်း…..ဖြောင်း…..ဖြောင်း…..ဖြောင်း…..ဖြောင်း……….” 

ဘာပြောလိုက်မှန်း မသိတဲ့ စကားတစ်ခွန်းကို လက်ခုပ်သံတွေက လွှမ်းသွားတယ်။ လက်ခုပ်မတီးမိတဲ့ ကိုယ့်ကို ဘေးနားကလူက ဘုရှိုးလှမ်းရှိုးတယ်။ သူ့အကြည့်ကို သိသိကြီးနဲ့ မသိချင်ယောင်  ဆောင်နေလိုက် ရတယ်။ စင်နောက်ကနေ ခေါင်းပေါင်းတလူလူ ပေါင်းပြီး ပုဆိုးစလေး မ,ကာ.. မ,ကာနဲ့ ထွက်လာတဲ့သူရဲ့ ဟန်ပန်အမူအရာကို ကြည့်ပြီး ဒါ မင်းသားပဲလို့ မှန်းလိုက်တယ်။ အဲဒီတော့မှ ခုနက မင်းသားနာမည်  ကြော်ငြာလို့  လက်ခုပ်ဝိုင်းတီးကြမှန်း ကိုယ် သဘောပေါက်တော့တယ်။ 

“ကြွရောက်လာကြတဲ့ ဧည့်ပရိသတ်အပေါင်းတို့… မင်္ဂလာအပေါင်းနဲ့ ခညောင်းကြစေဖို့ ဦးစွာပထမ ဆုတောင်းမေတ္တာ ပို့သကြောင်းပါ ခင်ဗျား…”  

စကားလုံးတွေက ပီသရုံတင်မက အသံလေးကလဲ ချိုလို့ မြလို့…။ အသံလေး ချိုမြရုံ မကသေးဘူး… လက်အုပ်ကလေးချီပြီး ပရိသတ်ကို ကွေးညွတ်ဂါရ၀ ပြုနေပုံကလဲ တကယ့်ကို ခခယယ…။ ပရိသတ်ကြီးရဲ့ နှလုံးသည်းပွတ်တွေ တစ်ချီတည်းနဲ့ ကြွေဆင်းသွားမလား မှတ်ရရဲ့…။ နည်းနည်း စိတ်ဝင်စားသွားတာနဲ့ ကိုယ် လူအုပ်ကြီးထဲကို ရသလောက် ရသလောက်နဲ့ နည်းနည်း နည်းနည်းဆီ တိုးသွားရင်း ဇာတ်စင်နားရောက်အောင် ကြိုးစားနေမိတယ်။ မင်းသားလေးက တစ်ခွန်းပြောလိုက်… လက်ခုပ်သံတွေ စီကနဲ ညံသွားလိုက်… ဟိုနားဒီနားက လက်ခေါက်မှုတ်သံတွေ ရွှီးကနဲ ရွှီးကနဲ ထွက်လာလိုက်နဲ့… ကိုယ် ခန္ဓာကိုယ်တစ်ခုလုံးပါ မကဘူး… နားထဲမှာပါ ပူစပ်ပူလောင် ဖြစ်လာတယ်…။ ကိုယ် တတိတိ တိုးနေပေမယ့်လဲ ဇာတ်စင်နဲ့က ဝေးသထက် ဝေးနေတုန်း…။ အဲဒီအချိန်မှာပဲ ပွဲကျနေတဲ့ ပရိသတ်ကို ဇာတ်မင်းသားက သီချင်းတစ်ပုဒ် စဆိုပြီး ထိန်းလိုက်တယ်။ သီချင်းသံ စထွက်လာချိန်မှာ သြဘာပေးသံတွေ ဝေါကနဲ တစ်ချက် ဆူညံသွားပေမယ့် ခဏနေတော့ အားလုံး ငြိမ်ကျသွားတယ်။ ဆူဝေပေါက်ကွဲထွက်လာတဲ့ ပတ်မကြီးသံက ခန့်ညားနေပြီးသား သီချင်းသံကို ပိုပြီး ခမ်းနားသွားစေတယ်။ မင်းသားရဲ့ ပီပြင်ကြည်မြတဲ့ အသံကလဲ မြူးကြွကြွ ဟန်ပန်အနုအလှတွေနဲ့ ပေါင်းလိုက်တဲ့အခါ တကယ့်ကို ပန်းလေးတစ်ပွင့် သီချင်းလေး တဆိုဆိုနဲ့ ပွင့်အာလာသလိုတောင် ထင်ရရဲ့…။ သီချင်းတစ်ပုဒ်ဆိုလိုက်… ပြီးတော့… ခြေ၊ လက်၊ ခန္ဓာရဲ့ အချိုးအဆစ်တွေကို ကွေးညွတ်ဆစ်ချိုးပြီး ရွှင်မြူးကခုန်လိုက်နဲ့…။ ပရိသတ်ခမျာ… ပင့်သက်တွေ တဖြာဖြာနဲ့ အနုအရွ အလှတို့ရဲ့ ဖမ်းစားမှုမှာ စီးမျောပျော်ရွှင်နေကြပုံများ အတိုင်အဖောက်ကို ညီလို့…။ ဆိုလိုက်၊ ကလိုက်၊ ကလိုက်၊ ဆိုလိုက်၊ စကားလေးတွေ ပြောလိုက်၊ ပရိသတ် လက်ခုပ်သံ တနေဲ့ဖြာင်းဖြောင်းကို ငြိမ်သက်ခံယူလိုက်နဲ့… လူရွှင်တော်မပါဘဲမင်းသား တစ်ယောက် တည်းနဲ့  ထိန်းထားလိုက်တာ အချိန်တွေသာ ကြာသွားတယ်… မင်းသားကတော့ မောတယ် ပန်းတယ်လို့ မရှိ…။ ကိုယ်လဲ လူအုပ်ကြီးကြားထဲ တိုးသထက် တိုးလာရင်း ဇာတ်စင်နဲ့ နီးသထက် နီးလာတယ်… ဒါမှမဟုတ် နီးသထက် နီးလာတယ်လို့ ထင်ရတယ်။ ဆိုတဲ့သီချင်းရဲ့ စာသားလေးတွေက  ကောင်းလိုက်တာ…။  လက်ချောင်းလေးတွေ ဆစ်ချိုးကပြသွားတာကလဲ လှလိုက်တာ…။ ကိရိယာ အကူမပါဘဲ လွှားကနဲ လွှားကနဲ ခုန်ပေါက်ဂျွမ်းထိုး သွားတာကလဲ ပေါ့ပါးသွက်လက်လွန်းလိုက်တာ…။ ဒါမှ တို့မင်းသားကွ… ဒါမှ တို့မင်းသားကွ ဆိုတဲ့ ချီးမွမ်းမြှောက်ပင့်သံတွေ များစွာက ပရိသတ်တွေကြားမှာ တီးတိုး တီးတိုးနဲ့ သောသောညံနေတော့တယ်။ အားလုံး ၀ိုင်းချီးမွမ်းရလောက်အောင်ပဲ မင်းသားက တော်လွန်းပါတယ်။ ဒါကို ကိုယ်လဲ မျက်မြင် မြင်နေရတာပဲလေ…။ ဒါပေမယ့် ဇာတ်စင်နဲ့ နည်းနည်းတော့ လှမ်းနေသေးတယ်။ ဒီလောက်တော်တဲ့ မင်းသားကို ကိုယ် အနီးကပ်တော့ သေသေချာချာ ကြည့်ချင်သေးတယ်။ အဲဒီအတွေးနဲ့ ရှေ့မှာကာနေတဲ့ လူအုပ်ကြပ်ကြပ်ထဲကို ကိုယ် အားနည်းနည်းစိုက်ပြီး တိုးဝင်လိုက်တယ်။ သိပ်မတိုးလိုက်ရဘူး… ကိုယ့်ရဲ့ရှေ့မှာ စီတန်းပြီး ပိတ်ထားတဲ့ သံဆူးကြိုးတန်းတွေနဲ့ ဆုံလိုက်ရတယ်။ ဒီနေရာမှာ ပရိသတ်ရဲ့နေရာက ဆုံးနေပြီ။ ဒါပေမယ့် ဇာတ်စင်နဲ့က လှမ်းမြဲလှမ်းနေတုန်း….။ ပရိသတ်နဲ့ ဇာတ်စင်ကြီးနဲ့ကြားမှာ ဟင်းလင်းပြင်တစ်ခုက ပြောင်စပ်စပ်နဲ့ ခြားမြဲခြားနေတုန်း…။ ကိုယ် သံဆူးကြိုးတွေ ကို ကျော်ဖြတ်ပြီး အတင်းဝင်မယ်လုပ်တော့ ဇာတ်ပွဲစီစဉ်သူတွေ ကိုယ့်ကို လာတားတယ်…။ ဒီနေရာ ကနေပဲ ကြည့်ခွင့်ရှိတယ် တဲ့…။ မင်းသားက ဘယ်နှစ်ပုဒ်မြောက်မှန်း မသိတဲ့ သီချင်းနောက်တစ်ပုဒ်ကို ထပ်ဆိုနေပြီ…။ ပြီးတော့ မမောနိုင် မပမ်းနိုင် ထပ်မံ ကခုန်နေပြန်ပြီ…။ ကိုယ့်မှာသာ ချွေးသံ တရွှဲရွှဲနဲ့ ရှေ့ဆက်တိုးခွင့် မရတော့လို့ စိတ်အလိုမကျ ဖြစ်နေရတယ်။ မတတ်နိုင်ခြင်းတွေကို ထပ်မံမြိုချလိုက်ရပြန်တယ်။ ကိုယ့်ဘေးပတ်ပတ်လည်က ပရိသတ်ထဲကို ကြည့်တော့လဲ အေးရာအေးကြောင်းနဲ့ မင်းသားရဲ့ ခြေအကြွ၊ လက်အလှ၊ ပုဆိုးအမတွေကို ရင်သပ်ရှုမော ကြည့်မ၀ ငေးမ၀ ဖြစ်နေကြသူတွေက ခပ်များများ ဖြစ်နေတယ်။ မင်းသား ကတာ လှပါတယ်၊ မင်းသား ဆိုတာ ကောင်းပါတယ်၊ မင်းသား ပြောနေတဲ့ စကားတွေကလဲ ပရိသတ်အကြိုက်တွေပါပဲ…။ ဒါပေမယ့် ကိုယ့်စိတ်ထဲမှာ ဇာတ်ခုံရဲ့ အခင်းအကျင်းနဲ့ ပတ်သက်ပြီး ဘ၀င်မကျ ဖြစ်နေမိတယ်…။ ဘာလုပ်ရရင် ကောင်းမလဲ…။ နောက်ဆုံး ဘယ်လိုမှ ကြံရာမရတော့မှပဲ ကိုယ့်အိပ်ကပ်ထဲက မျက်မှန်အသစ်ကလေးကို သတိရတော့တယ်…။ လိုလိုမယ်မယ် ပါဝါသွားတိုးထားတဲ့ မျက်မှန်လေးပေါ့…။ ကမ္ဘာမှာ ပါဝါအမာ၊ ပါဝါအပျော့တွေအပြင် စမတ်ပါဝါဆိုတာပါ ထပ်ပေါ်လာနေပြီဆိုတော့ ကိုယ်ကလဲ ကိုယ့်ရဲ့မျက်မှန်လေးကို ခေတ်နဲ့အမီ ပါဝါတွေ လိုက်တိုးထားရတာလေ…။ ကိုယ် အဲဒီမျက်မှန်လေးကို ထုတ်တပ်လိုက်တယ်…။ကိုယ့်ရှေ့မှာအကွာအဝေးတစ်ခုက သိသိသာသာ  ခြား ထားသေးပေမယ့်  မြင်နေရတဲ့ မြင်ကွင်းက အရင်ကထက် ပိုပြီး ပြတ်သားသွားတယ်…။ 

“မြို့မေတ္တာ ခံယူမယ့် သားပါမို့ … မိဘများက ချစ်အားပိုတယ်…..”

 သီချင်းသံ ပီပီသသကို နားနဲ့ဆတ်ဆတ် ကြားနေရပေမယ့် မျက်စိရှေ့မှာ မြင်နေရတဲ့ မင်းသားရဲ့ ပါးစပ်က တုတ်တုတ်မှ မလှုပ်တာ မြင်လိုက်ရတယ်…။ အမြင်အာရုံကို ဒီထက်ပို စူးစိုက်ပြီး ဇာတ်စင်ရဲ့ ဟိုဟိုဒီဒီ မျက်စိကစားကြည့်တော့ ဇာတ်စင်ရဲ့ အနောက်ဘက် ထောင့်တစ်နေရာမှာ မဲမဲအရာတစ်ခု ကို မြင်လိုက် ရတယ်။ ကက်ဆက်နဲ့ ဆောင်းဘောက်စ်…။ သြော်.. သီချင်းဖွင့်ထားတာပဲ…။ တစ်ခုခုကို တဖြည်းဖြည်း နားလည်လာသလို ရှိတာနဲ့ ကိုယ့်ရဲ့အကြည့်တွေကို မင်းသားဆီ ပြန်ပို့လိုက်တယ်။ မင်းသားကတော့ ပရိသတ် သေချာမမြင်ရတဲ့ အကွာအဝေးမှာ ပြေးလွှားခုန်ပေါက် ကပြ အသုံးတော်ခံနေတုန်း…။

“ဟာ………..” 

မသေချာမှာစိုးလို့ မျက်မှန်ကို ချွတ်ပြီး အင်္ကျီစနဲ့ သေသေချာချာ သုတ်လိုက်တယ်။ ပြီးမှ ပြန်တပ်ပြီး နောက်ထပ်တစ်ခါ ထပ်ကြည့်လိုက်တယ်။ ကိုယ့်ရဲ့ အမြင်အာရုံက မလွဲပါဘူး…။ လွဲနေတာက မင်းသားပါ…။ မင်းသားရဲ့ ခြေ၊ လက်၊ ခေါင်း၊ ခါးနဲ့ ကိုယ် နေရာအစုံကို ချိတ်ဆွဲလှုပ်ရှားပေးနေတဲ့ ကြိုးမျှင်စလေးတွေကို ပြတ်ပြတ်ထင်ထင်ပဲ မြင်လိုက်ရတယ်။ အံ့သြသွားခဲ့သင့်ပေမယ့် ကိုယ် အံ့အားမသင့်ခဲ့ဘူး…။ မင်းသားက ကကြိုးကို အဆုံးသတ်တော့မယ်။ ဆိုင်းသံက ပိုပြီး မြိုင်ဆိုင်လာတယ်။ ကကြိုးကကွက်တွေကလဲ ရင်သပ်ရှုမောဖွယ်  မြန်ဆန်သွက်လက် လာတယ်။ ကိုယ့်အတွက်တော့ ကြိုးတွေပါ မြင်နေရတဲ့အတွက် ရယ်စရာကြီး ဖြစ်နေတယ်။ ပတ်မကြီးရဲ့ ၀ုန်းကနဲ အချသံနဲ့အတူ မင်းသားက ဖြုတ်ကနဲ ပုံကျသွားပြီး ကကြိုးကို အဆုံးသတ်လိုက်တယ်။ တိုက်တိုက်ဆိုင်ဆိုင်… ကိုယ်ရှိရာဘက်ကို မျက်နှာလှည့်လို့…။ အဲဒါကြောင့်လဲ ကိုယ်က အသေအချာ ကို မြင်လိုက်ရတယ်။ မင်းသားရဲ့ အသက်မဲ့တဲ့ မျက်နှာအသေ…။ 

“ဝေး ….. ရွှီး ….. ဖြောင်း ….. ဖြောင်း ….. ဖြောင်း …..”

“ဟေး… ဒါမှ တို့မင်းသားကွ…..” 

“နောက်တစ်ပုဒ် ကပါဦး… နောက်တစ်ပုဒ်… နောက်တစ်ပုဒ်…” 

ဆူညံပွက်လောရိုက်နေတဲ့ အော်သံတွေကို ထားခဲ့ပြီး ကိုယ် ဇာတ်ရုံထဲကနေ လှည့်ပြန်ခဲ့တယ်။ ဘာအတွက်မှန်း မသိတဲ့ လက်ခုပ်သံတွေက ကိုယ့်နားထဲကနေ ပြန်လျှံထွက်ကျလာတယ်။ ဒီဇာတ်ပွဲကို သွားကြည့်မိခဲ့တဲ့အတွက် ကိုယ့်ကိုယ်ကိုယ် နင့်နင့်သီးသီးကို ပြန်အားနာနေမိတယ်။ မင်းသားရဲ့အနုအရွ၊ အလှအပတွေမှာ မိန်းမူးပြီး ကိုယ် လက်ခုပ်များ တီးမိခဲ့သေးလား…။ ကိုယ်ကိုယ်တိုင်လဲ  ဝေခွဲမရ  ဖြစ်နေတယ်။ အခြားသူတွေ အားလုံးကိုပါ ပြောပြချင်ပေမယ့် မပြောဖြစ်ခဲ့တဲ့ စကားတစ်ခွန်းကို ကိုယ်တစ်ယောက်တည်း ကြားရရုံ ကိုယ့်ကိုယ်ကိုယ် ပြန်ပြောဖြစ်ခဲ့တယ်။

 “ကိုယ်အားပေးမယ့် မင်းသားဟာ ရုပ်သေးရုပ် မဖြစ်ဖို့တော့ လိုမယ်… နို့မို့ဆို လက်ခုပ်သံတွေ နှမြောဖို့ ကောင်းပါတယ်…” လို့….။ 


 နေဘုန်းလတ်

Friday, February 17, 2012

Interview with Myanmar Tutorials

ရန်ကုန်ဘားကမ့် ပထမနေ့မှာ myanmartutorials က ကိုသီဟမေးတဲ့မေးခွန်းအချို့ကိုဖြေဖြစ်ခဲ့ပါတယ် ... ဒီနေရာ နဲ့ ဒီနေရာမှာသွားဖတ်နိုင်ပါတယ် ...

Monday, February 13, 2012

 ပြည်ထောင်စုနေ့ စတုဒီသာ

၁၂.၀၂.၂၀၁၂ ပြည်ထောင်စုနေ့က ကျနော်တို့လမ်းထဲမှာ အုန်းနို့ခေါက်ဆွဲ စတုဒီသာ ကျွေးပါတယ်။ ပြီးတော့ ကလေးတွေကို ဗိုလ်ချုပ်ပုံရင်ထိုးလေးတွေဝေတယ်။ ဘားကမ့်ရန်ကုန်ဒုတိယနေ့ရဲ့ Beercampကိုမနွှဲတော့ပဲ အိမ်ကိုအပြေးပြန်ပြီး ဓါတ်ပုံလေးတွေရိုက်ဖြစ်ခဲ့တယ် ...။ ကလေးတွေ ပြုံးပျော်နေကြ တာကို မြင်ရတာ တကယ့်ကိုကြည်နူးကျေနပ်စရာပါပဲ။ ဒီလိုမျိုး ချစ်စရာ အလေ့အထလေးတွေကို တစ်ခုချင်းစီပြန်လည်အစဖော်ကြဖို့ ကျနော်တို့အားလုံးကြိုးစားသင့်ပါတယ်။ လမ်းထဲမှာ လုပ်တဲ့ အဲဒီ့ပွဲလေးအတွက် အားတက်သရောစီစဉ်ဆောင်ရွက်ကြတဲ့သူတွေ၊ ၀ိုင်းဝန်းလုပ်အားပေးကြတဲ့ အစ်ကိုတွေ၊ အစ်မတွေအားလုံးကို ကျေးဇူးအထူးတင်မိပါတယ်။ ကျနော်ကတော့ သူတို့လို ကိုယ်ထိ လက်ရောက် ဘာမှမလုပ်ပေးနိုင်ခဲ့ပေမယ့် အလှူငွေတစ်သောင်းနဲ့ အခြားလိုအပ်တဲ့ ဗာဟီရကိစ္စလေးတွေပဲ ကူညီပေးနိုင်ခဲ့ ပါတယ်။ မြန်မာ့ယဉ်ကျေးမှုကိုဖော်ဆောင်တဲ့ အခုလိုပွဲမျိုးလေးတွေ များများကျင်းပပေးနိုင်ခြင်းဟာ ရပ်ကွက်အတွင်းချစ်ကြည်ရင်းနှီးမှုတွေတိုးလာစေရုံမကပဲ ရပ်ကွက်အတွင်းမှာရှိကြတဲ့ လူကြီးလူငယ်အားလုံး ပူးပေါင်းဆောင်ရွက်မှုစွမ်းရည်ကိုလဲ တိုးတက်လာစေနိုင်တယ်လို့ ကျနော်မြင်ပါတယ် ...။




Monday, February 6, 2012

Happy Birthday " ကျွန်တော် လွတ်ကျခဲ့တဲ့မြို့တော် "


          ဒီနေ့ဟာ ကျွန်တော့်ဘလောဂ့်လေးရဲ့ (၅)နှစ်ပြည့် မွေးနေ့ပါ ....။ အမှန်အတိုင်းဝန်ခံရရင် ကျွန်တော်ဖန်တီးခဲ့တဲ့ ဒီဘလောဂ့်လေးဟာ .... ကျွန်တော့် ရင်ထဲကခံစားရသမျှတွေကို .... အနုပညာပုံစံမျိုးစုံနဲ့ ခင်းဖြန့်ချပြခဲ့ရာနေရာလေး ဖြစ်တဲ့အတွက် .... ကျွန်တော့်ရဲ့ ရင်သွေးလို့ပြောလို့ရပါတယ်   ..... ။ ကျွန်တော့်ရဲ့ ရင်သွေးဟာ ..... (၁) နှစ်သားမပြည့်ခင်မှာပဲ .... သူ့ဖခင်နဲ့ဝေးခဲ့ရတယ် ... ။ ဒါပေမယ့် .... ကံကောင်းထောက်မစွာနဲ့ပဲ .... ချစ်သော မိတ်ဆွေ ၊ သူငယ်ချင်းများ ၊ ပရိတ်သတ်များ ရဲ့ နွေးထွေးသောရင်ငွေ့နဲ့ ဆက်လက်ကြီးပြင်းလာနိုင် ခဲ့တယ် ... တကယ်ပြောတာပါ ...       (၄)နှစ်တာ ခွဲခွာခဲ့ ရပြီးနောက်  ...           Online ပေါ်ပြန်အတက်မှာ ...   " ကျွန်တော် လွတ်ကျခဲ့တဲ့မြို့တော် " လေးကို ... ကြည့်ရှု့စောင့်ရှောက် ခဲ့ကြသူတို့ရဲ့ ခြေရာလက်ရာတွေနဲ့ အတူ သန်သန်စွမ်းစွမ်း ကျန်းကျန်းမာမာ  ပြန်တွေ့လိုက်ရခြင်းဟာ .... ကျွန်တော့် အတွက်တော့ ဖော်မပြနိုင်လောက်အောင်ကို ပီတိဖြစ်ရပါတယ် ...။ ကျွန်တော် အနားမှာရှိမနေနိုင်ပေမယ့် .... ၀န်းကျင်ကောင်းမှာ ကြီးပြင်းခဲ့ရတဲ့ ကလေး တစ်ယောက်လိုပါပဲ .... ကျွန်တော့်ဘလောဂ့် လေးဟာ.... ဖျက်ဆီးခြင်းမခံရပဲ ၊ အထီးကျန်သိမ်ငယ်မနေရပဲ ရှေ့ခရီးကို ရဲရဲဆက်နိုင်ဖို့ အားအင်တွေအပြည့် ရခဲ့ပါတယ် ။ အားလုံးကိုကျေးဇူးတင်ပါတယ် ....။ အဲဒီထက်ပိုပြီး လေးနက်တဲ့စကား တစ်ခွန်းကို ပြောချင်ပါသေးတယ် ... ။ ကျွန်တော့် ရဲ့ရင်သွေးဟာ .... အားလုံးပေးထားတဲ့ အသက်နဲ့ဆက်နေရတာလို့ပဲ ကျွန်တော် ခံယူပါတယ် ...... ။ အဲဒီလို အဖိုးမဖြတ်နိုင်တဲ့ ကျေးဇူးတွေကိုဆပ်ဖို့ .... သူအစွမ်းကုန်ကြိုးစားလိမ့်မယ် လို့လဲ .... ကျွန်တော်ယုံကြည်ပါတယ် .... 
Happy Birthday ပါ " ကျွန်တော် လွတ်ကျခဲ့တဲ့မြို့တော် "


ကျွန်တော့်ဘလော့ဂ်လေးကို စတင်မွေးဖွားတဲ့နေ့တုန်းက တင်ခဲ့တဲ့ ပို့စ်လေးကို ဒီနေရာ မှာသွားဖတ်နိုင် ပါတယ်။

Wednesday, February 1, 2012

ဘီလူးတစ်ကောင်ရဲ့ ကကြိုး

ဘီလူးတစ်ကောင်ရဲ့ ကကြိုး

ကောင်းကင်ပြာကိုနောက်ခံထားပြီး …. တိမ်လွှာဖြူဖြူတွေက မသိမသာ လွင့် ပါးနေကြတယ်….သိပ်မကြာခင်အချိန်က ဒီကောင်းကင် ပြာကြီးကို သူမော့ကြည့်နေခဲ့ တာကို ပြန်သတိရလိုက်တယ်….အဲဒီ တုန်းက ကောင်းကင်ပြာကြီးက အနက်….ပြီးတော့ ကြယ်မှုန် ကြယ်မွှား လေးတွေက တလက်လက်….ပြီးတော့ လမင်းကြီးက ၀ိုင်းစက်စက်…. အခုတော့ …ကောင်းကင်က အပြာ…တိမ်ခိုးတွေမျှင်တွေက ပါးပါးလွှာလွှာ….နေခြည်နုနုလေးတွေကလဲ ယဉ်ယဉ်ကလေးဖြာလို့…. သူဘာကိုမှ ဆက်မတွေးတော့ပဲအဲဒီကောင်းကင် ရှုခင်းလေးကိုပဲငေးနေမိတယ်….။အဲဒီအချိန်မှာ…အဲဒီအခိုက်အ တန့် လေးမှာ……

********

အသံ….သာယာညင်ပြောင်းတဲ့အသံ…ဘယ်ကမှန်းမသိပေမယ့် သူ့ နားစည်ကို စည်းချက်ကျကျရိုက်ခတ်နေတဲ့အသံ….။ အဲဒီကြည်မြ မြ အသံကို ပိုပြီးပီသစေဖို့ နားစွင့်လိုက်ချိန်မှာပဲ….ခုဏက ခပ်ဝါးဝါး ပြေးနေတဲ့ တိမ်လွှာပါးပါးလေးတွေထဲက….လက်ခနဲ တစ်ချက်ဖြစ်သွား တယ်။ဘာလဲ….နားကိုစွင့်ထားရင်းက အကြည့်အာရုံကိုလဲ ပိုပြီးစူးနစ် အောင် မြှင့်လိုက်တဲ့အခါ…တိမ်လွှာပါးပါးတွေကြားမှာ….တလက်လက် တလက်လက်…. သန်လျက်။ဟုတ်တယ်….အဲဒါယိမ်းထိုးလှုပ်ရှားနေတဲ့ သန်လျက်တစ်လက်ပဲ။ သန်လျက် ကြီးပဲလား…. ဟင့်အင်း….မဟုတ်ပါဘူး….အဲဒီသန်လျက်ကို တစ်ယောက်က ကိုင်ထားတယ်….။ ပြီးတော့… အဲဒီတစ်ယောက်ကလည်း….နူးညံ့လှပတဲ့ တေးသွားတစ်ခုနဲ့ စည်းချက်ကျနစွာ ကနေသေး တယ်။ပထမတော့ဝိုးတ၀ါးပါပဲ။ဒါပေမယ့်တဖြည်းဖြည်း ပြတ်သားလာတယ်။ဘယ်သူလဲ?။ကြည်လင်ပြတ်သား လာတဲ့ မြင်ကွင်းကို သရုပ်ခွဲလို့ သူ …အာရုံတွေကို လိုတာထက်ပိုပြီး စုစည်းလိုက်တယ်။ဘယ်သူလဲ?

ဘီလူး…..သိပ်ဟုတ်တာပေ့ါ။ဒါဟာဘီလူးတစ်ကောင်ပဲ…တိတိကျကျထပ်ပြောရရင် အစိမ်းနုရောင်ဘီလူးတစ်ကောင်ပဲ။ပိုပြီးတိတိကျ ကျ ထပ်ပြောရရင်….သာယာညင်ေ ပြာင်းတဲ့ သံစဉ်နဲ့ ခမ်း နားပြေ ပြစ်တဲ့ ကကွက်တွေကိုပေါင်းစပ်ပြီး…အံ့သြစရာကောင်းတဲ့ ကကြိုးတစ် ခုကို လွတ်လွတ်လပ်လပ် ကနေတဲ့ အစိမ်းနုရောင်ဘီလူးတစ်ကောင်….

“ဟာ …..”

လက်တစ်ဖက်က သံလျက်….နောက်လက်တစ်ဖက်က တင်းတင်း ဆုပ်ထားတဲ့ လက်သီး….အဲဒီလက်နှစ်ဘက်ကို အနုပညာ မြောက်စွာ ချိုးဆစ်ဝှေ့ယမ်းလိုက်တိုင်းမှာ… .နေရဲ့ အလင်းနဲ့ သံလျက် ကိုထိတွေ့ပြီး တစ်လက်လက်ဖြစ်သွားပုံက…. သိပ်ကိုလှလွန်းတယ်….။ ခြေထောက် အနင်းအကြွ….အဖိ အပေ့ါ….ပြီးတော့ ကိုယ်လိုသလို ရွေ့နေတဲ့ ခန္ဓာကိုယ်အစိတ်အပိုင်းတို့ရဲ့ အရွေ့….လှတယ်…..ဘာလို လှနေမှန်း မသိအောင်ကိုလှတယ်…..နောက်…မျက်နှာ….ဘီလူးရဲ့ ပြုံး နေတဲ့မျက်နှာ…. အထူးသဖြင့်….. နှုတ်ခမ်းလွှာရဲ့ အစွန်းနှစ်ဘက်က ဖြူ စင်းတောက်ပနေတဲ့ အစွယ်နှစ်ချောင်း……။ အဲဒီအစွယ်တွေနဲ့ပဲ နူးညံ့စွာပြုံးလိုက်တဲ့ အပြုံးတစ်ပွင့်….အာ…ဒါ ဘီလူးအစစ်ရော ဟုတ်ရဲ့လား.....။ဘီလူးက…ကတယ်။သူကငေးတယ်…..။သူကငေး တယ် ….ဘီလူးက ….ကတယ်။ဘီလူးကနေတာကို သူသိပေမယ့် ။ သူငေးနေတာကို ဘီလူးသိချင်မှ သိလိမ့်မယ်။ဒါက ကိစ္စမရှိပါဘူး။ကိစ္စရှိ တာက ဘီလူးတစ်ကောင်ကနေတာကိုကြည့်ပြီး ဖြစ်လာတဲ့သူ့စိတ်ထဲ က ဒွိဟတွေပေ့ါ။ပြုံးနေတဲ့ဘီလူး…။ကနေတဲ့ဘီလူး…။ဒီထက်ပိုတာက သူ့ စိတ်ထဲမှာ လှနေတဲ့ဘီလူး…..။သူသိဘူးတဲ့ဘီလူးကခက်ထန်ကြမ်းတမ်းမှုတို့ရဲ့ ပြယုဂ်….။ဒေါသတရားတွေကိုဘယ်တော့ မှ မထိမ်းချုပ်တဲ့ အမြဲတမ်း သုန်မှုန်စူပုတ်နေတဲ့ သတ္တ၀ါ…။အခုတော့… သူက ပြုံးလို့….အစွယ်ကြီးတကားကားနဲ့ ပြုံးလို့…..။သူသိခဲ့ဖူးတဲ့ ဘီ လူးက ကတဲ့အခါမှာတောင် လက်သီးလက်မောင်းတန်း၊သန်လျက်ကြီး တရမ်းရမ်းနဲ့ လောဘဒေါသမာန်မာနတွေကို အထင်းသားမြင်ရနိုင်တဲ့ အကွက်တွေနဲ့ ခြေတဆောင့်ဆောင့် ကတတ်သူ….။ အခုတော့….သူက နူးညံ့ပြေပြစ်စွာကလို့….. လှပပျော့ပျောင်းစွာကလို့….. သူ့အတွေးတွေဒွိဟတွေနဲ့ ဖရိုဖရဲဖြစ်နေပေမယ့်…ဘီလူးကတော့ကကောင်းနေတုန်း.။

ဘာပဲဖြစ်ဖြစ်…ကြည့်လို့ကောင်းတာကတော့ သေချာတယ်….။ ပြီး တော့ ….တစ်ခါမှ မခံစားရဖူးတဲ့ခံစားမှုတစ်ခုကို ခံစားနေရတာလဲသေ ချာတယ်…။အတွေးတွေကို ခဏချိတ်ပြီး…. သူ…ကောင်းကင်ကို မော့ ကြည့်နေမိတယ်….။တေးသံသာက တဖြေးဖြေး….. သူနဲ့ ဝေးလာတယ်…။နောက်ဆုံး….တေးသွားကလုံးဝတိတ်သွားသလို…ဘီလူးလဲ သူ့ အမြင်အာရုံထဲကနေလုံးဝပျောက်ကွယ်သွားတယ်…..။

“ဟင်….”

ရင်ဘတ်ထဲ ထည့်မြိုထားတဲ့ခံစားချက်တနင့်တပိုးကို သူရှိုက်ထုတ်လိုက်တယ်….။ အဲဒီသက်ပြင်းရှည်ကြီးရဲ့ အဆုံးမှာပဲ… သူ့ မျက်လုံးတွေပွင့်ထွက်သွားတယ်….. မျက်စိရှေ့မှာက မီးချောင်းရဲ့ အလင်းစူးစူး…..။

“သြော်….ဒါ…အိပ်မက်ပဲ…..”

လန့်နိုးခဲ့တာမဟုတ်ပေမယ့်….အိပ်မက်ကတော့ပြီးသွားခဲ့ပြီ….။သူ့ ရင်ထဲမှာ တော့ ဘီလူးတစ်ကောင်နဲ့ ကကြိုး၊အဲဒီဘီလူးရဲ့ နှုတ်ခမ်းပေါ်က အစွယ်နဲ့ အပြုံး၊ ခက်ထန်ကြမ်းတမ်းမှုနဲ့ နူးညံ့သိမ်မွေ့မှု၊စူးရှထက်မြတ်မှုနဲ့ အေးမြလှပမှု….ဆန့်ကျင်ဘက် တွေရဲ့ မျှတစွာပေါင်းစပ်မှုက အလှတရားတစ်ခု မွေးဖွား….ပြီးတော့ အဲ ဒီအလှတရားကပဲ ခံစားချက်အသစ်တစ်ခုကို လူငယ်တစ်ယောက်ရဲ့ နှလုံးသားထဲကနေ ချူချပေးလိုက်သလို……

ဟုတ်တယ်…အချို့အ်ိပ်မက်တွေက….အ်ိပ်မက်ထက်ပိုတယ်…။