Pages

Friday, November 30, 2007

ပြောင်းလဲမှုများနောက် တကောက်ကောက်လိုက်မိခြင်း …

၂၀၀၇ ခု၊ ဒီဇင်ဘာလထုတ် ချယ်ရီမဂ္ဂဇင်းမှာ ရေးခဲ့တဲ့ ဆောင်းပါးလေးပါ ... ။ ဘလော့ဂ်တွေခေတ်စားလာလို့ ဘလော့ဂ်အကြောင်းလေး ရေးပေးပါဆိုတာနဲ့ အင်ထရို(Intro) များများ၊ ဘလော့ဂ်အကြောင်းနဲနဲ နဲ့ နည်းပညာအသစ်တစ်ခုကို မိတ်ဆက်တယ်ဆိုရုံလေးရေးလိုက်တာပါ ...။ အွန်လိုင်းက သူငယ်ချင်းတွေဖတ်ဖို့ ကျွန်တော့်ဘလော့ဂ်လေးမှာ ပြန်တင်ပေးလိုက်ပါတယ် ...။ ထူးထူးခြားခြား www.thanlwin.com/thanlwinainmat (သံလွင်အိပ်မက် အွန်လိုင်းမဂ္ဂဇင်း) ဆိုတဲ့ စာသားကို စာပေစီစစ်ရေး ကဖြုတ်ခိုင်းလို့ ဖြုတ်ပေးလိုက်ရပါသေးတယ် ...။း-)

ပြောင်းလဲမှုများနောက် တကောက်ကောက်လိုက်မိခြင်း …


တစ်နေရာစီဝေးနေကြတဲ့သူအချင်းချင်း တစ်ယောက်နဲ့တစ်ယောက် ဆက်ဆံပြောဆိုတဲ့နေရာမှာ လွယ်ကူအဆင်ပြေမှု တွေရှိလာအောင်၊ မိမိပြောချင်တာကို အခြားသူက သေသေချာချာ သဘောပေါက်နိုင်အောင် ဆိုတဲ့ ရည်ရွယ်ချက်တွေနဲ့ ကြားခံ မီဒီယမ်တွေကို အသုံးပြုလာကြခြင်းဟာလဲ စာပေရေးဖွဲ့ခြင်းရဲ့ အစလို့ ယူဆလို့ရပါတယ်။ နောက်ပြီး ဘယ်အရာကိုမဆို ကိုယ်တိုင်ကြုံတွေ့မှ သိရတယ်ဆိုရင် အဲဒီ့သူရဲ့အသိဟာ တစ်ဘ၀စာလုံးအတွက် မလုံလောက်နိုင်ဘူးဆိုတဲ့ သဘောတရားကို သူတို့ဖြတ်သန်းခဲ့ရတဲ့ ကာလတွေက လူတွေရဲ့စိတ်ထဲကို ထည့်ပေးလိုက်ပါတယ် …။ အဲဒါကြောင့်လဲ မျှဝေခြင်း (Sharing) ရဲ့အကျိုးကျေးဇူးကြီးမှုကို နားလည်လာကြပြီး အသိပညာ၊ အတတ်ပညာ၊ အတွေးအခေါ်၊ အယူအဆ၊ အတွေ့အကြုံ၊ အတွေးအမြင်တွေကို တနည်းနည်းနဲ့ နှီးနှောဖလှယ်မှုတွေပြုလာကြပါတယ်။ ဒါဟာလဲ မျက်မှောက်ခေတ်အထိအောင် အရှိန်အဟုန်မပျက်စီးဆင်းနေတဲ့ စာပေရေစီးကြောင်းရဲ့ အသက်ပဲလို့ ပြောလို့ရပါတယ်။ ကျောက်ခေတ် … … ကျောက်နံရံတွေ၊ ကျောက်တုံးကျောက်ခဲ တွေပေါ်မှာ အက္ခရာဆိုတာ မပေါ်သေးခင်ကာလ မြင်သမျှ၊ တွေ့သမျှကို ပုံတူလေးတွေဆွဲပြီး ရေးဆွဲတင်ပြကြတာကို ကျွန်တော်တို့ တွေ့ရပါတယ်။ ပြီးတဲ့အခါ ပေတွေ၊ ကညစ်တွေပေါ်မှာရေးကြတယ် …။ နောက်တော့ … ကျောက်သင်ပုန်း … ပြီးတော့ … စာရွက်တွေပေါ်လာပြီး လူတွေ လူတွေ … ခံစားချက်တွေ၊ အတွေးအမြင်တွေ၊ အယူအဆတွေ၊ အဖြစ်အပျက်အကြောင်းအရာတွေကို နှလုံးသားထဲမှာ၊ ဦးနှောက်ထဲမှာတင် သိမ်းမထားကြတော့ပဲ … တစ်ယောက်နဲ့ တစ်ယောက် ဖလှယ်ကြဖို့အတွက် အလျဉ်းသင့်ရာနည်းနာတွေနဲ့ လှစ်ဟတင်ပြလာကြတယ်။ တင်ပြတယ်ဆိုရာမှာလဲ ကိုယ် ရေးတဲ့စာ ၊ ကိုယ်ဖန်တီးတဲ့ အနုပညာကို ဘယ်သူတွေကို ပြချင်တာလဲ ဆိုတာကို ကိုယ်တိုင်က ရွေးချယ်ကြရတယ် နောက်ပြီး တိုးတက်လာတဲ့ ခေတ်ကာလနဲ့အညီ အသုံးချတဲ့ မီဒီယာတွေအပေါ်ကိုမူတည်ပြီး ကိုယ့်ပေးချင်တာတွေရဲ့ ပျံ့နှံ့မှုအား ကွာခြားသွားတာကိုလဲတွေ့ရပါတယ် …။
ဥပမာအနေနဲ့ … ကျောက်ခေတ်ကလူတွေ သူတို့နေတဲ့ ကျောက်ဂူနံရံတွေပေါ်မှာ ပုံတွေဆွဲကြတယ် … နောက်ပိုင်းမှာ အက္ခရာဆိုတာတွေဖြစ်လာနိုင်တဲ့ အမှတ်အသားတွေကို ရေးခြစ်ကြတယ်။ သူတို့မှာ ဒီလိုရေးခြစ်ထားတာတွေကို ဘယ်သူ့ကို ပြချင်တာလဲဆိုရင် … ယောင်္ကျားတစ်ယောက်က သူ့ချစ်သူရဲ့ပုံတူ ကိုဆွဲပြီး သူ့ချစ်သူကို ပြချင်တာမျိုး … ဖခင်တစ်ယောက်က အပြင်မှာသူတွေ့ကြုံလာရတဲ့ အတွေ့အကြုံတွေ အကြောင်းကို ပုံတူတွေဆွဲပြပြီး သူ့သားသမီးတွေကို ပြချင်တာမျိုး၊ ဒါမှမဟုတ် မျိုးနွယ်စုတစ်စုရဲ့ ခေါင်းဆောင်ဆိုရင် … သူ့လက်အောက်ငယ်သားတွေကို အချို့သော အကြောင်းအရာတွေကို သင်ပြပေးဖို့ ဒီလိုပုံတွေ၊ စာတွေရဲ့အကူအညီကိုယူပြီး သင်ပြပေးချင်တာမျိုးတွေလောက်ပဲရှိမယ်လို့ ယူဆရပါတယ်။ နောက်ပိုင်း … အဲဒီ့နေရာကို သူတို့တွေစွန့်ခွာသွားတဲ့အခါမှာလဲ အဲဒီ့နေရာကို ရောက်လာတဲ့ အခြားသောသူတွေကသာ အဲဒီ့ပုံတွေ၊ စာတွေကို မြင်နိုင်မှာဖြစ်တဲ့အတွက် … သူတို့ဆွဲတဲ့ပုံတွေ၊ စာတွေရဲ့ ပျံ့နှံ့မှုအားဟာ မရှိသလောက်ကို နဲတယ်လို့ဆိုနိုင်ပါတယ် …။ အဲဒီ့နောက်ပိုင်း … ကျောက်ဂူနံရံတွေမှာ မရေးကြတော့ပဲ သယ်ဆောင်နိုင်တဲ့ ကျော်လွှာအချပ်တွေပေါ်မှာ ရေးလာကြပြီး တစ်နေရာကနေ တစ်နေရာကို ယူသွားပြလို့ရတဲ့အခြေအနေမျိုးဖြစ်လာပါတယ်။ တစ်နေရာတည်းမှာ အသေရှိနေတာနဲ့ယှဉ်ရင် ပျံ့နှံ့နိုင်မှုနဲနဲရှိလာပြီလို့ ပြောလို့ရပါတယ်။ ဒါပေမယ့် ကျောက်တုံး၊ ကျောက်လွှာတွေရဲ့ လေးလံမှု၊ ၀န်ကျယ်မှုတွေကြောင့် တစ်နေရာကနေ တစ်နေရာကို အလွယ်တကူမပျံ့နှံ့တာမျိုးတွေဖြစ်လာပါတယ်။ ကျောက်ခေတ်အလွန်မှာ ပေတွေ၊ ကညစ်တွေ၊ ကျောက်သင်ပုန်းတွေကို သုံးပြီး ရေးလာကြပါတယ် …။ ကျောက် လွှာကျောက်သားတွေပေါ်မှာ ရေးကြတာနဲ့ယှဉ်ရင် သယ်ဆောင်ရလွယ်ကူတာကြောင့် ပျံ့နှံ့အား ပိုကောင်း လာတာ မှန်ပေမယ့် … ကြာရှည်ခံမှုမခံမှုဆိုတဲ့ ပြဿနာတစ်ခုက ပေါ်လာပါတယ်။ အဲဒီ့နောက်မှာတော့ စာရွက်တွေပေါ်လာပါတယ် …။ စာရွက်ပေါ်မှာရေးကြသလိုပဲ … စာအုပ်စာပေတွေကို ဖြန့်ဝေပေးနိုင်တဲ့ မီဒီယာတွေပေါ်လာတာကြောင့် … ပျံ့နှံ့မှုအားတော်တော်လေးကို ကောင်းလာပါတယ်။ ကြာရှည်ခံခြင်း မခံခြင်းဆိုတဲ့ ပြဿနာက ရှိနေသေးပြန်တာကြောင့် … ကာလအတော်ကြာက စာရွက်စာတမ်းတွေ၊ စာပေလက်ရာတွေကို မပျောက်မပျက်ထိမ်းသိန်းထားဖို့ဆိုတဲ့နေရာမှာ အခက်အခဲတွေရှိလာပါတယ်။ အဲဒီ့နောက်မှာတော့ ကွန်ပျူတာဆိုတာ ပေါ်လာပါတယ် …။ စာတွေ၊ ပုံတွေ၊ သတင်းတွေနဲ့ အခြား အနုပညာလက်ရာတွေကို ကွန်ပျူတာကနေတဆင့်ဖန်တီးကြပါတယ် …။ အပြင်မှာရေးထား၊ ဆွဲထား တာတွေကိုလဲ ကွန်ပျူတာတွေနဲ့ သိမ်းဆည်းလာကြပါတယ်။ စာတွေ၊ ပုံတွေကို ကွန်ပျူတာတွေကနေတဆင့် CD , Floppy Disc လေးတွေထဲထည့်ပြီး တစ်နေရာကနေ တစ်နေရာကို ၀န်ကျဉ်းကျဉ်းနဲ့ ကူးပြောင်းပျံ့နှံ့စေနိုင် တဲ့ အနေအထားတစ်ခုကိုရောက်လာပါတယ် …။ အဲဒီ့ အခြေအနေနဲ့ တပြိုင်နက်တည်းလိုလိုမှာပဲ … ဂလိုဘယ်လိုက်ဇေးရှင်း (Globalization) ကမ္ဘာမှုပြုခြင်း ဆိုတဲ့ စကားလုံးနဲ့အတူ ကမ္ဘာအရပ်ရပ်မှာရှိတဲ့ ကွန်ပျူတာတွေ အချင်းချင်းကို ချိတ်ဆက်ပေးနိုင်တဲ့ အင်တာနက် (Internet) ဆိုတာကြီးပေါ်လာပါတယ် …။ modem တစ်ခုကိုသုံးပြီး ဖုန်းကြိုးနဲ့ ကွန်ပျူတာကို ချိတ်ဆက်၊ ပြီးရင် ISP (Internet Service Provider) တစ်ခုကနေ အင်တာနက် အသုံးပြုခွင့်ကိုလျှောက်ထားပြီးပြီဆိုရင် Browser (Mozilla Firefox, Internet Explorer … ) တစ်ခုခုကိုသုံးပြီး ကမ္ဘာအနှံ့ဖြန့်ကျက်ထားတဲ့ကွန်ယက် ( www = World Wide Web ) ကြီးထဲမှာရှိတဲ့ စာတွေ၊ ပုံတွေ၊ သတင်းတွေ၊ အနုပညာလက်ရာတွေ … အစရှိတဲ့ အားလုံးအားလုံးကို ကွန်ပျူတာရှေ့ထိုင်နေရုံနဲ့ ကြည့်မြင်ခံစားနိုင်တဲ့ အခြေအနေတစ်ခုကို ရောက်လာပါတယ်။ အဲဒီ့အခါမှာ ကိုယ်ပေးချင်တဲ့ သတင်းအချက်အလက်၊ ကိုယ်ဖန်တီးထားတဲ့ အနုပညာလက်ရာတစ်ခုခု၊ ကိုယ်ဖြတ်သန်းခဲ့ရတဲ့ဘ၀တစ်ခုထဲက ကိုယ်ရရှိလိုက်တဲ့ အတွေ့အကြုံ အတွေးအမြင်တွေ စတာစတာတွေကို အများနဲ့ ဖလှယ်ချင်တယ်ဆိုတဲ့သူတွေအတွက် အဲဒီ့ကွန်ယက်ကြီးကို ကြားခံနယ်တစ်ခုအဖြစ်အသုံးပြုပြီး … ပျံ့နှံ့မှုအတိုင်းအတာကို ချဲ့ထွင်ရယူလာကြပါတယ်။ ဥပမာအနေနဲ့ ပြောရရင် မြန်မာ ဘာသာနဲ့ ရေးသားထားတဲ့ မဂ္ဂဇင်းတစ်အုပ်ကို ပြည်တွင်းမှာထုတ်ဝေတယ်ဆိုရင် ပြည်တွင်းကလူတွေ ဒီမဂ္ဂဇင်းကို ဖတ်ရမှာဖြစ်ပါတယ် …။ ဒါတောင် ဖြန့်ဝေမှုပုံသဏ္ဍာန်ပေါ်ကို လိုက်ပြီး တစ်ပြည်လုံးအတိုင်းအတာ ဖတ်နိုင်မှုရှိမရှိဆိုတဲ့ ချွင်းချက်တွေရှိနိုင်ပါသေးတယ်။ အခြားနိုင်ငံကို ရောက်နေတဲ့ သူတွေအထိပါ ပျံ့နှံ့ချင်တယ် ဆိုရင်တော့ မြန်မာတွေများတဲ့ နိုင်ငံတွေမှာရှိတဲ့ တစ်ဦးဦးနဲ့ချိတ်ဆက်ပြီး စာအုပ်တွေ ပို့ပေးလို့ ရနိုင်ပါတယ်။ ဒါဟာလဲ အခက်အခဲတွေများစွာရှိပါတယ် …။ အဲဒီ့တော့ … အင်တာနက်ပေါ်မှာသာ Domain Name တစ်ခုနဲ့ Hosting တစ်ခု ယူထားပြီး website တစ်ခုအနေနဲ့တင်ထားမယ်ဆိုရင် အဲဒီ့ website လိပ်စာကိုသိကြတဲ့ ကမ္ဘာတစ်ဝှမ်းလုံးက မြန်မာတွေအကုန်လုံးဖတ် နိုင်မှာဖြစ်ပါတယ်။ ဥပမာ ။ www.people.com.mm (People Magazine) , www.first11.com (Eleven Media Group မှဂျာနယ်များ), www.thanlwin.com/thanlwinainmat (သံလွင်အိပ်မက် အွန်လိုင်းမဂ္ဂဇင်း) . အင်တာနက်တွေပေါ်လာတဲ့ ခေတ်မှာ website တွေကို အသုံးပြုလာကြတာဟာ အရင့်အရင်ခေတ်တွေက လိုအပ်ချက်တွေဖြစ်တဲ့ ပျံ့နှံ့မှုအားနည်းခြင်းနဲ့ ကြာရှည်မခံခြင်းဆိုတဲ့ အချက်တွေကို အတိုင်းအတာတစ်ခုအထိ ဖြည့်စွက်နိုင်ခဲ့ပါတယ်။

ဒါပေမယ့် website တစ်ခု တည်ဆောက်ချင်တယ်ဆိုရင် … ပထမဆုံးအနေနဲ့ ကိုယ်လိုချင်တဲ့ Domain Name ကို အရင်ဆုံးဝယ်ရပါတယ် …။ အများအားဖြင့်တော့ နှစ်စဉ်ကြေးပေးရပါတယ် …။ နောက်ပြီး ကိုယ့်ရဲ့ website တွေမှာ တင်ချင်တဲ့ စာတွေ၊ ပုံတွေ၊ အချက်အလက်တွေကို သိမ်းထားပေးမယ့် Web hosting ကြေးလဲ ပေးရပါတယ်။ သူလဲ ပဲ နှစ်စဉ်ကြေးပေးရတာဖြစ်ပါတယ်။ နောက်ပြီး ကိုယ့်ရဲ့ website တစ်ခု အဆင့်အတန်းမီမီ ဖြစ်လာဖို့ကိုလဲ … Web-Designer တစ်ယောက် ယောက်ကို အပ်၊ ဒါမှမဟုတ် ကုပ္မဏီတစ်ခုခုကို အပ်ပြီး Web-Design ကိုဆွဲခိုင်းဖို့လိုပါတယ်။ အဲဒါကလဲ ပိုက်ဆံတော်တော်ကုန်ပါတယ်။ နောက်တစ်ခုက Website တွေကို အမြဲတမ်း update လုပ်နေဖို့ဆိုတာကလည်း နည်းပညာဆိုင်ရာကျွမ်းကျင်တဲ့ သူတွေ အမြဲရှိနေဖို့လိုအပ်ပါတယ်။ အဲဒီ့လို ငွေကုန်ကြေးကျများခြင်းနဲ့ နည်းပညာဆိုင်ရာအခက်အခဲအချို့က websites တွေ များများစားစားလုပ်မလာကြခြင်းရဲ့ အကြောင်းရင်းတွေဖြစ်မယ်ထင်ပါတယ်။

နောက်ပိုင်းမှာ website တွေလုပ်ထားကြပြီး အဲဒီ့ website တွေကို update လုပ်ကြတဲ့အခါမှာ Chronological Order အရ ကာလအလိုက် အစဉ်အတိုင်းထည့်သွင်းတဲ့ ပုံသဏ္ဍာန်မျိုးတွေဖြစ်လာပါတယ်။ ဒီနေ့အသစ်တစ်ခုထပ်တင်မယ်ဆိုရင် မနေ့ကတင်ထားတဲ့ စာ (သို့မဟုတ်) ပုံရဲ့ အပေါ်ကနေ ပေါ်လာတဲ့ပုံစံမျိုးပါ။ မိမိရဲ့ စာတွေ၊ ပုံတွေ၊ သတင်းအချက်အလက်တွေကို ကွန်ယက် (web) ပေါ်တင်တဲ့နေရာမှာ အစဉ်လိုက်တင်ကြရာကနေ (logging the web) ဆိုတဲ့စကားပေါ်လာပါတယ်။ ဂျပ်စတင်းဟော (Justin Hall) ဆိုတဲ့သူကိုတော့ December 2004 ထုတ် New York Times Magazine က "the founding father of personal blogging." လို့ဖော်ပြခဲ့ပါတယ်။ အဲဒီ့နောက်မှာတော့ ဂျွန်ဘာဂါ (Jorn Burger)လို့ အမည်ရတဲ့ အမေရိကန်ဘလော့ဂါတစ်ဦးကနေပြီး weblog ဆိုတဲ့စကားလုံးအတွဲအဆက်တစ်ခုကို သူ့ရဲ့ဘလော့ဂ်တစ်ခုဖြစ်တဲ့ www.robotwisdom.com မှာစတင်သုံးစွဲခဲ့ပါတယ်။ Weblog ဆိုတဲ့စကားလုံးဟာ the Oxford English Dictionary မှာ အမှန်တကယ်တရားဝင် ပါဝင်ခဲ့တာကတော့ ၂၀၀၃ခုနှစ် မတ်လမှဖြစ်ပါတယ်။ "weblog" "weblogging" “weblogger” ဆိုပြီး verb အနေနဲ့ပါဝင်လာခဲ့တာပါ ။ အဲဒီ့နောက်မှာတော့ ပီတာ မားဟော့ဇ် (Peter Merholz) ဆိုသူက weblog ဆိုတဲ့စကားလုံးကို we blog လို့ခွဲချလိုက်ရာကနေ အခုမျက်မှောက်ခေတ်မှာ ခေတ်စားနေတဲ့ ဘလော့ဂ်(Blog) ဆိုတဲ့စကားလုံး ပေါ်ပေါက်လာခြင်းပဲဖြစ်ပါတယ်။ Online Dictionary တစ်ခုဖြစ်တဲ့ Merriam-Webster's Dictionary ကတော့ Blog ဆိုတဲ့ စကားလုံးကို the word of the year in 2004 အဖြစ်ဖော်ပြခဲ့ပါတယ်။ အွန်လိုင်းစွယ်စုံကျမ်းဖြစ်တဲ့ Wikipedia မှာတော့ ဘလော့ဂ်(Blog) ရဲ့ အဓိပ္ပါယ်ကို ဒီလိုဖွင့်ဆိုထားပါတယ်။
A blog (a portmanteau of web log) is a website where entries are witten in chronological order and commonly displayed in reverse chronological order.
ဘလော့ဂ်ဆိုတာ ၀ပ်ဘ်ဆိုဒ်တစ်ခုပါပဲ ဒါပေမယ့် သူ့အထဲမှာ ပါဝင်တဲ့ စာတွေ၊ ပုံတွေ၊ အမြဲတမ်းထပ်ထပ်တင်နေတာတွေကို အချိန်ကာလအစဉ်အတိုင်း တင်ထားတဲ့ ၀ပ်ဘ်ဆိုဒ်တွေကိုပဲ နောက်ထပ်အမည်အသစ်တစ်ခုအနေနဲ့ထပ်ပေးလိုက်တာပါ။ ဘလော့ဂ် (Blog) ဆိုတဲ့ စကားလုံးကို မြန်မာမှုပြုပြီး အွန်လိုင်း ဒိုင်ယာရီလို့သုံးကြတာတွေလဲရှိပါတယ်။ နောက်ပြီး ဘလော့ဂ် (Blog) ဆိုတဲ့ စကားလုံးကို ကြိယာ (Verb) အနေနဲ့လဲ သုံးလို့ရပါတယ်။ အဲဒီ့တော့ ဘလော့ဂ် (Blog)ဆိုတာ မိမိတွေ့ကြုံခံစားလိုက်ရတဲ့ စ်ိတ်ခံစားမှုတွေ၊ မိမိက သူတပါးကိုပြောပြချင်တဲ့ ကိုယ်ရေးကိုယ်တာတွေ၊ မိမိရဲ့ အတွေးအခေါ် အတွေးအမြင်တွေ၊ မိမိသိရှိလိုက်ရတဲ့ သတင်းအချက်အလက်တွေ၊ မိမိဖန်တီးထားတဲ့ အနုပညာလက်ရာတွေ စတာ စတာတွေကို … အွန်လိုင်းပေါ်မှာ မိမိစိတ်တိုင်းကျဖန်တီး တင်ပြနိုင်တဲ့ ကိုယ်ပိုင်နေရာ လေးတွေလို့ ပြောနိုင်ပါတယ်။ အဲဒီ့ မိမိရဲ့ကိုယ်ပိုင်နေရာလေးတွေကို မွမ်းမံပြင်ဆင်တာ၊ အသစ်အသစ်သော တင်ပြမှုတွေကို ထပ်မံဖြည့်စွက် တာစတဲ့ လုပ်ဆောင်ချက်တွေကိုတော့ ဘလော့ဂင်း (Blogging ) လုပ်တယ်လို့ခေါ်နိုင်ပါတယ်။ အဲဒီ့လို အွန်လိုင်းပေါ်မှာ ကိုယ်ပိုင်နေရာလေးတစ်ခု (Blog လေးတစ်ခု) ပိုင်ဆိုင်ထားပြီး … ကိုယ့်ဘလော့ဂ်လေးကို လူဖတ်ချင်စဖွယ်ဖြစ်အောင် အပြင်အဆင်တွေနဲ့ တစ်မျိုး၊ တင်ပြမှုတွေနဲ့တဖုံ ဆွဲဆောင်နေပြီး မိမိရဲ့ ဘလော့ဂ်တွေကတဆင့် စာဖတ်သူတွေနဲ့ စကားတွေပြောနေကြတဲ့ သူတွေကိုတော့ ဘလော့ဂါ (Blogger) တွေလို့ခေါ်နိုင်ပါတယ်။

အခုနောက်ပိုင်းမှာ ဘလော့ဂ်တွေရဲ့တိုးပွားမှုနှုန်းဟာ အလွန်လျှင်မြန်လာတာကိုတွေ့ရပါတယ်။ ဒါဟာလဲ Domain Name နဲ့ Web hosting ကို Free ပေးနေကြတဲ့ www.blogger.com, www.typepad.com, www.wordpress.com စတဲ့ Website တွေရှိနေလို့ပဲ ဖြစ်ပါတယ် …။ အဆိုပါ Website တွေကိုသွားပြီး ကိုယ်ပိုင် ဘလော့ဂ်တစ်ခုကို အလွယ်တကူ ဖန်တီးတည်ဆောက်ယူနိုင်ပါတယ်။ နောက်လ တွေမှာ ဘလော့ဂ်နဲ့ ပတ်သက်တဲ့ အခြားသော စိတ်ပါဝင်စားဖွယ်ရာတွေကို တင်ပြသွားနိုင်ဖို့ မျှော်လင့်ပါတယ် …။

Monday, November 26, 2007

Blog Time Volume III

Blog Time Volume III
ညီငယ်မောင်ပွတ်အစပျိုးခဲ့တဲ့ ဘလော့ဂ်တိုင်းဟာ အခုဆို စာမျက်ခွက်တွေ ဝေေ၀ဆာဆာ၊ ပူးပေါင်းပံ့ပိုးသူတွေ ခိုင်ခိုင်မာမာနဲ့ အတော့်ကို အရှိန်ရနေခဲ့ပါပြီ။ အခြေအနေအရပ်ရပ်ကြောင့် ကျွန်တော်တို့ မြန်မာဘလော့ဂါတွေရဲ့ လုပ်ဆောင်ချက်တွေ ရပ်နေသလို ဖြစ်နေရတဲ့ အချိန်မှာ ဘလော့ဂ်တိုင်းလေးက ထွက်လာတော့ ... ကျွန်တော် ၀မ်းမြောက်ဝမ်းသာဖြစ်ရပါတယ် ...။ ဒီဘလော့ဂ်တိုင်း ဂျာနယ်လေးဟာ ကျွန်တော်တို့ မြန်မာဘလော့ဂါတွေရဲ့ အမှတ်ရစရာ အဖြစ်အပျက်လေးတွေကို ဟာသလေးနှောရင်း ကွန်ပျူတာထက် အက္ခရာတင်ပေးပြီး မြန်မာဘလော့ဂါတွေရဲ့ စုစည်းမှုသမိုင်း၊ ရင်းနှီးမှု တံတိုင်းတွေကို ပိုမိုခိုင်မာလာစေတဲ့ အထောက်အကူပြု ကြားခံနယ်လေး တစ်ခုလို့ဆိုရင်မှားမယ်မထင်ပါဘူး ...။ ဘလော့ဂ်တိုင်းလေးကို ဒီနေရာလေးမှာ သွားပြီးဖတ်လိုက်ကြမယ်ဆိုရင် ကျွန်တော့်ရဲ့ထင်မြင်ချက်တွေမမှား ဘူးဆိုတာ ခင်ဗျားတို့သိသွားပါလိမ့်မယ် ...။

Tuesday, November 20, 2007

ကျွန်တော်လွတ်ကျမှာမဟုတ်တဲ့ Danger Zone

သူငယ်ချင်း စည်သူအောင် (ခေါ်) ဇင်ကိုလတ် (ခေါ်) အလင်းဖြူ (ခေါ်) စစ်နိုင်သူ (ခေါ်) ဟိုလိုလူ (ခေါ်) C2 ရဲ့ ၂၈နှစ်ပြည့်မွေးနေ့ အမှတ်တရ

ကျွန်တော်လွတ်ကျမှာမဟုတ်တဲ့
Danger Zone

ကျွန်တော်မှတ်တာမမှားဘူးဆိုရင် ဒီကောင်နဲ့ ကျွန်တော် စသိတာ ၆တန်းကျောင်းသားဘ၀တုန်းကဖြစ်မယ် ထင်တယ်။ ကျွန်တော်က စိန်ပေါလ်(အထက ၆ ဗိုလ်တထောင်)ကို ၅တန်းမှစရောက်တဲ့သူ၊ ဒီကောင်က စိန်ပေါလ်မှာ ငယ်ငယ်လေးတည်းက တက်လာတဲ့သူ ...။ ကျွန်တော်တို့နှစ်ယောက် ဘယ်ကဘယ်လို စခင်သွားတယ်ဆိုတာကို ကျွန်တော်မမှတ်မိတော့ပေမယ့် ခင်ပြီးတဲ့နောက်မှာတော့ အမြဲတတွဲတွဲဖြစ်ခဲ့တာ သေချာတယ် ...။ ဘာလို့ အဲဒီ့လိုဖြစ်တာလဲလို့ သေချာစဉ်းစားကြည့်တော့ တစ်ယောက်ကဗူးဆို တစ်ယောက်က ဘယ်တော့မှ ဖရုံမသီးတာပဲ ...။ ဒီကောင်နဲ့ ကျွန်တော်က စိတ်အခြေခံခြင်းတူကြလို့လားတော့ မသိဘူး နေရာတော်တော်များများမှာ တစ်ယောက်နဲ့ တစ်ယောက် တွေးပုံတွေးနည်းခြင်းကွာချင်ကွာမယ် ဒါပေမယ့် နောက်ဆုံး Decision မှာတော့ ညှိရတယ်ဆိုတာရှားတယ်။ ဒါကြောင့်လဲ ကျွန်တော်တို့နှစ်ယောက် စတွဲကြတဲ့ အချိန်ကစပြီး အခုအချိန်အထိ အတူတူတွဲလုပ်ခဲ့ကြတဲ့ အလုပ်တွေလဲ မနည်းဘူး ...။ ပြောပြလို့ရတာတွေရှိသလို ပြောပြလို့မရတာတွေလဲ ရှိတယ် ...။ ၇တန်းမတက်ခင် ကျောင်းတွေ ပိတ်ထားတုန်းက ဂုဏ်ထူးဦးသိန်းနိုင်ဆီမှာ ကျွန်တော်နဲ့ ဒီကောင်နွေရာသီသင်တန်းသွားတက်တယ် ...။ အဲဒီ့တုန်းက ကျွန်တော်တို့ နှစ်ယောက် ၁၀တန်းမအောင်မချင်း ရည်းစားမထားရဘူးလို့ အချင်းချင်း ကတိထားထားတာရှိတယ် ...။ ဒီကောင့်ဖာသာ ဒီကောင်ခိုးထားတဲ့ ရည်းစားတွေတော့ရှိချင်ရှိမှာပေါ့ ...။ အဲဒီ့ ဂုဏ်ထူးဦးသိန်းနိုင်အတန်းမှာ ကျွန်တော်တို့နှစ်ယောက်က အမြဲတမ်းလိုလို နောက်ဆုံးမှရောက်တယ် ...။ တစ်ယောက်ကစောသွားမယ် တစ်ယောက်က နောက်ကျမှသွားမယ်ဆိုတာမျိုးမရှိဘူး ...။ ထိုင်တော့လဲ နောက်ဆုံးတန်းမှာပဲထိုင်ကြတယ် ...။ တစ်ယောက်က ရှေ့မှာထိုင်မယ် တစ်ယောက်က နောက်မှာထိုင်မယ် ဆိုတာမျိုးမရှိဘူး ...။ အဲဒါတွေ တူနေတာက ကိစ္စမရှိဘူး ...။ ကျွန်တော်က အဲဒီ့ကောင်မလေး မိုက်တယ်ဆို ... ဒီကောင်ကလဲ အဲဒီ့ကောင်မလေးပဲ ...။ အဲဒါကလည်း ကျွန်တော်တို့နှစ်ယောက် အတွက်တော့ ကိစ္စမရှိပါဘူး ...။ ဒါပေမယ့် အဲဒီ့ကောင်မလေးတွေအတွက်တော့ တော်တော် စိတ်ကသိကအောင့်ဖြစ်မှာပဲလို့ တွေးမိတယ် ...။ ဘာဖြစ်လို့လဲဆိုတော့ ကျွန်တော်တို့ နှစ်ယောက်က ရည်းစားမထားရဘူးဆိုတဲ့ ကတိကလည်းရှိထားတော့ ကောင်မလေးတစ်ယောက်မိုက်တယ်ဆို နှစ်ယောက်လုံးနောက်ကနေလိုက်ကြတယ် ...။ မိန်းကလေး အိနြေ္ဒပျက်အောင် လိုက်နှောက်ယှက်တာမျိုးတော့မဟုတ်ဘူး ...။ ဒီလိုပဲ အဲဒီ့ကောင်မလေးဘယ်သွားလဲ ဆိုတာ လိုက်ကြည့်တာ ...။ အဲဒီ့တုန်းကဆို ကောင်မလေးတွေခမျာ ကျွန်တော်တို့နှစ်ယောက်ထဲက ဘယ်သူက သူ့ကို စိတ်ဝင်စားလို့ ဘယ်သူက သူ့နောက်ကို ဘာ့ကြောင့်လျှောက်လိုက်နေတာလဲဆိုတာကို ဝေခွဲရခက်နေကြတဲ့ မျက်နှာလေးတွေနဲ့ ... ကျွန်တော်လဲ အခုအချိန်မှပြန်မြင်ယောင်မိပြီး အားနာနေမိတယ် ...။ လူငယ်ဘာဝ မရည်ရွယ်ပါပဲ မှားမိတဲ့ အမှားတစ်ခုလို့ပဲဆိုရမှာပေါ့ဗျာ ...။

နောက်ပြီး ဒီကောင်နဲ့ ကျွန်တော်နဲ့ ပိုပြီးရင်းနှီးသွားစေတဲ့အဖြစ်အပျက်လေးတွေလည်း ရှိသေးတယ်ဗျ ...။ ၁၀တန်းတုန်းက အီကိုကျူရှင်တက်ကြတော့ ကျွန်တော့်ကို ဆရာက လူမှားပြီး ကျောင်းသားတွေအားလုံးကြားထဲမှာ မတ်တပ်ရပ်ခိုင်းပြီး ဆူတယ် ။ လူပုံအလယ်မှာဆိုတော့ ကျွန်တော်တော်တော်ရှက်သွားပြီး အဲဒီ့ကျူရှင်ကို မတက်တော့ဘူးဆိုတော့ ဒီကောင်ပါလိုက်မတက်တော့ဘူး ...။ အဲဒီ့လိုအဖြစ်မျိုးက တစ်ခုတည်းမဟုတ်ဘူး ... ၇တန်းကျောင်းသားဘ၀တုန်းကလည်း ဖြစ်ခဲ့ဖူးတယ် ...။ ကျွန်တော်တို့ကို အိမ်ရှင်က ဆဲလို့ ဆိုပြီး အဲဒီ့ကျူရှင်ကို ဆက်မတက်တော့တာ ...။ ကျွန်တော်တို့ နှစ်ယောက် ၁၀တန်း နှစ် ၁၉၉၆ လှည်းတန်းမှာ တကသိုလ်ကျောင်းသားတွေဦးဆောင်ပြီး ဆန္ဒပြကြတော့ ကျွန်တော်တို့ နှစ်ယောက် အဲဒီ့ကိုရောက်သွားပြီး ၀င်နွှဲခဲ့ကြသေးတယ် ...။ ကံကောင်းလို့ ဒီကောင့် ဦးလေးကားနဲ့တိုးလို့ လွတ်လာတာ ...။ အဲဒီ့တုန်းကလဲ ... ရူပဗေဒ၀ိုင်းမှာ ဆရာကရော အခြားအတူတူတက်ကြတဲ့ ကောင်မလေးတွေကရော ကျောင်းသားတွေ ဆန္ဒပြကြတာကို ကိုယ့်ဖာသာကိုယ်အေးအေးဆေးဆေးမနေဘူး သူတို့ကြောင့် ငါတို့မှာ ဒုက္ခရောက်တယ် ဘာညာ ပြောနေလို့ အဲဒီ့ ကျူရှင်ကိုလည်း နောက်နေ့ သွားမတက်တော့ဘူး ...။

ဒီကောင်နဲ့ ကျွန်တော်နဲ့ တူတဲ့အချက်ထဲမှာ အဲဒါလဲပါတယ် ။ ယုံကြည်ချက်မတူရင် ဟန်ဆောင်ပြီးတော့ကို ဆက်လက်တွဲလို့မရတာ ...။ ဒီကောင်ရော ကျွန်တော်ရော ရည်းစားတွေသာ တစ်ယောက်ပြီး တစ်ယောက် ကွဲကွဲသွားတယ် ... ဒီကောင်နဲ့ ကျွန်တော်နဲ့ကတော့ အခုအချိန်အထိ တတွဲတွဲ ... အဲဒါဘာဖြစ်လို့လဲဆိုတော့ ယုံကြည်ချက်တူလို့ပဲလို့ ဖြေရမှာပဲ ...။ စာပေအနုပညာနဲ့ပတ်သက်လာရင်လဲ ဒီကောင်နဲ့ကျွန်တော် စိတ်ချင်းတူခဲ့တာပဲ ...။ ဒြပ်မဲ့ကမ္ဘာဆိုတဲ့ ကဗျာစာအုပ်လေးထဲမှာလဲ ဒီကောင်က အလင်းဖြူ၊ ကျွန်တော်က နွေလေ ...။ နောက်ပြီး ... သံလွင်အိပ်မက်ဆိုတဲ့ အွန်လိုင်းမဂ္ဂဇင်းလေး လုပ်ဖြစ်တော့လဲ ဒီကောင် က စည်သူ(သံလွင်)၊ ကျွန်တော်က နေမျိုး(သံလွင်) ...။ အွန်လိုင်းပေါ်မှာ ဘာဘာညာညာလေးတွေရေးကြတော့ ဒီကောင်က ဇင်ကိုလတ်၊ ကျွန်တော်က နေဘုန်းလတ် ...။

ကျွန်တော် နိုင်ငံခြားကို အလုပ်သွားလုပ်မယ် စဉ်းစားတော့ အပေါင်းအသင်းမင်တဲ့သူပီပီ ဒီကောင်ရှိတဲ့ စင်ကာပူကိုပဲရွေးလိုက်တယ် ...။ နောက်ပြီး စင်ကာပူမှာ အလုပ်ရတော့လဲ ဒီကောင့်အိမ်မှာပဲနေဖြစ်တယ် ... ။ ဒီကောင်နေတဲ့ နေရာနဲ့ ဒီကောင့်အလုပ်နဲ့က နီးပေမယ့် ... ကျွန်တော်လဲ အလုပ်ရရော ကျွန်တော့်အလုပ်နဲ့ အဲဒီ့နေရာက အရှေ့နဲ့ အနောက်လိုဖြစ်နေတာကြောင့် နှစ်ယောက်လုံးနဲ့နီးမယ့် နေရာကိုပြောင်းကြတယ် ...။ ဒီကောင့်အလုပ်နဲ့တော့ နဲနဲလှမ်းသွားတယ် ...။ ဒါပေမယ့် အဆင်ပြေပါတယ် ... ။ ဒီကောင်နဲ့ ကျွန်တော် စင်ကာပူမှာနေတုန်း မလေးရှားဘက်တောင် အလည်ရောက်ဖြစ်ကြသေးတယ် ...။ အဲဒီ့တုန်းကလည်း နှစ်ယောက်တည်းပေမယ့် ပျော်စရာကြီးဗျ ... မလေးရှားက Dunga Bay မှာ ကျွန်တော်တို့နှစ်ယောက် စွန်တစ်ကောင်ကို ကောင်းကင်ပေါ်ရောက်အောင် အောင်မြင်စွာတင်နိုင်ခဲ့ကြတယ် ...။ နှစ်ယောက်လုံးလဲ ဖက်ဖက်ကိုမောလို့ ...။

ဒီကောင်နဲ့ ကျွန်တော်ရဲ့ သူငယ်ချင်းသက်တမ်းက ၁၄ နှစ်ကျော်လာခဲ့ပြီး အခု အချိန်အထိတော့ ဒီကောင့်ကို ကျွန်တော်လွတ်မကျသေးတာသေချာတယ် ...။ ကျွန်တော်လဲ မိန်းမရ ဒီကောင်လဲ လူပျိုကြီးဖြစ်တော့ မှ ကျွန်တော်တို့ရဲ့ခင်မင်မှုတွေ တစ်ခန်းရပ်သွားမလားဆိုတာကိုတော့ စောင့်ကြည့်ရဦးမယ် ...။ ကျွန်တော်ကတော့ ညီအစ်ကိုတွေထက်တောင် ပိုပြီးရင်းနှီးတဲ့ ဒီလိုသူငယ်ချင်းမျိုးကို ဘယ်တော့မှ လွတ်မကျအောင် ဆွဲထားနိုင်ဖို့မျှော်လင့်ပါတယ် ...။



Monday, November 19, 2007

မှန်ကြိုက်တဲ့သူ

အလှအပကို အရမ်းမက်ပြီး မှန်ရှေ့ကမခွာနိုင်ဖြစ်နေကြတဲ့ သူတွေအတွက် ရည်ရွယ်ပါတယ်။ လူတိုင်းလှချင်ကြတာ မှန်ပေမယ့် အစွန်းမရောက်စေချင်တဲ့ စေတနာနဲ့ ဒီဝတ္ထုတိုလေးကို ရေးဖြစ်ပါတယ်။

မှန်ကြိုက်တဲ့သူ


`အကျည်းတန် မှန်ကြိုက်´ ဆိုတဲ့စကားကို ကျွန်တော်ကြားဖူးပေမယ့် ... သိပ်တော့ လက်မခံချင်လှဘူး... ။ အကျည်းတန်ပါတယ်ဆိုမှ၊ ရုပ်ဆိုးပါတယ်ဆိုမှ မှန်ကို ခဏခဏသွားကြည့်နေရင် ... ကိုယ့်ရုပ်ကို ပြန်မြင်မြင် နေရပြီးစိတ်ဆင်းရဲနေရတာပဲအဖတ်တင်မှာပေါ့ ...။ တကယ်တမ်းက ချောတဲ့လူတွေ၊ လှတဲ့သူတွေက မှန်ပိုကြိုက်ကြတာဗျ။ `လူတိုင်းဟာ ကိုယ့် ကိုကိုယ် အချစ်ဆုံးပဲ´ ဆိုတာကို အားလုံးသိကြမှာပေါ့ ...။ အဲ ... ဒါပေမယ့် ... အဲဒီလို မှန်အရမ်းကြိုက်ပြီး ... ကိုယ့်ရဲ့မျက်နှာကို ကြည့်မ၀ရှုမ၀ဖြစ်နေကြတဲ့သူတွေက... သူများတွေ ထက်ပိုပြီး သူတို့ကိုသူတို့ ပိုချစ်ကြတယ်ဗျ...။ မယုံရင်ကျွန်တော့်ကိုမေးကြည့်လေ ...။ နောက်နေတာမဟုတ်ဘူး... တကယ်ပြော နေတာ ...။ တကယ်ပြောဆို ... ကျွန်တော်က ကိုယ်တွေ့ဗျ...။

မိမိမှန်တဲ့ ...။ အဲဒါက ကျွန်တော့်အမေရဲ့ညီမ ကျွန်တော့်ရဲ့ အဒေါ်ပေါ့။ သူ့နာမည်အရင်းက `မငြိမ်းသူ´တဲ့...။ ဒါပေမယ့် မှန်ကြိုက်လွန်းလို့၊ မှန်ရှေ့ကမခွာလို့ ... နာမည်အရင်းပျောက်ပြီး `မိမိမှန်´လို့တွင်တယ်။ ကျွန်တော်က အခုလက်ရှိ သူနဲ့တစ်အိမ်တည်းနေတာဆိုတော့ သူဖြစ်ပျက်နေတာတွေကို တစ်ချိန်လုံး မြင်နေရသလို ...။ သူငယ်ငယ်ကအကြောင်းတွေကိုလည်း တစ်လုံးမကျန်သိနေတာပေါ့ ...။ သူကချောတာတော့ တော်တော်ချောတယ်ဗျ ...။ အခု သူ့အသက်က၃၅နှစ်လောက်ရှိနေတာတောင် ... ဖြတ်သွားဖြတ်လာတွေက ငေးကြည့်ရတုန်း... ကာလသား တွေကမျက်စိကျတုန်း ... ။ ဒါပေမယ့် သူကတော့ အခုအချိန်အထိ အပျိုကြီးဘ၀နဲ့ ကျွန်တော့် အဖေအိမ်မှာ ကပ်နေရတုန်းလေ ...။ ဒီလောက်ချော၊ ဒီလောက်လှရဲ့သားနဲ့ ဘာလို့ အခုအချိန်အထိအပျိုကြီး ဖြစ်နေရတာလဲလို့ ခင်ဗျားတို့ မေးချင်သလိုပဲ ကျွန်တော်လည်း မေမေ့ကို မေးခဲ့ဖူးတယ်။ အဲဒီမှာ ... အဓိက သွားတွေ့ရတာက အဲဒီမှန်ကိစ္စပဲပေါ့ဗျာ ...။ ဒီလိုဗျ ... ... ...

ကျွန်တော်တို့အိမ်ခေါင်းရင်း ဘုရားစင်နဲ့ကပ်လျက်မှာ ကိုယ်လုံးပေါ်မှန်ကြီး တချပ်ရှိတယ်...။ ဖေဖေက ပြောတော့ ... အဘိုး ... အဘွားတွေရဲ့ အမွေအနှစ်တဲ့ ...။ တကယ့်ကို ရှေးမှန်ကြီးမှ ... ရှေးမှန်ကြီးအစစ်ပါ...။ မှန်ဘောင်တွေကလည်း ကနုတ်ပန်းတွေနဲ့ ... လေးလိုက်တာကလည်း လွန်ရော...။ ကျွန်တော်တို့ တစ်မိသားစုလုံးကတော့ ဘိုဘွားအမွေမို့မပျောက်မပျက် ထိန်းသိမ်းရုံကလွဲပြီး အဲဒီမှန်ကြီးကို သိပ်အဖက်မလုပ်ကြပါဘူး။ အဲ ... ကျွန်တော့်အဒေါ် မိမိမှန်ကတော့ လူမှန်းသိတတ်စအရွယ် ငယ်ငယ်ကတည်းက အဲဒီမှန်ကြီးကို အရိပ်တကြည့်ကြည့်ပဲတဲ့ ...။ တကယ်တမ်းက မှန်ကို ဘိုးဘွားအမွေမို့ အရိပ်တကြည့်ကြည့် လုပ်နေတာ မဟုတ်ပါဘူး။ မှန်ထဲကသူ့ကိုယ်သူအရိပ်တကြည့်ကြည့်လုပ်နေတာပါ...။ မေမေပြန်ပြောပြတာကိုသိရသလောက်တော့ သူမှန်ကြိုက်တဲ့ပုံက လွန်ကိုလွန်လွန်းပါတယ်ဗျာ ...။ ဘယ်လောက်တောင်ဆိုးသလဲဆို ... ဧည့်သည်လာလို့ ဧည့်ခံစကားပြောရင်တောင် ... ဧည့်သည်ကို မှန်ကျောပေးထိုင်ခိုင်း ... သူကမှန်နဲ့မျက်နှာချင်းဆိုင်မှာထိုင်ပြီး ... စကားပြောနေရင်း မှန်ကို လှမ်းလှမ်းကြည့် လွန်းလို့ ဧည့်သည်တွေခမျာ... နောက်ကျောမလုံဖြစ်ပြီး ပြန်ပြန်ပြေး ရရှာသတဲ့ ...။ မေမေ့ဧည့်သည်တွေလာလို့ ... ကော်ဖီဖျော်ချခိုင်းရင်လည်း ကော်ဖီခွက်ကြီးတန်းလန်းနဲ့ မှန်ကိုလှမ်းကြည့်လို့ ... ခလုတ်တိုက်ပြီးကော်ဖီတွေ မှောက်မှောက်ကျတာလည်း အခါခါတဲ့ ...။ မေမေကတော့ တစ်ဦးတည်းသော ညီမကို ချစ်လို့ အလိုလိုက်ထားပေမယ့် ဖေဖေနဲ့တွေ့ရင်တော့ ဒေါ်လေးမှန်တို့မစားသာဘူး။ ဟိုတစ်ခါကဆိုလဲ ... ဖေဖေဘုရားရှိခိုးနေတုန်းကြီး မှန်ရှေ့လာပြီး ... ဟိုဖက်လှည့်လိုက် ... ဒီဖက်လှည့်လိုက် ထမီကိုပြင်ဝတ်လိုက် လုပ်နေလို့ ဖေဖေကထအော်ပြီးမှန်ကြီးကို ရိုက်ခွဲမလို့လုပ်တာလေ ...။ မေမေရော ၊ ကျွန်တော်တို့ပါ မနည်းဝိုင်းဆွဲလိုက်ရသေးတယ်။ အဲဒီနေ့ကစပြီး သူလည်း ဖေဖေရှိတဲ့အချိန်ဆို မှန်ရှေ့မှာ ကိုးရိုးကားရား မလုပ်ရဲတော့ပေမယ့် မှန်ရှေ့ ကဖြတ်သွားတိုင်း ဖေဖေ့အရိပ်အခြေကို ကြည့်ပြီးမှခိုးခိုးကြည့်တတ်တယ်။

သူ ... အဲဒီလို မှန်ကြိုက်တာနဲ့ ယောင်္ကျားမရတာနဲ့ ဘာဆိုင်လို့လဲလို့ ... ဆန္ဒတွေစောပြီးမမေးနဲ့ဦး ...။ ကျွန်တော်ဆက်ပြောတာကို ဆုံးအောင်နားထောင်လိုက်ဦး ... ။ သူနဲ့မှန် ...။ မှန်နဲ့ သူ ... အဲဒီင်္လို ကြည့်ကြည့်ပြီး အဆင်ပြေနေတာက အကြောင်းမဟုတ်ဘူးဗျ။ တခါတခါ သူက မှန်ကို မမှန်ဘူးဆိုပြီး ပြဿနာရှာတာက ကျွန်တော်တို့မိသားစုအတွက်ရော ၊ အားလုံးအတွက်ပါပြဿနာ ...။ သူ့အသက် ၂၀ကျော်လောက်က အဖြစ်အပျက်လေးတစ်ခု မေမေပြောပြဖူးတာလေး ခင်ဗျားတို့ကိုပြန်ဖောက်သည်ချရဦးမယ် ...။ သူက အစားအသောက်လည်းဂရုစိုက်၊ လေ့ကျင့်ခန်းကလည်း မှန်မှန်လုပ်တော့ ... ပြစ်မျိုးမထင် လှချင်တိုင်းလှနေတာတဲ့ ...။ ဒါပေမယ့် အပုပ်ကောင်ရုပ်ဆောင်နေကြတာပဲဗျာ ... သူလည်း ပုထုဇဉ်ပဲ ဘယ်ခံနိုင်မှာလဲ...။ ဟဲ... ဟဲ... အဲဒီစကားတွေကမေမေပြောပြတုန်းကတော့ မပါဘူးဗျ။ ကျွန်တော်ဖာသာ ကျွန်တော် ထပ်ကွန့်ထားတာ...။ အဲ... ပြောနေတာ ဘယ်တောင်ရောက်သွားပြီလဲ ...။ သြော် ... အဲဒီလိုလှနေပေမယ့် တစ်နေ့ကျတော့ သူ့နှာခေါင်းထဲမှာ ၀က်ခြံပေါက်ပြီးနှာခေါင်းကြီး ကယောင်လာရောတဲ့ဗျာ ...။ အဲဒါသူက ... မှန်ထဲမှာ သူ့ကိုယ်သူ ပြန်မြင်ပြီး အော်လိုက်တာ... လိပ်ပြာလွင့်မတတ်ဆိုတော့ ... မေမေတို့တင်မကဘူး။ အိမ်နီးနားချင်းတွေပါ ရောက်လာ ကြရောတဲ့...။ အဲဒီမှာ မေမေက `မိမှန်... မိမှန် ... ဘာဖြစ်လို့လဲ ´ လို့ မေးတော့ သူက ဘာဖြေတယ်မှတ်လဲ...။ `မှန်ထဲမှာ ... မှန်ထဲမှာ... ဘယ်သူလည်းမသိဘူး... နှာခေါင်းကြီးအကြီးကြီးနဲ့´ တဲ့ဗျာ...။ သူ့ အဖြေကိုကြားတော့ မေမေတို့ရောအိမ်နီးနားချင်းတွေရော အကုန်လုံး ... လည်းထိတ်ထိတ်ပြာပြာဖြစ်သွားကြပြီး မှန်ကြီးနားက ခွာတဲ့သူခွာ၊ မှန်ကြီးကို မ၀ံ့မရဲ တိုးကြည့်တဲ့သူကကြည့်နဲ့ ကယောက်ကယက် ကို ဖြစ်ကုန်တော့တာပဲတဲ့ ...။ အဲဒါနဲ့ သူ့ကို ရေမန်းတွေဘာတွေတိုက်မှ သူ့နှာခေါင်းကြီးယောင်နေတာကို တွေ့ရတယ်တဲ့...။ အဲဒီတော့မှာမေမေလည်း အဖြစ်မှန်ကို သဘောပေါက်ပြီး သူ့ကို အမျိုးမျိုးဖျောင်းဖျပေမယ့် သူကတော့မရဘူး။ မှန်ထဲက ပုံက သူမဟုတ်ဘူးလို့ပဲ ဒိုင်ခံ ငြင်းနေတော့တာပဲတဲ့ဗျာ ။ ဒီလောက်ဆို သူ့ရဲ့ အခြေအနေက သာမန်ထက်နဲနဲ လွန်ကဲနေပြီဆိုတာကို ခင်ဗျားတို့ရိပ်မိလောက်ရောပေါ့။

အဲဒီအဖြစ်အပျက်မျိုးက တစ်ခါလဲမဟုတ်၊ နှစ်ခါလည်းမဟုတ် အခါခါဖြစ်လာတော့ မေမေလည်း ဘာမှ မပြောတော့ပဲ လွှတ်ထားလိုက်ရတယ်တဲ့။ ကျွန်တော်၆တန်းနှစ်လောက်တုန်းကအဖြစ်တစ်ခုကိုပြောပြဦးမယ်။ အဲဒီတုန်းကဆို ရုံးရောက် ဂါတ်ရောက်ကိုဖြစ်သွားတာဗျ။ အဲဒီနေ့တုန်းက ကျွန်တော်က အခန်းထဲမှာ စာထိုင်ကျက်နေတယ် ...။ မေမေကနောက်ဖေးမှာ ထမင်းချက်နေတယ်။ ဖေဖေကလည်းသူ့အခန်းထဲမှာ စာဖတ်နေတယ်နဲ့တူပါတယ်။ သူကတော့ထုံးစံအတိုင်း ဘယ်သူမှ အနားမှာမရှိတော့ မှန်ရှေ့မှာထိုင်ပြီး မှန်ထဲကသူ့ကိုယ်သူ ဘာတွေပြောနေတယ် မသိပါဘူး။ ခဏနေတော့ သူ့ရဲ့စူးစူးဝါးဝါးအော်သံကို ကြားတာနဲ့ ကျွန်တော်တို့အားလုံးထွက်ကြည့်ကြတာ ... ယောင်္ကျားပျိုတစ်ယောက်က သူ့အနားရောက်နေပြီး သူ့လက်ကို ဆွဲနေတာတွေ့ရတာပဲ ... အဲဒါနဲ့ ဖေဖေနဲ့ အသံကြားလို့ရောက်လာကြတဲ့ ကာလသားသုံးယောက်လောက်နဲ့ အဲဒီလူကို ၀ိုင်းချုပ်ပြီး ရပ်ကွက်ရုံးကိုပို့ကြတာပေါ့ ...။ ဟိုလူ့ခမျာလည်းမျက်နှာငယ်လေးနဲ့ ကုပ်ကုပ်ကလေးလိုက်လာ ရှာပါတယ်။ ကျွန်တော်လည်း စပ်စုတတ်တဲ့သူဆိုတော့ ဖေဖေနဲ့ အတူရုံးကို လိုက်သွားတယ်လေ ...။ ရုံးရောက်တော့ ရပ်ကွက်လူကြီးက မေးတာပေါ့...။

`မင်းကို ငါဒီရပ်ကွက်ထဲမှာအရင်မမြင်ဖူးပါဘူး ... မင်းဘယ်ကလဲ´

`ကျွန်တော်ရန်ကုန်က ဧည့်သည်ပါခင်ဗျာ ... ကျွန်တော့်အမ၀မ်းကွဲဆီအလုပ်ကိစ္စနဲ့ ခဏလာတည်းနေတာပါ ...´

`မင်းသူတပါးအိမ်ပေါ်ကို တက်ပြီး သူများသမီးပျိုတစ်ယောက်ကို ဆွဲလားရမ်းလားလုပ်တာ ... မင်းကို ပိုင်နက်ကျူးလွန်မှုနဲ့ရော၊ ကာအိနြေ္ဒဖျက်မှုနဲ့ရော တရားစွဲလိုရတယ်ကွ ... မင်းနားလည်းလား ...။´

အဲဒီလူကမြို့သားလို့မပြောရဘူးရုပ်ကတော့ခပ်ဖြောင့်ဖြောင့်ပါ...။ ၀တ်ထားစားထားတာကလည်း အပျံစားပေါ့ ...။ ကျွန်တော့်စိတ်ထဲမှာ ဒေါ်လေးရဲ့ရည်းစားလို့တောင် ထင်မိပါသေးတယ်။ ရပ်ကွက်လူကြီးက ပြစ်မှုတွေကို ပြောပြတော့ အဲဒီလူတော်တော် လန့်သွားပြီး တုံတုံရီရီနဲ့ ပြောတယ်။

`ဒီလို ... ဒီလိုပါ ... အန်ကယ်ရယ် ကျွန်တော် အဲဒီအိမ်ရှေ့ကဖြတ်သွားတော့ အဲဒီအမက ... ကျွန်တော့်ကို `ဟိတ်´ လို့လှမ်ခေါ်ပြီးပြောတယ် ...´

`ဘာပြောတုန်းကွ´

အဲဒီ့လူဆက်ပြောမယ့် စကားကို ရပ်ကွက်လူကြီးရော၊ ကျွန်တော်တို့အားလုံးပါ သိပ်စိတ်ဝင်စားသွားကြတယ်။

`သူက ... သူက ... ဟိတ် ... နင်သိပ်ချောတာပဲ ... နတ်ပြည်က ကျလာသလားလို့တောင်ထင်ရတယ် ... နင့် ကိုငါသိပ်ချစ်တာပဲဟယ်တဲ့ ...´

ကျွန်တော်မရယ်မိအောင်စိတ်ကို မနည်းချုပ်တီးထားရတယ်...။ ကျွန်တော်ပါးစပ်ကို လက်နဲ့ အုပ်ပြီး တခွိခွိ ဖြစ်နေလို့ ဖေဖေကတောင်လှမ်းဟန့်သေးတယ်။ ရပ်ကွက်လူကြီးကလည်း ဟိုလူ့ကို ဆက်မပြောဖို့ လက်လှမ်းတားတယ် ...။ ပြီးတော့ ... ဖေဖေ့ကိုဘယ်လိုလဲဆိုတဲ့ သဘောနဲ့ မေးငေါ့ပြတယ်။ ဖေဖေကလည်း မျက်နှာကြီးတစ်ခုလုံးနီရဲနေပြီ ...

`ကိုခင်ထွန်း ... ခင်ဗျားဖာသာ နဲနဲဆုံးမပြီးပြန်လွှတ်လိုက်ပါတော့ဗျာ ...´

... လို့ပြောပြီး ရှက်ရှက်နဲ့ကျွန်တော်တို့သားအဖ အိမ်ပြန်လာခဲ့ရတယ်။ အိမ်ပြန်ရောက်တော့ဖေဖေက ဒေါ်လေးကို အိမ်ပေါ်ကနှင်ချနေလို့ မေမေနဲ့တောင်ရန်ဖြစ်ကြသေးတယ်။ ကျွန်တော်ကတော့ ကျွန်တော့် အခန်းထဲပြေးဝင်ပြီး တံခါးကို အလုံပိတ်ပြီး ရယ်လိုက်ရတာ အူကို နာနေတာပဲ။ ဟိုလူက ဒေါ်လေး မှန်ထဲ က သူ့ကိုယ်သူကြည့်ပြီး ပြောနေတာကို သူ့ပြောတယ်ထင်ပြီး အိမ်ပေါ်အထိ တက်လာတာကိုးဗျ ...။ ဟား ... ဟား ... ဟား ... ဟား ... ။

ဒေါ်လေးကသာမန်ထက်ပိုထူးတာတော့အမှန်ပဲ ဒါပေမယ့် ထူးပုံထူးနည်းက မှားနေတော့ အားလုံးက ရူးတယ်လုိ့ပဲ သတ်မှတ်လိုက်ကြတယ်။ ဖေဖေက ဆေးရုံပို့ဖို့ပြောတယ်။ မေမေကငြင်းတယ်။ ကျွန်တော်ကမှန်ကြီးကို ရောင်းစားပစ်ဖို့ အဆိုပြုတယ် ။ ဒေါ်လေးက ကျွန်တော့် ကို စားတော့ဝါးတော့မတတ်ကြည့်တယ်။ နောက်ဆုံး မေမေ့ရဲစကားတစ်ခွန်းက အားလုံးကိုအနိုင်ရသွားပြီး ... ဒေါ်လေးရော မှန်ကြီးပါ ချမ်းသာခွင့်ရသွားကြတယ်။ မေမေပြောတာက ...

`ဘိုးဘွားပိုင်ပစ္စည်းကိုလည်း ရောင်းစရာမလိုဘူး ...။ ငါ့ညီမကိုလည်းဆေးရုံပို့စရာမလိုဘူး ... ကိုယ့်ရုပ်ရည် အလှကို အရမ်းတွယ်တာပြီး ချစ်နေတဲ့ ငါ့ညီမလေးက ဘယ်သူ့ကိုမှလည်းဒုက္ခမပေးဘူး ... ကိုယ့်ကို ချစ်ပြီး သူများတွေကိုဒုက္ခပေးနေကြတဲ့ သူတွေအပုံကြီးထက်တော့အများကြီးသာပါသေးတယ် ... ´ တဲ့ ...။

ကဲ ... ဘယ်လိုလုပ်ကြမလဲ ...။



Thursday, November 15, 2007

ပြန်မှောင်သွားတဲ့ည …

ပြန်မှောင်သွားတဲ့ည …

ညက …

အလင်းတွေအတိုင်းသားနဲ့

မှောင်အတိကျနေတယ် …

ကျွန်တော်ရယ် ကျွန်တော့်အရိပ်ရယ်

နောက်ပြီး …

တိတ်ဆိတ်နေတဲ့ ဂစ်တာအိုလေးရယ် …

ကျွန်တော်က ငယ်ငယ်ကစိတ်တွေကို ပြန်မျှော်နေသလို

ဂစ်တာလေးက အသံမပါတဲ့သီချင်းတစ်ပုဒ်ကိုအော်ဆိုနေတယ် …။

ခေါ်သံတစ်ခုရဲ့ အဆုံးမှာ

ညတွေထဲကနေ အတုံးအရုံးလူးလဲထ

ကျွန်တော် … လမ်းပေါ်မှာပဲ လမ်းစတစ်ခုကိုတွေ့လိုက်ရတယ် …။

အတောင်ပံတွေပေါက်လာမှာကို စောင့်ရင်း

လမ်းလျှောက်ဖို့ငြင်းနေကြတဲ့ ခြေထောက်တွေရဲ့

ဟားတိုက်ရယ်မောသံတွေနဲ့ …

ဆူညံပွတ်လောရိုက်

ကျွန်တော် … အမှောင်ထဲမှာဖျက်ရိုက်ခံရပြန်တယ်။

အချို့အဆိပ်တွေက မဖိတ်ပဲရောက်လာတတ်ကြသတဲ့ …

ကျွန်တော် မခေါ်ခဲ့ဘူး

အဲဒါကြောင့် …

(သေချာတယ်) ကျွန်တော် မပျော်ခဲ့ဘူး ။

Tuesday, November 13, 2007

ငွေကြေးနှင့် မသက်ဆိုင်သော တန်ဖိုးများ

စံပယ်ဖြူမဂ္ဂဇင်းမှာ ဖော်ပြခံခဲ့ရတဲ့ ဆောင်းပါးလေးတစ်ပုဒ်ပါ ...။ အင်တာနက်ထဲလျှောက်မွှေရင်း တွေ့ခဲ့တဲ့စာကြောင်းလေးတွေကို ဆင့်ပွားခံစားပြီးရေးဖွဲ့ထားတာပါ ...။ ဘလော့ဂ်ပေါ်မှာတင်နိုင်ဖို့ စာရိုက်ပေးတဲ့ ညီမဆုဝေ ကိုလဲ ကျေးဇူးတင်တယ်လို့ပြောပါရစေ ...။


ငွေကြေးနှင့် မသက်ဆိုင်သော တန်ဖိုးများ

ငွေကြေးနှင့် ပတ်သက်ပြီး အဓိပ္ပါယ်ဖွင့်ဆိုကြတာတွေ ဝေဖန်ပြောဆို ကြတာတွေကို ကျွန်တော် အခါခါ ဖတ်ဖူး ကြားဖူးပါတယ်။ ဒါပေမယ့် ဒီတစ်ခါ ဖတ်လိုက်ရတဲ့ စာပုဒ်လေးလို ဦးနှောက်နဲ့ စဉ်းစားဆင်ခြင်မိရုံမကပဲ ရင်ထဲအထိကို ရိုက်ခတ်သွားခဲ့တာမျိုးကတော့ ရှားပါတယ်။ အမည်မသိ စာဆိုတစ်ယောက်က ရေးခဲ့တာပါ။ အဲဒီစာသားလေးတွေကို ဖတ်နေရင်းက ဆင့်ပွားတွေးမိတဲ့ အတွေးလေးတွေအကြောင်း အားလုံးကို ကျွန်တော် မျှဝေပါရစေ။

MONEY CAN BUY A BED, BUT NOT A SLEEP.

အိပ်ယာကို သင် ၀ယ်ယူလို့ရမယ်။ အိပ်စက်ခြင်းကို ၀ယ်ယူလို့ မရဘူး။

ကတ်သီးကတ်သတ် ပြောချင်တဲ့သူတွေကတော့ အိပ်ဆေးတွေ ၀ယ်သောက်လို့ ရတာပဲလို့ ပြောကြမယ် ထင်ပါတယ်။ ဓာတုဗေဒ ဆေးဝါးတွေရဲ့ အကူအညီကို ရယူပြီး အိပ်စက်ရပြီ ဆိုကတည်းက တကယ့်စစ်မှန် အေးချမ်းတဲ့ အိပ်စက်အနားယူမှုကို မရနိုင်ဘူးဆိုတာ သေချာသွားပါပြီ။ တကယ့်အကောင်းစား မွေ့ယာကြီးတွေကို ငွေနဲ့ဝယ်ယူလို့ ရပါတယ်။ ရေထဲမှာ ပေါလောမျောနေရသလို ခံစားရမယ့် မွေ့ယာကြီးတွေကိုလည်း အဆမတန်ဈေးနဲ့ ၀ယ်ယူပိုင်ဆိုင်ထားလို့ ရပါတယ်။ ဒါပေမယ့် အိစက်ညက်ညောပြီး ရုပ်ခန္ဓာအတွက် သာယာမှုတွေ အပြည့်အ၀ ပေးနိုင်မယ့် အဲဒီလို မွေ့ယာကြီးတွေဟာ အပူအပင်ကင်းကင်းနဲ့ နှစ်နှစ်ခြိုက်ခြိုက် အိပ်စက် အနားယူနိုင်ခွင့်တစ်ခုကို ပေးနိုင်ပါသလား။ ဟင့်အင်း…လို့ ဖြေရမှာပါ။ လောကမှာ လောဘ၊ ဒေါသ၊ မောဟတွေနဲ့ ဖြတ်သန်းကုန်လွန်ခဲ့ရတဲ့ တစ်နေ့တာရဲ့ အပူရှိန်တွေဟာ ညအထိတောင် ပါလာပြီး အိပ်စက်ခြင်းတွေကိုတောင် နှောင့်ယှက်ဖျက်ဆီးပစ်နေကြတယ် ဆိုတာကို ပုထုဇဉ်တိုင်း ခံစားသိရှိဖူးကြလိမ့်မယ် ထင်ပါတယ်။ စကားလုံးလှလှသုံးပြီး ပြောရရင် လောကမှာ နေမ၀င်တဲ့ညများစွာဟာ လူတိုင်းလိုလိုမှာ အနည်းနဲ့အများ ရှိတတ်ကြပါတယ်။ ဟုတ်ပါပြီ… အိပ်စက်ခြင်းကို ငွေနဲ့ဝယ်ယူလို့ မရနိုင်ရင် ကျွန်တော်တို့ ဘယ်လိုနည်းနဲ့ အရယူနိုင်အောင် ကြိုးစားကြမလဲ။ အဓိက,ကတော့ စိတ်ပါပဲ။ တစ်ညတာ ငြိမ်းချမ်းစွာ အိပ်စက်အနားယူခွင့် ရဖို့ဆိုတာ ဖြတ်သန်းပြီးခဲ့တဲ့ တစ်နေ့တာထဲက ကိုယ့်ရဲ့စိတ်ထားတွေ၊ လုပ်ရပ်တွေ အပေါ်မှာ အများကြီး မူတည်သလို ဖြတ်သန်းရဦးမယ့် နောက်တစ်နေ့တာ အပေါ်မှာ ထားတဲ့ ကိုယ့်ရဲ့ သဘောထားအပေါ်မှာလည်း အများကြီး မူတည်ပါတယ်။ လူတစ်ယောက်ရဲ့ တစ်နေ့တာ လုပ်ရပ်တွေဟာ မေတ္တာ၊ ကရုဏာ၊ မုဒိတာ စိတ်ထားတွေမှာ အခြေခံခဲ့ပြီး ကောင်းသောစေတနာနဲ့ ဖန်တီးခဲ့တာတွေချည်းပဲ ဆိုရင် အဲဒီသူဟာ သူ့ရဲ့ တစ်နေ့တာနဲ့ ပတ်သက်ပြီး ဘယ်လို စိတ်ဖိစီးမှုမျိုးကိုမှ ခံရနိုင်စရာ အကြောင်းမရှိပါဘူး။ တစ်ခါတစ်ခါ စေတနာကို ဝေဒနာဖြစ်သွားစေတဲ့ အခြေအနေမျိုးနဲ့ ကြုံရင်လည်း စိတ်ရှင်းရှင်းနဲ့ ဥပေက္ခာပြုလိုက်ရုံပါပဲ။ နောက် အနာဂတ်နဲ့ ပတ်သက်ရင်လည်း လောကဓံတရားဆိုတာနဲ့ ကံ,ကံ၏အကျိုး ဆိုတာကို နှလုံးသွင်းထားပြီး ကြီးမားတဲ့ စိုးရိမ်ပူပန်နေမှုတွေ ထားမနေဘူးဆိုရင် အဲဒီသူရဲ့အိပ်စက်ခြင်းကို နှိပ်စက်အနိုင်ယူမယ့် စိတ်အခြေအနေတွေ ဖြစ်မလာနိုင်တော့ပါဘူး။ အဲဒီတော့ လူတိုင်းလူတိုင်း ငွေကြေးတွေ ပုံပေးပြီး ၀ယ်ယူလို့ မရနိုင်တဲ့ ငြိမ်းချမ်းစွာ အိပ်စက်ခွင့်ကို စိတ်ထားတွေ အသန့်စင်ဆုံးထားပြီး အနှောင်အဖွဲ့တွေကို မှန်ကန်တဲ့အမြင်နဲ့ ကြည့်ကြရင်း ရယူပိုင်ဆိုင်နိုင်ပါစေလို့ ကျွန်တော် ဆန္ဒပြုမိပါတယ်။

MONEY CAN BUY HOUSE, BUT NOT HOME.

နေစရာနေရာကို သင် ၀ယ်ယူလို့ ရနိုင်တယ်။ အိမ်ဆိုတာကိုတော့ ၀ယ်ယူလို့ မရနိုင်ဘူး။

ဒီစာကြောင်းလေးကို ဒီလို ဘာသာပြန်လိုက်ရတာ စိတ်ထဲမှာ နည်းနည်းတော့ မ၀ံ့မရဲ ဖြစ်မိပါတယ်။ အင်္ဂလိပ်စကားလုံး နှစ်လုံးဖြစ်တဲ့ House နဲ့ Home ရဲ့ ကွဲပြားမှုကို လူတိုင်း ခံစားသိနိုင်ပေမယ့် အဲဒါကို ထိထိရောက်ရောက် ပြန်ဖို့ကြတော့ မလွယ်တော့ပါဘူး။ တကယ်တမ်းကျတော့ House ဆိုတာ အိမ်ပါပဲ။ ဒါပေမယ့် အဲဒါကို ကျွန်တော်က နေစရာနေရာလို့ ဘာသာပြန်လိုက်ပါတယ်။ ဒီလိုပြန်ရတာကလည်း နောက်က Home ဆိုတဲ့ စကားလုံးကို ကျွန်တော်က `အိမ်´လို့ အနက်ဖွင့်ချင်လို့ပါ။ ဘာဖြစ်လို့လဲဆိုတော့ သူများတွေတော့ ဘယ်လိုခံစားရမယ် မသိပါဘူး။ ကျွန်တော်ကတော့ အိမ်လို့ ပြောလိုက်တာနဲ့ အဖေ၊ အမေ၊ ညီအစ်ကို မောင်နှမတွေနဲ့ အတူတူ စည်းစည်းလုံးလုံး ပျော်ပျော်ရွှင်ရွှင် နေလာခဲ့တဲ့ သာယာကြည်နူးဖွယ်ကောင်းတဲ့ အဖေတို့ အမေတို့ရဲ့ အိမ်ကလေးကိုပဲ သွားသွား မြင်ယောင်မိတတ်လို့ပါ။ ဟုတ်ပါတယ်။ ကျွန်တော့်အနေနဲ့ကတော့ `အိမ်´ဆိုတဲ့ စကားလုံးရဲ့အဓိပ္ပါယ်ကို နေစရာနေရာ တစ်ခုလို့ပဲ အဓိပ္ပါယ် မဖွင့်ဆိုချင်ပါဘူး။ အဲဒီစကားလုံးလေးရဲ့ နောက်ကွယ်မှာ မိသားစုတစ်စု၊ မပျောက်မပျက် မလျော့ပါးသွားနိုင်တဲ့ ချစ်ခြင်းမေတ္တာတွေ နောက်ပြီး မမြင်နိုင်ပေမယ့် အခိုင်မာဆုံး ချည်နှောင်ထားကြတဲ့ အဖြူထည် သံယောဇဉ်ကြိုးတွေ စတဲ့ , စတဲ့ အဓိပ္ပါယ်တွေ များစွာ ရှိနေပါတယ်။ အဲဒီတော့ ကျွန်တော်တို့တွေ နေစရာ နေရာတစ်ခုအဖြစ် တိုက်ခန်းအကောင်းစားကြီးတွေ၊ ခြံကြီးဝင်းကြီးတွေကို ငွေရှိရင် ၀ယ်လို့ရနိုင်ပေမယ့် အဲဒီနေစရာ နေရာတစ်ခုကို `အိမ်´လို့ အမည်တပ်နိုင်ဖို့အတွက် အထက်မှာ ကျွန်တော် ဖော်ပြတဲ့ စိတ်အခြေအနေတွေနဲ့ ခံစားမှုတွေကို ဘယ်လို တန်ဖိုးဖြတ်ပြီး ဘယ်နေရာမှာ သွားဝယ်ကြမလဲ။ ကျွန်တော်ကတော့ လူသားတွေအားလုံး ကိုယ့်ရဲ့ စိတ်အာရုံနဲ့ နှလုံးသားတစ်ခုလုံးကို စိတ်ကျေနပ်မှုတွေ ပေးနိုင်ပြီး ကြည်နူးပျော်ရွှင်စရာ ကောင်းတဲ့ နေရာလေးအဖြစ် မှတ်ယူနိုင်တဲ့ `အိမ်´လို့ အမည်တပ်နိုင်တဲ့ နေရာတွေမှာပဲ နေထိုင်နိုင်ကြပါစေလို့ ဆုတောင်းနေမိပါတယ်။

MONEY CAN BUY FINERY BUT NOT BEAUTY.

လက်ဝတ်တန်ဆာတွေကို ၀ယ်ယူလို့ ရချင်ရမယ်။ အလှတရားကိုတော့ ၀ယ်လို့မရနိုင်ဘူး။

လူတိုင်းလူတိုင်းဟာ မတည်မြဲတဲ့ ရုပ်ခန္ဓာကြီးကိုပဲ သူတစ်ပါးရဲ့ အမြင်မှာ လှနေစေဖို့၊ ကြည့်ကောင်းနေစေဖို့ နည်းမျိုးစုံသုံး၊ လက်ဝတ်တန်ဆာ မျိုးစုံသုံးပြီး ပြင်ဆင်ခြယ်သကြလေ့ ရှိပါတယ်။ ဒါကလည်း လူ့ယဉ်ကျေးမှုတစ်ခုလို့ ဆိုနိုင်တာကြောင့် အပြစ်ပြောစရာတော့ မရှိပါဘူး။ ဒါပေမယ့် အဲဒီ အပေါ်ယံ အပြင်ပန်း၊ ဖီးလိမ်းခြယ်သ ပြင်ဆင်ထားမှုတွေဟာ လူတစ်ယောက်ရဲ့ တကယ့်အလှတရား မဟုတ်ဘူး ဆိုတာကိုတော့ ကျွန်တော်တို့ ရှင်းရှင်းလင်းလင်းကို သိထားဖို့ လိုပါတယ်။ လူတစ်ယောက်ရဲ့ တကယ့်အလှတရားဟာ သူဝတ်ဆင်ထားတဲ့ အ၀တ်အစား၊ လက်ဝတ်တန်ဆာတွေရဲ့ တန်ဖိုးပေါ်မှာ မတည်ပါဘူး။ သူ့စ်ိတ်ရဲ့ ဖြူစင်မှု၊ ကြည်လင်မှု၊ ငြိမ်းအေးမှုတွေမှာ တည်ပါတယ်။ လူတစ်ယောက်မှာ အလှတရား တကယ်ရှိ,မရှိ ဆိုတာကိုလည်း အဲဒီလူကို မြင်လိုက်ရတဲ့သူရဲ့ စိတ်ထဲမှာ ဘယ်လို ခံစားလိုက်ရတယ် ဆိုတဲ့ အချက်ပေါ်မှာ မူတည်ပြီး ဆုံးဖြတ်သင့်ပါတယ်။ ဥပမာအနေနဲ့ အဖိုးတန် အ၀တ်အစားတွေကို ခေတ်ဆန်ဆန် ၀တ်ဆင်ထားပြီး ပျော်ပွဲရွှင်ပွဲတစ်ခုမှာ ကနေတဲ့ မိန်းကလေးတစ်ယောက်နဲ့ ဘာတန်ဖိုးကြီး လက်ဝတ်လက်စားမှ မပါဘဲ ရိုးရိုးယဉ်ယဉ်လေး ၀တ်ဆင်ပြီး သနပ်ခါးပါးကွက်ကြားလေးနဲ့ ဘုရားကို အာရုံပြုနေတဲ့ မိန်းကလေးတစ်ယောက် ဘယ်သူ့မှာ အလှတရား ပိုရှိတယ်လို့ ကျွန်တော်တို့ သတ်မှတ်ကြမလဲ။ ဘယ်မိန်းကလေးကို မြင်ရတဲ့အခါ ကျွန်တော်တို့ ရင်ထဲမှာ ကြည်နူးမှုတစ်ခုနဲ့ ငါ့သမီးလေးသာ ဖြစ်လိုက်ပါတော့၊ ငါ့နှမလေးသာ ဖြစ်လိုက်ပါတော့ ဆိုတဲ့ စ်ိတ်မျိုးတွေ ဖြစ်လာမလဲ။ ရှင်းပါတယ်။ ဒီနေရာမှာ ရိုးရှင်းလုံခြုံတဲ့ ၀တ်စားဆင်ယင်မှုနဲ့ စိတ်နေစိတ်ထား ကြည်လင်သန့်စင်မှုတွေကိုသာ ကျွန်တော် ပြောချင်တာပါ။ ဘာမှမသိ နားမလည်ဘဲ တုံးတုံးအအကြီး နေရမယ်လို့ မဆိုလိုပါဘူး။ ကျွန်တော့်ရင်ထဲမှာ ရှိတာက ခေတ်ရဲ့ ပြောင်းလဲမှု ရေစီးထဲမှာ ကိုယ်ကျင့်တရားနဲ့ ယဉ်ကျေးမှုတွေ ရောပါမသွားစေချင်တဲ့ စေတနာပါ။ နောက်ပြီး လူတစ်ယောက် ဘယ်လောက် ၀တ်ကောင်းစားလှတွေ ၀တ်ဆင်ထားပြီး ဘယ်လောက်ပဲ ဖီးလိမ်းခြယ်သထားပါစေ။ သူ့ရဲ့စိတ်ကို လောဘတွေ၊ ဒေါသတွေ၊ မောဟတွေ ဖုံးလွှမ်းနေမယ်ဆိုရင် သူ့မျက်နှာနဲ့ ရုပ်သွင်ဟာ မြင်ရသူရဲ့ စိတ်ထဲမှာ ဘယ်လိုမှ လှတော့မှာ မဟုတ်ပါဘူး။ ကျွန်တော်ကတော့ ငွေကြေးနဲ့ ချိန်စက်ဝယ်ယူလို့ မရနိုင်တဲ့ စိတ်ကြောင့်ဖြစ်တဲ့ အလှတရားတွေ လူတိုင်းမှာ ရှိစေချင်တာပါပဲ။

MONEY CAN BUY BOOKS BUT NOT BRAIN.

စာအုပ်တွေကိုတော့ ၀ယ်ယူလို့ရမယ်။ ဦးနှောက်ကိုတော့ မရဘူး။

ကမ္ဘာကျော် ပုဂ္ဂိုလ်ကြီးတွေရဲ့ ဆေးရည်စိမ်ထားတဲ့ ဦးနှောက်တွေကို အလှကြည့်ဖို့ အဆမတန် ဈေးပေးပြီး ၀ယ်ယူချင်တယ် ဆိုရင်တော့ ရကောင်းရပါလိမ့်မယ်။ ဒါပေမယ့် အဲဒီဦးနှောက်တွေ လုပ်ဆောင်ခဲ့တဲ့ ဆင်ခြင်စဉ်းစားမှု၊ ခွဲခြမ်းစိတ်ဖြာမှု၊ သုံးသပ်ဝေဖန်မှုတွေကို အဲဒီ ဦးနှောက်ကြီးတွေကို ၀ယ်လိုက်ရုံနဲ့ ကျွန်တော်တို့ ရနိုင်မလား၊ မရနိုင်ပါဘူး။ နောက်ပြီး အသိပညာ၊ အတတ်ပညာများစွာဟာ စာရွက်စာတမ်းတွေ၊ စာအုပ်တွေ အဖြစ်နဲ့ ထွက်ပေါ်လာကြတဲ့အခါ အဲဒီစာအုပ်တွေကို ကျွန်တော်တို့ ၀ယ်ယူလို့ရပေမယ့် အဲဒီစာအုပ်တွေထဲက အချက်အလက်တွေ၊ အတွေးအခေါ်တွေ၊ အယူအဆတွေကို ဆင်ခြင်ပိုင်းခြားမယ့် ဦးနှောက်တစ်စုံကိုတော့ ၀ယ်ယူလို့ မရနိုင်ပါဘူး။ စာအုပ်တစ်အုပ်ရဲ့ ငွေကြေးတန်ဖိုးဟာ အကန့်အသတ် ရှိနိုင်ပေမယ့် အဲဒီစာအုပ်ကို ဖတ်ပြီး ဦးနှောက်နဲ့ ဆင်ခြင်စဉ်းစား သုံးသပ်ဝေဖန်မှုတွေရဲ့ နောက်မှာရလိုက်တဲ့ အသိ၊ အတတ်ပညာတွေရဲ့ တန်ဖိုးကတော့ အကန့်အသတ်မဲ့ပါတယ်။ ဒါတင်မကဘဲ စာအုပ်တစ်အုပ်က ပေးနိုင်တဲ့ ကြည်နူးမှု၊ ၀မ်းသာမှု၊ ငြိမ်းချမ်းအေးမြမှု၊ နှစ်သက်ကျေနပ်မှု စတဲ့ ခံစားမှုတွေရဲ့ အဖိုးအခကလည်း တိုင်းဆလို့ မရနိုင်ပါဘူး။ လောဘ၊ ဒေါသ၊ မာန်မာန စတဲ့ မလိုလားအပ်တဲ့ စိတ်အခြေအနေတွေကို ဖြစ်စေတဲ့ စာအုပ်မျိုးတွေ ဆိုရင်တော့ လွှင့်ပစ်လိုက်တာ အကောင်းဆုံးပါပဲ။ စာဖတ်တဲ့သူတစ်ယောက်ကို အကြမ်းဖျဉ်း လေ့လာကြည့်မယ်ဆိုရင် လူတစ်ယောက်ဟာ စာအုပ်တစ်အုပ် ဖတ်မယ်၊ အဲဒီမှာ ခံစားမှုတွေ ဖြစ်လာမယ်၊ ဒါမှမဟုတ် အသိတစ်ခုခု၊ အတတ်တစ်ခုခုကို စာတွေ့အနေနဲ့ ရလိုက်နိုင်တယ်။ အဲဒီလိုဖြစ်လာတဲ့ ခံစားမှု၊ ရလိုက်တဲ့အသိ ( သို့မဟုတ် ) အတတ်တစ်ခုခုကို သူက လုပ်ရပ်တွေအဖြစ် ပြောင်းလဲပစ်တော့မယ်။ ဒီနေရာမှာ ဦးနှောက်ရဲ့ အခန်းကဏ္ဍက အရမ်းကို အရေးပါလာပါတယ်။ ကိုယ် ဒီစာအုပ်ကြောင့် ခံစားလိုက်ရတဲ့ ခံစားမှုဟာ ဖြစ်သင့် မဖြစ်သင့်၊ ဒီစာအုပ်ကပေးတဲ့ အသိဟာ မှန်၏ မမှန်၏ စတာတွေကို သူ့ဦးနှောက်နဲ့သူ စဉ်းစား ဆုံးဖြတ်ရမှာ ဖြစ်ပါတယ်။ အဲဒီတော့ အားလုံး ပိုက်ဆံနဲ့ ၀ယ်လို့ရတဲ့ စာအုပ်တွေကို ဖတ်ကြပြီး ၀ယ်ယူလို့ မရနိုင်တဲ့ ဦးနှောက်နဲ့ အကောင်းဆုံး ဆင်ခြင်သုံးသပ်နိုင်ကြဖို့ မျှော်လင့်မိပါတယ်။

MONEY CAN BUY AMUSEMENT BUT NOT HAPPINESS.

ဖျော်ဖြေမှုတွေကို ၀ယ်ယူလို့ ရနိုင်မယ်။ ပျော်ရွှင်မှုကိုတော့ မရနိုင်ပါဘူး။

အရှိန်အဟုန်နဲ့ တိုးတက်လာနေတဲ့ ခေတ်ရဲ့ရေစီးကြောင်းထဲမှာ ဖျော်ဖြေမှု ပေးနိုင်မယ့် ကိရိယာ တန်ဆာပလာနဲ့ အသုံးအဆောင် ဇိမ်ခံပစ္စည်းများစွာ ပေါ်လာပါတယ်။ ဒါပေမယ့် အဲဒီအရာတွေက တကယ့်ပျော်ရွှင်မှု အစစ်အမှန်တွေကို ပေးနိုင်ပါရဲ့လား။ မသေချာပါဘူး။ အရှင်းဆုံးပြောရရင် စိတ်တည်ငြိမ် အေးချမ်းမှု မရှိဘဲ ပျော်ရွှင်မှု အစစ်အမှန်ကို ဘယ်တော့မှ မရနိုင်ပါဘူး။ အခုခေတ် လူတော်တော်များများကို ကြည့်ရင် တန်ဖိုးကြီး ဇိမ်ခံပစ္စည်းတွေကို သုံးပြီး ပျော်ရွှင်မှုတွေကို ခဏတာ ငှားယူနေကြတာကို တွေ့နိုင်ပါတယ်။ တကယ်တမ်းကျတော့ ဖျော်ဖြေမှုတွေ အားလုံးဟာ အမှန်တကယ် စစ်မှန်တဲ့ ပျော်ရွှင်မှုကိုပေးတာ မဟုတ်ဘဲ အားလုံးကို ခဏမေ့ပစ်ထားနိုင်ဖို့ အာရုံအသစ်တွေကို ခဏတာ ဖန်တီးပေးရုံမျှသာ ဖြစ်ပါတယ်။ အချို့ဆိုရင် အဲဒီ ခဏတာ ပျော်ရွှင်မှုလေးကိုတောင် မခံစားနိုင်လောက်တဲ့အထိ စိတ်ဖိစီးမှုတွေ၊ သောကတွေ၊ လောဘ၊ ဒေါသ၊ မာန်မာနတွေနဲ့ ပိနေကြတဲ့သူတွေ ရှိပါတယ်။ တကယ့်ကို သနားစရာ ကောင်းပါတယ်။ တကယ်တမ်း ဖျော်ဖြေမှုတွေက ပေးတဲ့ ခဏတာ ပျော်ရွှင်မှုတွေကို အပြည့်အ၀ ရရှိခံစားနိုင်ဖို့ ဆိုတာကလည်း ကိုယ့်စိတ်ကို အတတ်နိုင်ဆုံး ရှင်းထုတ်ပြီး အရာရာကို ခဏမေ့ထားနိုင်ဖို့ လိုပါတယ်။ အဲဒါကလည်း တကယ်တမ်းကျတော့ မလွယ်လှပါဘူး။ ဖျော်ဖြေမှု ဆိုတာတွေဟာ ဘ၀မှာ မရှိမဖြစ် လိုအပ်တဲ့ အရာတွေထဲမှာ တစ်ခုအပါအ၀င်ပါ။ ကြည့်ရှုသူတွေကို စိတ်တစ်ခုလုံး နစ်မြောပြီး အရာအားလုံးကို ခဏမေ့သွားစေတဲ့ ဖျော်ဖြေမှုတွေဟာ အောင်မြင်တာပါပဲ။ လူတိုင်းလူတိုင်း ပိုက်ဆံနဲ့ ၀ယ်ယူထားတဲ့ ဖျော်ဖြေမှုတွေက ပေးတဲ့ ခဏတာ ပျော်ရွှင်မှုတွေကို အပြည့်အ၀ ခံစားနိုင်ကြပြီး ဘာဖျော်ဖြေမှုမှ မလိုဘဲ ပိုင်ဆိုင်နိုင်တဲ့ ပျော်ရွှင်မှုတွေကိုလည်း စိတ်ကို အဖြူစင်ဆုံး၊ အငြိမ်းချမ်းဆုံး၊ အအေးမြဆုံး၊ အရှင်းသန့်ဆုံးထားပြီး ပိုင်ဆိုင်နိုင်ကြပါစေလို့ ဆန္ဒပြုမိပါတယ်။

MONEY CAN BUY A PASSPORT TO EVERYWHERE BUT NOT HEAVEN.

နေရာတကာကို သွားဖို့အတွက် နိုင်ငံကူး လက်မှတ်ကို ၀ယ်ယူလို့ ရချင်ရမယ်။ နိဗÁÁာန်ကိုတော့ သွားလို့မရနိုင်ဘူး။

မူလစာရေးသူကတော့ ကောင်းကင်ဘုံ ( Heaven ) လို့ ရေးထားပါတယ်။ ကျွန်တော်ကတော့ ဗုဒ္ဓဘာသာဝင်တစ်ဦး ဖြစ်တာကြောင့် ဗုဒ္ဓဘာသာဝင်တိုင်းရဲ့ နောက်ဆုံးပန်းတိုင်ဖြစ်တဲ့ နိဗÁÁာန်ကိုပဲ ယူပြီး ပြောပါ့မယ်။ ကမ္ဘာပေါ်မှာ ဘယ်နေရာကိုပဲ သွားချင်သွားချင် ငွေကြေး လုံလုံလောက်လောက်နဲ့ နိုင်ငံကူးလက်မှတ် ( passport ) သာ ရှိရင် ကျွန်တော်တို့ သွားလို့ရပါတယ်။ ကံကောင်းထောက်မစွာနဲ့ ခေတ်မီတိုးတက်တဲ့ နိုင်ငံတစ်ခုမှာသာ မီလျံနာ သူဌေးကြီးတစ်ယောက်လောက် ဖြစ်နေပြီဆိုရင် ကမ္ဘာပေါ်သာ မကပါဘူး အာကာသထဲကိုတောင် ခြေဆန့်လို့ ရပါသေးတယ်။ ဒါပေမယ့် အဲဒီလို နိုင်ငံကူးလက်မှတ် ရှိနေရုံနဲ့ ပိုက်ဆံတွေ ထားမကုန်အောင် ရှိနေရုံနဲ့ မျက်မှောက်ပြုနိုင်ဖို့ရာ မဖြစ်နိုင်တာကတော့ နိဗÁÁာန်ပါ။ ရှိတဲ့ငွေအားလုံးကို ကုသိုလ်ရေးအတွက် လှူလိုက်ရင်ရောကွာလို့ မေးစရာ ရှိပါတယ်။ အဲဒါဆိုရင်လည်း ကျွန်တော်က ဒါနတစ်ခုတည်းနဲ့ နိဗÁÁာန်ကို မျက်မှောက်မပြုနိုင်ပါဘူး လို့ပဲ ဖြေရမှာပါ။ ဒါန၊ သီလ၊ ဘာဝနာ ကုသိုလ်တွေကို တည်ဆောက်ပြီး မဂ္ဂင်ရှစ်ပါးလမ်းကို လျှောက်နိုင်မှသာ ရုပ်တရား၊ နာမ်တရားတွေ ချုပ်ငြိမ်းရာဖြစ်တဲ့ နိဗÁÁာန်ကို မျက်မှောက်ပြုနိုင်မှာပါ။

MONEY CAN BUY RELIGION BUT NOT SALVATION.

ယုံကြည်ကိုးကွယ်မှုတစ်ခုကို ပိုက်ဆံပေးပြီး ရယူနိုင်ပါတယ်။ ကယ်တင်မှုတွေကိုတော့ မရနိုင်ပါဘူး။

ဒီအကြောင်းလေးကိုလည်း ဗုဒ္ဓဘာသာဝင် တစ်ယောက်အနေနဲ့ပဲ ကျွန်တော် ပြောပါ့မယ်။ ဗုဒ္ဓဘုရား ဟောကြားခဲ့တဲ့ တရားတော်တစ်ခု ရှိပါတယ်။ `အတ္တာဟိ အတ္တနော နာထော´ မိမိကိုယ်သာ ကိုးကွယ်ရာတဲ့။ အိုခြင်း၊ နာခြင်း၊ သေခြင်း ဆိုတဲ့ မရှောင်လွှဲနိုင်တဲ့ ဒုက္ခတွေကနေ လွတ်မြောက်နိုင်ဖို့ဆိုတာ မိမိကိုယ်ကို မိမိ ကယ်တင်ရမှာပါ။ ဗုဒ္ဓမြတ်စွာဘုရားက ဒုက္ခအလုံးစုံတို့ရဲ့ ချုပ်ငြိမ်းရာဟာ နိဗÁÁာန်ဖြစ်တယ်။ အဲဒီ နိဗÁÁာန်ကို မျက်မှောက်ပြုနိုင်ဖို့ ဒီလိုနေ၊ ဒီလိုထိုင်၊ ဒီလိုကျင့်ကြံပြီး ဒီလမ်းကြောင်းကို လျှောက်ရမယ်ဆိုတာကို လက်တွေ့ပြသွားတဲ့ အနှိုင်းမဲ့ စံပြပုဂ္ဂိုလ်တစ်ဦး ဖြစ်ပါတယ်။ ဗုဒ္ဓမြတ်စွာဘုရားကို ငွေတွေ ပုံပေး၊ စည်းစိမ်ဥစ္စာတွေ ပုံပေးပြီး တပည့်တော်ကို ကယ်တင်ပါလို့ တောင်းဆိုလို့ မရပါဘူး။ ဗုဒ္ဓမြတ်စွာဘုရားကို ယုံယုံကြည်ကြည်နဲ့ ကိုးကွယ်ပါတယ်လို့ ပြောရုံနဲ့လည်း အဲဒီဒုက္ခတွေကနေ လွတ်မြောက်ဖို့ ဗုဒ္ဓမြတ်စွာဘုရားက လုပ်ပေးနိုင်မှာ မဟုတ်ပါဘူး။ မိမိကိုယ်ကို မိမိကသာ ကယ်တင်နိုင်မှာပါ။ အခုလက်ရှိ ချမ်းသာလှပါတယ်၊ ကြွယ်ဝလှပါတယ် ဆိုတဲ့သူတွေ အနေနဲ့လည်း အခုလက်ရှိ ဘယ်လိုတန်ခိုးရှင်မျိုးကိုမှ ပိုက်ဆံတွေ ပုံပေး၊ အကြွင်းမဲ့ ကိုးကွယ်ဆည်းကပ်ပြီး ဒီဒုက္ခတွေက လွတ်မြောက်အောင် ကျွန်တော့်ကို ကယ်တင်ပေးပါလို့ တောင်းဆိုလို့ မရနိုင်ပါဘူး။ လူသားအားလုံး မိမိကိုယ်ကို ကယ်တင်နိုင်ကြပါစေ။

နေဘုန်းလတ်

Sunday, November 11, 2007

ကျွန်တော် နှင့် ပင်ဂွင်းငှက်များ

ကျွန်တော်ရေးခဲ့ဖူးခဲ့တဲ့ ၀တ္ထုတိုလေးတွေထဲက အကြိုက်တွေ့မိတဲ့တစ်ပုဒ်ပါ ...။
သူငယ်ချင်းခွန်မြလှိုင်... က ကျောင်းကင်တင်းမှာထိုင်နေတုန်း Discovery Channel မှာ သူကြည့်ခဲ့ရတဲ့ ပင်ဂွင်းငှက်တွေအကြောင်းကို ပြောပြတာနဲ့ ကျွန်တော်လဲ သူပြောတာလေးတွေကို အခြေခံပြီး အတွေးနယ်ချဲ့ခဲ့ရာကနေ ဒီဝတ္ထုတိုလေးဖြစ်လာခဲ့တာပါ ...။ သူငယ်ချင်းခွန်မြလှိုင်ကိုလဲ ဒီနေရာကနေ ကျေးဇူးတင်ကြောင်း ပြောချင်ပါတယ်။ အရင်တုန်းကရေးခဲ့ဖူးတဲ့ စာတွေကိုပြန်ဖတ်ရတိုင်း ... အခု အဲဒီ့လိုမရေးနိုင်တော့တဲ့ ကို့ကိုယ်ကို အာ:မလို အားမရဖြစ်တဲ့ခံစားချက်တွေကို ကျွန်တော်ခံစားရပါတယ် ...။ အရင်အချိန်တုန်းက နေဘုန်းလတ်ကို အခု နေဘုန်းလတ်က ပြန်လွမ်းနေရတဲ့ ခံစားမှုမျိုးပေါ့ဗျာ ...။


ကျွန်တော် နှင့် ပင်ဂွင်းငှက်များ


ကျွန်တော့်မျက်လုံးတွေဖွင့်ကြည့်လိုက်တော့ ကျွန်တော့် အနားမှာ ပင်ဂွင်းငှက်တွေ...။ ဘေးပတ်ပတ်လည်မှာလည်းရေခဲတုံး တွေ ပေါလော မျောနေတဲ့ သမုဒ္ဒရာကြီး...။ ကျွန်တော်ရှိနေတာက အတော်အသင့်ကြီးတဲ့ ရေခဲလွှာကြီး တစ်ခုအပေါ်မှာ...။ ဘာတွေ ဖြစ်ခဲ့သလဲ...။ ဘယ်လိုလုပ်ပြီး ကျွန်တော် ဒီနေရာကို ရောက်နေ ရတာလဲ...။စဉ်းစားကြည့်ပေမယ့်... ခေါင်းထဲမှာ ရှုပ်ထွေး နောက်ကျိ လာတာကလွဲလို့ ဘာမှအစဖော်လို့ မရတော့ဘူး။

ကျွန်တော်မတ်တပ်ထရပ်လိုက်တယ်...။ အနားမှာဝိုင်းအုံ နေတဲ့ ပင်ဂွင်းငှက်တွေ အဝေးကိုနဲနဲရှဲ သွားကြတယ်။ထူးတော့ထူး ဆန်းတယ်...။ ရေခဲပြင်ပေါ်ရပ်နေပေမယ့် ကျွန်တော့်ရဲ့ခြေဖ၀ါးက ဘယ်လို အေးမြမှု ကိုမှမခံစားရဘူး။ဘာတွေဖြစ်ကုန်ပြီလဲလို့ ကျွန်တော် စဉ်းစားနေတုန်းမှာ...။

`မင်းသတိရလာပြီလား...ဘယ်လိုနေသေးလဲ´

ပင်ဂွင်းငှက်တစ်ကောင်ကပြောတဲ့စကားကို ပထမဦးဆုံးကြားဖူးတဲ့လူသားဟာကျွန်တော်ပဲဖြစ်လိမ့် မယ်ထင်တယ်။ ကျွန်တော်အံ့သြသွားသင့်ပေမယ့် ဘယ်လိုမှမခံစားလိုက်ရဘူး။ ကျွန်တော် သူတို့အားလုံးကို ခေါင်းညိတ် ပြလိုက်တယ်။ ကျွန်တော့်ဆီက တုံ့ပြန်မှုတစ်ခုရပြီးတာနဲ့ သူတို့က ကျွန်တော့်ကို ဂရုမစိုက် တော့ပဲ တဘက်ကို လှည့်သွားကြတယ်။ သူတို့ရဲ့ အတောင်ပံ တိုနံ့နံ့လေးတွေကို နောက်ကနေကြည့်ရင်း သူတို့ကို ကျွန်တော် အရမ်းစိတ်ဝင်စားသွားတာနဲ့ သူတို့အားလုံးကြားရအောင် ကျွန်တော် လှမ်းပြော လိုက် မိတယ်။

`ခင်ဗျားတို့လည်း အတောင်ပံရှိရက်သားနဲ့ မပျံနိုင်တဲ့ ငှက်တစ်မျိုးပဲနော်...´

ကျွန်တော့်ရဲ့ စကားကိုကြားတော့ သူတို့တွေ ကျွန်တော့် ဘက် ကို ပြန်လှည့်လာကြတယ်။ပြီးတော့ သူတို့ထဲက အသက်အကြီးဆုံး လို့ ထင်ရတဲ့ ပင်ဂွင်းကြီးကပြောတယ်။

`ငါတို့က သဘာဝအလျှောက် မပျံနိုင်ကြတာပဲကွာ ၀မ်းနည်း စရာ မရှိပါဘူး။´

သူက စကားကိုမဆက်သေးပဲ ကျွန်တော့်မျက်လုံးတွေထဲကို စိုက်ကြည့်နေတယ်။ ကျွန်တော့် မျက်လုံး တွေထဲမှာ ဘယ်လိုအရိပ်အရောင်တွေ သူတွေ့သွားတယ် မသိပါဘူး။

`သဘာဝအလျှောက် မဟုတ်ပဲ ကောင်းကင်ကိုဆွဲပိတ်ခံထားရလို့ ဒါမှမဟုတ် အတောင်ပံတွေ မသန် စွမ်းလို့ မပျံသန်းနိုင်ကြတာဆိုရင်တော့ သိပ်ကိုဝမ်းနည်းစရာကောင်းတာပေါ့ကွာ။´

သူ့ရဲ့စကားကြောင့် ကျွန်တော်ပြုံးမိတယ်။ မချိပြုံးလို့ အမည်တပ်မယ်ဆိုရင် တပ်လို့ရတဲ့ အပြုံးမျိုး ပေါ့။ အဲဒီနောက် သူတို့ဟာ ကျွန်တော်ရှိနေတာကို ဂရုမစိုက်ကြတော့ပဲ ရေခဲပြင်ရဲ့ အလယ်တည့်တည့်မှာ စက်ဝိုင်းပုံစံ စုပြုံလိုက်ကြတယ်။

ကျွန်တော်လည်း တစ်ခါမှမရောက်ဖူးတဲ့ နေရာဒေ သတစ်ခုက တစ်ခါမှမဆုံဖူးတဲ့ သူတို့ကို စိတ်ဝင် တစား ငေးကြည့်နေမိတယ်။ နည်းနည်းတော့ ထူးဆန်းတယ်။ သူတို့က အားလုံးငြိမ်ပြီး စုပြုံနေကြတာမျိုး မဟုတ်ဘူး။ ခဏခဏတိုင်းမှာ အပြင်ဘက်ဆုံးကကောင်တွေက ဟိုးအတွင်းဘက်ဆုံးကိုဝင်သွားလိုက် အတွင်း ဘက်ဆုံးက ကောင်တွေက နောက်ကို တစ်တန်းချင်း ဆုတ်လာလိုက်နဲ့ နေရာချင်း အလဲအလှယ် လုပ်နေ ကြတယ်...။

ကျွန်တော့်ရဲ့သိချင်စိတ်က ဘယ်လိုမှ ထိမ်းလို့မရတော့ဘူး...။အဲဒါနဲ့ အပြင်ဘက်ဆုံးက အကောင် တစ်ကောင်ကို ကျွန်တော်လှမ်းမေးလိုက်တယ်။

`ခင်ဗျားတို့... အဲဒါ ဘာလုပ်နေကြတာလဲ။´

`ချမ်းလို့ကွ...´

သူကစိတ်မရှည်တဲ့လေသံနဲ့ ကျွန်တော့်ကို အဖြေပေးတယ်။

`ချမ်းတာနဲ့ ခင်ဗျားတို့အထဲကကောင်က အပြင်ထွက်လိုက် အပြင်ကကောင်က အထဲဝင်လိုက်လုပ်နေ တာနဲ့ဘာဆိုင်လို့လဲ...´

`မင်းက တော်တော် ဒုံးဝေးတာပဲ...။အတွင်းဆုံးကကောင်က အဒီဲမှာအမြဲနေရင် သူတစ်ယောက်ထဲ အနွေးထွေးဆုံး ဖြစ်နေမှာပေါ့ကွ အဲဒီတော့ တရားမျှတမှုရှိအောင် အလှည့်ကျ နေရာပြောင်းနေကြတာပေါ့... ဒါတောင် နားမလည်ဘူးလား...။´

သူပြောလည်းပြောစရာပါပဲ...။ဒီလောက်ရိုးရှင်းတဲ့ သဘောတရားလေးတစ်ခုကိုတောင် ကျွန်တော် ဘာဖြစ်လို့ မစဉ်းစားမိခဲ့ရတာလဲ...။ တကယ်တမ်းဆို ကျွန်တော်က လူလေ...။ ကမ္ဘာပေါ်မှာ အသိဥာဏ်အမြင့်မားဆုံး သတ္တ၀ါလေ...။ကျွန်တော်ကသူတို့ထက်ပိုပြီး ဒါတွေကိုနားလည်သင့်တာပေါ့ ...နားလည်ရမှာပေါ့။ ဘယ်လိုဖြစ်လို့လဲ...။ ကျွန်တော့်အတွေးတွေ ယောက်ယက်ခတ်နေတုန်း ကျွန်တော့်ရဲ့စိတ်ဟာ တခါက ကျင်လည်ခဲ့ဖူးတဲ့ လူ့လောကထဲကို ပြန်ရောက်သွားတယ်...။

ကျွန်တော်တို့တွေကသာအနွေးထွေးဆုံး အကောင်းဆုံးဆိုတဲ့ အခြေအနေတွေကို တွေ့ကြုံခံစားနေရပြီ ဆိုရင် ဟိုးအတွင်းဆုံးက ပင်ဂွင်းငှက်တွေလို နောက်ကို တစ်လှမ်းဆုတ်ပေးပြီး သူတပါးကိုဝင်ရောက်ခံစားခွင့်ပေးဖို့ စိတ်ကူးရှိပါ့မလား...။မသေချာဘူး...။ အကယ်၍ စိတ်ကူးရှိခဲ့တယ်ဆိုရင်တောင် သူတပါးကို ခဏနေရာဖယ်ပေးလိုက်ဖို့အထိကျွန်တော်တို့ သတ္တိရှိပါ့မလား။ ကိုကိုယ်တိုင်က နေရာဖယ်ပေးဖို့နေနေသာသာ ကံကြမ္မာအရ အလိုအလျောက် နေရာအပြောင်းအလဲ ဖြစ်ခဲ့ကြရင်တောင် အဲ အခြေအနေကို ဘယ်သူတွေက တည်တည်ငြိမ်ငြိမ်နဲ့ ရင်ဆိုင်နိုင်ကြလို့လဲ...။ကျွန်တော်တို့လူသားတွေစိတ်ဓာတ်ပိုင်းဆိုင်ရာမှာ ပင်ဂွင်းငှက်တွေ လောက်တောင် ဖွံ့ဖြိုးမှု မရှိသေးပါလား။ မျိုးနွယ်တူအချင်းချင်း ရိုင်းပင်းကူညီရင်းက ဒုက္ခနဲ့ သုခကို အညီအမျှ မျှဝေခံစားကြမယ်လို့ ပင်ဂွင်းငှက်တွေရဲ့ စိတ်ထဲမှာ ထားနိုင်ကြပေမယ့် ကျွန်တော်တို့ လူသားတွေကရော အဲဒီ့လိုစိတ်မျိုး ထားနိုင်ကြပါ့မလား။ ထားဖို့ရော စိတ်ကူးရှိပါ့မလား...။ ထားသင့်တယ်ဆိုတာကိုရော နားလည်ကြရဲ့လား...။ ကျွန်တော်တို့ရဲ့စိတ်တွေပင်ဂွင်းငှက်တွေ လောက်တောင် မမြင့်မြတ်ကြတော့ပါလား...။

အဲဒီလိုစဉ်းစားမိတော့ ... ပထမဆုံးအကြိမ် ကျွန်တော် ရှက်သွားမိတယ်။ ဒါပေမယ့် သူတို့တွေ ဒီကိစ္စကိုမလုပ်ချင်ပဲနဲ့များ မကျေမနပ်နဲ့ လုပ်နေကြတာလားလို့ကျွန်တော် သံသယ ၀င်မိတယ်။ အဲဒါကြောင့်... ကျွန်တော်နောက်တစ်ခွန်းထပ်မေးမယ်အလုပ်မှာခုဏကအပြင်ဘက်ဆုံးမှာ အအေးဒါဏ်ကို အများဆုံး ခံစားနေရတဲ့ တစ်ကောင်ဟာ အတွင်းဘက်ဆုံးကို ၀င်သွားပါပြီ။ အဲဒါနဲ့ ကျွန်တော်လည်း နောက်တစ်ကောင်ကိုပဲ ထပ်မေးလိုက်တယ်။

`ခင်ဗျားတို့ အဲဒီလိုလုပ်နေတော့ ... အထဲကနေပြီး အပြင်ကိုပြန်ပြန်ထွက်လာရတဲ့ သူတွေက မကျေမနပ်မဖြစ်ကြဘူးလား...´

ကျွန်တော်ရဲ့မေးခွန်းကို သူက အံ့သြဟန်ပြပြီးပြန်ဖြေတယ်။

`ဘာမှမကျေမနပ်ဖြစ်စရာ မရှိပါဘူး။ အချင်းချင်းကိုယ်ချင်းစာစိတ်ထားနိုင်ရင် အားလုံးပြီးပါတယ်။ နောက်ပြီး...ဒီအနေအထားကတကယ့်ကိုစနစ်ကျတဲ့လည်ပတ်မှုတစ်ခုပဲလေ...။အားလုံးညီတူညီမျှပဲ...။ဘယ်သူမှပိုပြီးခံစားခွင့်မရှိသလို...ဘယ်သူမှလည်းလျှော့ပြီးခံစားစရာမလိုဘူး။စေတနာအရ အသက်အရွယ် ကြီးသူတွေနဲ့ ကလေးငယ်တွေကို အတွင်းမှာ အချိန် နည်းနည်းကြာကြာနေခွင့် ပေးကြတာကလွဲလို့ပေါ့...။´

တိရစ္ဆာန်တွေ ဖြစ်ပေမယ့်သိတတ်လိုက်တာဆိုတဲ့ အတွေးနဲ့ ကျွန်တော်ကြည်နူးသွားမိတယ်။ တဆက်တည်းမှာပဲ လူသားတစ်ယောက်အနေနဲ့ ရှက်စိတ်တွေဝင်လာပြီး ကျွန်တော် မလုံမလဲတွေဖြစ်လာတယ်။ ပါးစပ်အဟောင်းသားနဲ့ အံ့သြငေးမောနေမိတဲ့ ကျွန်တော်ကိုသူကအထူးအဆန်း သတ္တ၀ါတစ်ကောင်လို ကြည့်ရင်းပြောတယ်။

`မင်းအတွက် ဘာဖြစ်လို့အဲဒီ့လောက် ဆန်းပြားနေရတာလဲ...။ ဒါဟာ... သဘာဝတရားပဲလေ ဖြူစင်တဲ့စိတ်တစ်ခုနဲ့အစစအရာရာကိုရိုးရိုးလေးစဉ်းစားပြီးသဘာဝအတိုင်းလိုက်လျောညီထွေ ဖြစ်အောင် နေလိုက်တာပဲလေ ။ ထူးလည်း မထူးသလို... ဆန်းလည်း မဆန်းပါဘူး ...။´

သူကကျွန်တော် ကိုသေသေချာချာရှင်းပြ နေပေမယ့် ကျွန်တော်ကတော့ ရှက်စိတ်နဲ့ ခေါင်းကိုငုံ့ထားမိတယ် ။ကျွန်တော်ရဲ့နားထဲမှာလည်း ကိုယ်ချင်းစာစိတ်၊ တရားမျှတမှု၊ စေတနာ၊ သဘာဝတရား ...ဆိုတဲ့အသံတွေ ကျယ်လောင်စွာမြည်ဟည်းနေကြတယ်။

ဟုတ်တယ်...သူပြောတာဟုတ်တယ်။ ဖြူစင်တဲ့ စိတ်တစ်ခုရှိရမယ်။ အားလုံးကို ရိုးရိုးလေး စဉ်းစားရမယ်။ နောက်ပြီး... သဘာဝနဲ့လိုက်လျောညီထွေဖြစ်အောင်နေရမယ်။လွယ်လွယ်လေးပါ...။ ဒါပေမယ့် ဒီကိစ္စတွေက လူတွေအတွက်ဘာကြောင့်များ အရမ်းခက်နေရတာလဲ...။ ကျွန်တော် ကိုယ်တိုင်ကရော ဘာဖြစ်လို့အပြည့်အ၀ မကျင့်သုံးနိုင်ရတာလဲ..။ဘာပဲဖြစ်ဖြစ် ...ကြိုးစားကြည့်ရမှာပေါ့...။ ကျွန်တော်ရဲ့စိတ်တွေ အနည်းငယ် ကြည်လင်စပြုလာတယ်။ အဲဒီအချိန်မှာ ပင်ဂွင်းငှက် တွေဟာ အအေးဓာတ်လျော့ကျသွားလို့ထင်ရဲ့ ရေကူးသူကူး၊ ငါးဖမ်းသူဖမ်းနဲ့ ရေခဲပြင်တစ်ခုလုံး လှုပ်ရှားစည်ကားသွားတယ်။ တချို့တွေက ရေထဲမဆင်းကြဘူး ဘယ်ကိုမှလည်း မရွေ့လျားကြဘဲ တစ်နေရာတည်းမှာ ငြိမ်ငြိမ်လေးရပ်နေကြတယ်။

`ခင်ဗျားတို့က ရေထဲမဆင်းပဲ ဒီအနားမှာ ဘာရပ်လုပ်နေကြတာလဲ...´

ကျွန်တော်သွားမေးကြည့်လိုက်တော့သူတို့က သူတို့ရဲ့ခြေထောက်တွေပေါ်မှာတင်ထားတဲ့ ပင်ဂွင်းငှက်ဥတွေကို မေးငေါ့ပြတယ်။ အဲဒီတော့မှ ကျွန်တော်လည်း သတိထားမိတယ်...။ ဟုတ်တယ်... သူတို့က သူတို့ရဲ့ဥတွေကို ခြေထောက်နှစ်ချောင်းပေါ်မှာညှပ်ပြီး တင်ထားကြတယ်။ ဟိုဟိုဒီဒီ သွားချင်ရင်တောင် ဥတွေကျကွဲမှာစိုးလို့ ဖြေးဖြေးလေးသွားကြရတယ်။ သူတို့ရဲ့ သားသမီးကလေးတွေကို ပင်ဂွင်းငှက်အမတွေက ရင်နဲ့လွယ်ပြီးတဲ့နောက် ပင်ဂွင်းငှက်အဖို တွေက ခြေနဲ့ သယ်ထားကြတယ်။

`ဘာဖြစ်လို့ အဲဒီလို လုပ်ထားရတာလည်း... အသိုက်ထဲမှာ သူ့ဖာသာသူ နေပါစေလား´

သစ်ပင်ပေါ်ကအသိုက်တွေထဲမှာ ဥ ဥလေ့ရှိတဲ့ ငှက်တွေကိုသာ မြင်ဖူးတဲ့ ကျွန်တော်က အဲဒီလို မေးလိုက်တော့ ...

`ဒီလောက်ရေခဲတွေ ပတ်လည်ဝိုင်းနေတဲ့ နေရာမှာ ဘာနဲ့အသိုက်သွားဆောက်လို့ရမလဲကွ ၊ ဆောက်ချင်ရင်ရေခဲသိုက်ပဲ ရမှာပေါ့´

`အဲဒါဆိုလည်း အဲဒီရေခဲသိုက်ထဲမှာပဲ လုံလုံခြုံခြုံသိမ်းထားပေါ့ဗျ။´

ကျွန်တော်ရဲ့ ထပ်ဆင့်အပြောကြောင့် သူ့မျက်နှာ ရှုံ့တွသွားတယ်။ ကျွန်တော့်ကို တော်တော် စိတ်ပျက်သွားပုံပဲ...။

`မင်းတော်တော် တုံးတဲ့ကောင်ပဲ ...´

လာပြန်ပြီ ...ဒီစကား။ပင်ဂွင်းငှက်တွေက ကျွန်တော့်ကို အသုံးမကျဘူးလို့ပြောတာ နှစ်ခါတောင်
ရှိသွားပြီ။ သူတို့ပြောတာက ဟုတ်နေတော့လည်း ကျွန်တော် အောင့်သက်သက်နဲ့ ငြိမ်ခံနေရတယ် သူက
စကားဆက်တယ်...

`တချို့အရာတွေက လုံခြုံအောင်သိမ်းဆည်းထားလေ ဆုံးရှုံးသွားဖို့ ပိုပြီးလွယ်ကူလေပဲကွ...။ဒီဥတွေကို ရေခဲတွေထဲမှာ သိမ်းထားမယ်ဆိုရင် အနွေးဓါတ်မရပဲ အားလုံးခဲပြီး ပျက်စီးကုန်ကြလိမ့်မယ်။ အဲဒါကြောင့် အနွေးဓါတ်ရအောင် အကောင်ပေါက်လာတဲ့အထိ အခုလို ခြေထောက်ပေါ်မှာ တင်ထားရတယ်ကွ...။´

`ခင်ဗျားတို့ဟာက ပင်ပန်းလိုက်တာဗျာ...´

`ကိုယ့်သားသမီးအတွက်ပဲ ဖခင်တစ်ယောက်အနေနဲ့ ဒီလောက်တော့အပင်ပန်းခံရမှာပေါ့...။´

သူ့စကားကမဆုံးသေးပါဘူး။ မိဘမေတ္တာတွေ ၊ဖခင်ဝတ္တရားတွေ ၊ အကြင်နာတရားတွေ စတဲ့ စကားလုံးတွေသုံးပြီး သူဆက်ပြောနေဆဲပါ...။ ကျွန်တော့်မှာတော့ သူ့စကားတွေကို ကြားတစ်ချက် မကြားတစ်ချက်နဲ့ အတွေးတွေ ၀ဲဂယက်ထန်နေခဲ့တယ်။

လူ့လောကထဲက အဖေမဖော်နိုင်ပဲမွေးခဲ့ရတဲ့ ကလေးတွေ၊ မိဘရဲ့ရင်ခွင်ကိုစောင့်ကြို ငံ့လင့် နေကြရတဲ့ မိဘမဲ့ဂေဟာက ကလေးတွေ၊ လူ့အဖြစ်ကိုတောင် လုံးလုံးလျားလျား ရောက်ရှိခွင့်မရခဲ့ကြရှာတဲ့ အဖျက်ဆီးခံ သန္ဓေသားလေးတွေ... နောက်... မိခင်၊ ဖခင်ဆိုတဲ့ စကားလုံးတွေရဲ့ အဓိပ္ပါယ်လေးနက်မှုကို အပြည့်အ၀နားမလည်ကြတဲ့၊ နားလည်နိုင်စွမ်းမရှိကြတဲ့ ယောင်္ကျား၊ မိန်းမတွေ ...ပုံရိပ်တွေ ... မြင်ကွင်းတွေ ... ကျွန်တော် လူသားတွေကိုယ်စား ရှက်လိုက်တာ။

ဦးနှောက်ထဲမှာ အတွေးတွေ ရှုပ်ယှက်ခတ်နေရင်း ကျွန်တော်ရဲ့ခေါင်းတွေ မူးနောက်လာတယ်။ နားထင်စပ်နားက ထိုးထိုးပြီးအောင့် လာတယ်။

`အား ...´

ဦးခေါင်းကို လက်နဲ့ အုပ်ကိုင်ရင်းကျွန်တော် လဲကျသွားတယ်။

_______________

`သား ...သားလေး သတိရပြီလား။´

ဒီတစ်ခါ ကျွန်တော်သတိပြန်ရချိန် မှာတော့ မေမေ့ရဲ့အသံကို ပထမဆုံး စကြားရတယ်။ မျက်စိကို အားယူပြီးဖွင့် ကြည့်လိုက်တော့ မျက်စိရှေ့မှာမျက်နှာကျက်ဖြူဖြူတွေ...။ကျွန်တော် တဖြည်းဖြည်းနဲ့
အားလုံးကို ပြန်သတိရလာတယ်...။ကျွန်တော်တို့သင်္ဘော မြောက်ဝင်ရိုးစွန်းကို အဖြတ်မှာ ရေခဲတုံးကြီး
တစ်ခုနဲ့တိုက်မိပြီး သင်္ဘော မြုပ်သွားတယ်။အဲဒီမှာ ကျွန်တော်က...ကျွန်တော်က ပင်ဂွင်းငှက်တွေဆီ ရောက်သွားတာလား...။

`အမေ ... သားကို ဘယ်နေရာကနေ ပြန်ခေါ်လာတာလဲဟင်´

သူတို့ ကျွန်တော့်ကို ပင်ဂွင်းငှက်တွေရှိတဲ့ ရေခဲပြင်ကြီးပေါ်ကနေများ ပြန်ခေါ်လာခဲ့ကြတာလား...။ ဒါမှမဟုတ်...

`သားတို့သင်္ဘောမြုပ်ပြီး မကြာမီမှာပဲ ကယ်ဆယ်ရေးအဖွဲ့တွေရောက်လာပြီး သားနဲ့အတူ သင်္ဘောသား သုံးယောက်ကိုကယ်နိုင်ခဲ့ကြတယ်တဲ့...။အဲဒီ့သုံးယောက်ကတော့ အခုကျန်းကျန်းမာမာ ဖြစ်နေကြပြီ သားကသာ လုံးဝ သတိပြန်လည်မလာတာ ဒီနေ့ပါနဲ့ဆိုငါးရက်တောင် ရှိနေပြီ...။´

မေမေ အဲဒီလို ပြောတော့ ကျွန်တော် အရမ်းအံ့သြသွားတယ်...။မေမေ့ရဲ့စကားအရဆိုရင် ကျွန်တော် ပင်ဂွင်းငှက်တွေနဲ့တွေ့ခဲ့တာကဘာလဲ...။အိပ်မက်တစ်ခုလား ...။ မဖြစ်နိုင်ဘူး...။ကျွန်တော် အိပ်ပျော်နေတာမှမဟုတ်တာ...။ဒါဆို...ဘယ်လိုဖြစ်တာလဲ...။စဉ်းစားနေရင်း ခေါင်းထဲမှာမူးနောက်လာတယ်...။ ဆက်စဉ်းစားလို့ မဖြစ်တော့ပါဘူး...။ ကျွန်တော် အားလုံးကို ခဏမေ့ထားလိုက်တယ်...။

အဲဒီအဖြစ်အပျက်တွေဖြစ်ပြီးနောက်ပိုင်းမှာ ကျွန်တော်ဟာ လူ့လောကထဲမှာ ကျင်လည်လှုပ်ရှား နေပေမယ့် အံချော်နေတဲ့ လူတစ်ယောက်သာဖြစ်ခဲ့ရတယ်။ လူသားမျိုးနွယ်စုတွေရဲ့ ဂုဏ်သိက္ခာကို မြှင့်တင်ဖို့ ကြိုးစားချင်ခဲ့တဲ့ ကျွန်တော် အရူးလို့ပဲ အခေါ်ခံခဲ့ရတယ်။

အဲဒီလို အဲဒီလိုနဲ့ အချိန်အတိုင်းအတာတစ်ခုရဲ့အလွန်မှာ လူတွေနဲ့ ဆက်ဆံရတဲ့အခါတိုင်း ကျွန်တော့်ရဲ့စိတ်ထဲကနေ ခိုင်မာပြင်းပျတဲ့ ဆန္ဒတစ်ခု လျှံထွက်ကျလာတတ်တယ်...။

`ကျွန်တော်... ပင်ဂွင်းငှက်တစ်ကောင်ဖြစ်ချင်တယ်။´

Wednesday, November 7, 2007

ကလေး၊ မိဘ နှင့် အနာဂတ်

ကလေး၊ မိဘ နှင့် အနာဂတ်

နားလည်မှုဆိုတဲ့စကားလုံးဟာ လူမှုဆက်ဆံရေးနယ်ပယ်တွေမှာ အင်မတန်မှကိုအရေးပါပါတယ်။ မိဘနဲ့သားသမီး ဆက်ဆံရေးမှာလည်း ဒီနားလည်မှုဆိုတဲ့စကားနဲ့ပတ်သက်ပြီး ပြောစရာတွေ ရှိနေပါတယ်။မိဘတိုင်း မိဘတိုင်းမှာသူတို့ရဲ့ သားသမီးတွေကို အကောင်းဆုံးထောက်ပံ့ပေးချင်တဲ့ စိတ်တွေရှိနေတယ်ဆိုတာသေချာပါတယ်။ စိတ်ရှိသလိုပဲ ... မိဘတွေဟာပေးဆပ်မှုတွေအထပ်ထပ်နဲ. သူတို.သားသမီးတွေရဲ့ဘ၀ကိုအစွမ်းကုန်မြှင့်တင်ပေးနိုင်ဖို့ကြိုးစားကြပါတယ်။ ဒါပေမယ့် ... လွဲချော်မှု တစ်ချို့တစ်ဝက်နဲ့အတူ ... မိဘတွေရဲ့အထောက်အပံ့တွေ၊ ပံ့ပိုးပေးမှုတွေဟာအရာမရောက် ဖြစ်သွားရတာမျိုးတွေရှိလာပါတယ်။ ဘာဖြစ်လို.ပါလဲ ... မိဘတွေအနေနဲ့ သူတိုရဲ. ကလေးတွေ ဘာကိုအမှန်တကယ်လိုအပ်နေတယ်ဆိုတာကို နားလည်သဘောမပေါက်လို့ပဲဖြစ်ပါတယ်။ စည်းစိမ်ဥစ္စာတွေ အလျှံအပယ်နဲ့ မိဘမေတ္တာငတ်နေကြရရှာတဲ့ကလေးငယ်တွေ၊ ခေတ်မီဆန်းသစ်တဲ့ ကစားစရာတွေ အပုံအပင်ရဲ့ အလယ်မှာ မိဘတွေရဲ့အိမ်ပြန်အလာကို စောင့်မျှော်နေကြရရှာတဲ့ကလေးငယ်တွေ၊ အိစက်ညက်ညောတဲ့ ဖဲမွေ့ယာကြီးပေါ်မှာ မိဘတွေပြောပြမယ့် အိပ်ရာဝင်ပုံပြင်တွေကို မျှော်လင့်နေကြရတဲ့ ကလေးငယ်တွေ ... လောကကြီးထဲမှာ ဒီလိုပုံရိပ်တွေကိုကျွန်တော်တို့တွေ့နေရခြင်းဟာ မိဘတွေနဲ့ သားသမီးတွေကြားက နားလည်မှုလွဲချော်ခြင်းတွေရဲ့ အကျိုးဆက်တွေပါပဲ။ ဖြည့်ဆည်းပေးမှုတွေ ဘယ်လောက်ပဲများများ ... အဲဒါတွေဟာလိုအပ်မှုတွေနဲ့ ထပ်တူကျမနေဘူးဆိုရင် ... ဒါတွေဟာဘာမှ အရာမရောက်တဲ့အပိုစာသားတွေပဲဖြစ်နေမှာပါ။

'Without understanding of their children's needs, parents can't effectively support their children'

အရွယ်ရောက်လာတဲ့ ကလေးငယ် တစ်ယောက်ရဲ့ စိတ်ဓါတ်ထဲမှာမဖြစ်မနေရှိနေသင့်တဲ့ စိတ်အခြေအနေတွေရှိပါတယ် ... အဲဒါတွေကတော့ ... ဇွဲ၊ လုံ့လ၊ ၀ီရိယ၊ ယုံကြည်မှု၊ ပူးပေါင်းဆောင်ရွက်လိုမှု၊ အကြင်နာတရား စတာတွေဖြစ်ပါတယ်။ ဒီလိုမျိုးစိတ်အခြေအနေတွေကို ကလေးတွေ ရရှိပိုင်ဆိုင်နိုင်ဖို့ ဆိုတာကလည်း မိဘတွေမှာအများ ကြီးတာဝန်ရှိပါတယ်။ ကလေးငယ်တွေကို အကျိုးအကြောင်းရှင်းပြပြီး ဆုံးမပဲ့ပြင်တာမျိုးမဟုတ်ပဲ ဆူပူအော်ငေါက်နေတာမျိုးတွေ၊ ကြိမ်းမောင်းရိုက်နှက် တာမျိုးတွေဟာ ကလေးငယ်တွေရဲ့စိတ်ထဲက အကြင်နာတရားတွေကိုလျော့ပါးလာစေပါတယ်။ နောက်ပြီး ... ကလေးငယ်တွေရဲ့ စိတ်ဆန္ဒတွေတိုင်းကို တားမြစ်နှိပ်ကွပ်နေခြင်းမျိုးကိုလည်း မိဘတွေအနေနဲ့ ရှောင်ကျဉ်ဖို့ လိုပါတယ်။ ဘာပဲပြောပြော၊ ဘာပဲတောင်းတောင်း လိုက်လျောခံရခြင်းမရှိတဲ့ ကလေးငယ်တစ်ယောက်ရဲ့ စိတ်ထဲမှာ မိမိကိုယ်ကိုယုံကြည်မှု လျော့နည်းလာတတ်ပါတယ်။ ကလေးငယ်တွေရဲ့ တောင်းဆိုမှုဟာ အမှန်တကယ်လိုက်လျှောဖြည့်ဆည်း ပေးဖို့မသင့်တဲ့အရာမျိုးဖြစ်နေရင်လဲ ကလေးတွေရဲ့ စိတ်ကိုထိခိုက်မှုမဖြစ်စေပဲငြင်းပယ် နိုင်အောင်မိဘတွေအနေနဲ့ကြိုးစားသင့်ပါတယ်။ မိဘတွေဘက်က ကြည့်ရင်တော့ စိုးရိမ်လို့ချစ်လွန်းလို့ ချုပ်ခြယ်တာဖြစ်ကောင်းဖြစ်နိုင် ပေမယ့် ... ကလေးငယ်တွေဘက်က ကြည့်ရင်တော့ ဘ၀မှာလိုအပ်တဲ့အချို့စိတ်အခြေအနေတွေကို ဆုံးရှုံးစေပါတယ်။ လမ်းပေါ်ထွက်ပြီး ဘောလုံးကန်ချင်တဲ့ ကလေးငယ်ကိုအိမ်ထဲမှာပဲ ဂိမ်းထိုင်ဆော့ဖို့ပြောတတ်တဲ့မိဘတွေရှိပါတယ် ... အန္တရာယ်သိပ်မရှိဘူးဆိုရင် ဒါမျိုးကိုခွင့်ပြုသင့်ပါတယ်။ ဒီလိုမှမဟုတ်ရင် ဒီကလေးငယ်ဟာ ပူးပေါင်းဆောင်ရွက်မှုရဲ့အင်အားနဲ့ ပြိုင်ဘက်ရဲ့အရေးပါမှုတွေကို သိနိုင်ဖို့ခဲယဉ်းသွားပါလိမ့်မယ်။

'Nurturing and not breaking a child's will is the basis of creating confidence, cooperation and compassion in children.'

ကလေးငယ်တွေဟာ အရာရာကိုစူးစမ်းချင်ကြတယ်။ ဘာကိုမဆို ကိုယ်တိုင်ကိုယ်ကျ လက်တွေ့ လုပ်ကြည့်ချင်ကြတယ်။ လောကထဲမှာအနေကြာပြီး လူဝါးဝနေပြီးသား လူကြီးတွေတောင် အမှားအယွင်းတွေနဲ့မကင်းနိုင်ဘူး ဆိုရင် ... ကလေးငယ်တွေ ဆိုရင်တော့ ခဏခဏမှားကြမှာ အသေအချာပါပဲ။ ကလေးငယ်တွေ အမှားအယွင်းတစ်ခုခု ကိုလုပ်မိတဲ့အခါ ... မိဘအများစုက ဘာတွေ လုပ်တတ်ပါသလဲ။ တော်တော်များများကတော့ရိုက်ပြီးတော့ဖြစ်စေ၊ ဆူပူအော်ဟစ်ပြီးဖြစ်စေ ဒီအမှားအယွင်းကို နောက်တစ်ခါ မလုပ်အောင်တားမြစ်ကြပါလိမ့်မယ်။ ဒါမျိုးလုပ်ခြင်းအားဖြင့် ကလေးငယ်နေနဲ့ ဒီလို အမှားအယွင်းမျိုးကို နောက်တစ်ခါ ထပ်လုပ်တော့မှာမဟုတ်ပေမဲ့ ဒါဟာအမှားအယွင်းကို သေသေချာချာ နားလည်သဘောပေါက်ပြီး နောက်ထက်မလုပ်ချင်တော့တာမျိုး မဟုတ်ပဲ ... မိဘကိုကြောက်လို့၊ အဆူခံရမှာစိုးရိမ်လို့ မလုပ်တော့တာမျိုးဖြစ်တဲ့အတွက် ဒီစောင့်ထိန်းမှုမျိုးဟာ ကြာရှည်ခံပါ့မလား ဆိုတဲ့ အချက်ဟာ စဉ်းစားစရာဖြစ်လာပါတယ်။ မိဘတွေအနေနဲ့ကလေးငယ်တွေကို သူတို့ရဲ့မှားယွင်းမှုအတွက် ကြောက်သွားတာမျိုး၊ စိတ်ထိခိုက် သွားတာမျိုး စတဲ့စိတ်ခံစားချက်တွေကို ဖြစ်စေဖို့သင်ပေးမယ့်အစား သူတို့ရဲ့ အမှားတွေကနေ သူတို့ကိုယ်တိုင် ပြန်လည်သင်ယူ လာနိုင်အောင်လမ်းကြောင်းပေးသင့်ပါတယ်။

'In stead of teaching our children to feel bad for their mistakes, we need to teach them to learn from their mistakes.'

မှားတယ် ... အမှားကိုမြင်တယ် ... အဲဒီ့အတွက်အမှန်ကိုရဖို့ကိုယ့်ဖာသာကိုယ်ပြင်ယူတယ်။ ဒီအဆင့်တွေကို ကလေးဘ၀မှာ အများကြီး ကြုံရမှာပါ။ မိဘတွေအနေနဲ့က မိမိတို့ရဲ့သားသမီးတွေမှားတယ်ဆိုတဲ့ အဆင့်ကို နားလည်ခွင့်လွှတ်ထားပြီး ကလေးငယ်တွေ အမှားကိုမြင်လာစေဖို့ ... အမှန်ကိုကိုယ့်ဖာသာကိုယ်ပြင်ယူနိုင်စေဖို့ဆိုတဲ့ အဆင့်တွေအတွက် ဆုံးမသွန်သင်တာမျိုး၊ နည်းပေးလမ်းပြ တာမျိုးတွေကို လုပ်ပေးဖို့သာလိုပါတယ်။ မိဘအများစုဟာ ကလေးငယ်တွေကိုမှားတယ်ဆိုတဲ့အဆင့်မှာတင် အပြစ်ပေးတာမျိုး၊ ဆူပူကြိမ်းမောင်းတာမျိုးတွေလုပ်လိုက်တဲ့အတွက် နောက်ကအဆင့်တွေကို ကလေးငယ်တွေ မရတော့ပဲ နောက်တစ်ခါထပ်မှားမှာကိုကြောက်သွားတဲ့ စိတ်ခံစားမှုကိုသာ ကလေးတွေရသွားရှာပါတယ်။ အင်မတန်မှကိုဆိုးပါတယ်။ ကလေးတွေအနေနဲ့မှားမိမှာကို ကြောက်တဲ့ခံစားချက်တွေကို ခံစားနေရတဲ့အတွက် သဘာဝကပေးတဲ့ အမှန်ကိုမိမိဖာသာပြင်ယူနိုင်တဲ့ စွမ်းရည်တွေကိုဆုံးရှုံးကြရပါတယ်။

'Children feel afraid of making mistakes, they lose the nature ability to self-correct.'

ကလေးဘ၀ကနေ လူငယ်၊လူငယ်ဘ၀ကနေ လူလတ်၊ လူလတ်ကနေ လူကြီး စသဖြင့်အသက်အရွယ်တွေ ပြောင်းလဲ ကြီးပြင်းလာကြသလို ကျွန်တော်တို့ရဲ့အတွေးအခေါ်တွေ၊ အယူအဆတွေ၊ ယုံကြည်မှုတွေ၊ စိတ်နေစိတ်ထားတွေ၊ အပြုအမူတွေကလည်း ဘ၀တလျှောက်လုံးမှာ လုံလောက်တဲ့ကြောင်းတရားတွေကိုမှီပြီး ပြောင်းလဲဖြစ်တည်နေကြရပါတယ်။ဒါဟာ .....သဘာဝတရားပါ။ ဒါပေမဲ့ ... ကိုယ့်ရဲ့ပြောင်းလဲမှုတွေဟာ ကိုယ့်အတွက်ရော လူ့အဖွဲ့အစည်းအတွက်ပါ လိုလားအပ်တဲ့ပြောင်းလဲမှုတွေဖြစ်နေဖို့ လိုအပ်တဲ့အတွက် ကျွန်တော်တို့အနေနဲ့ အမြဲတမ်းမိမိကိုယ်ကိုစောင့်ကြည့် တည့်မတ်နေရမှာဖြစ်ပါတယ်။ ဒီလိုမျိုး မိမိရဲ့ကာယကံ၊ ၀စီကံ၊ မနောကံတွေကို အမြဲတမ်း သတိတရားနဲ့ စောင့်ကြည့်တည့်မတ်စေနိုင်တဲ့ အရည်အချင်းမျိုးကို ကလေးဘ၀ထဲက ပြုစုပျိုးထောင်ယူထားဖို့လိုပါတယ်။ အထက်မှာ ပြောခဲ့သလိုပဲ သဘာဝကပေးတဲ့အမှန်ကို မိမိဖာသာပြင်ယူနိုင်တဲ့ စွမ်းရည်မျိုးကို ကလေးဘ၀ကမှာ မရခဲ့ဘူးဆိုရင် ဘ၀မှာသင့်မြတ်လျှော်ကန်စွာနဲ့ အောင်မြင်တိုးတက်နိုင်တဲ့ အခွင့်အလမ်းတွေ ကိုဆုံးရှုံးရနိုင်ပါတယ်။ ဘ၀မှာအောင်မြင်နေကြတဲ့ သူတွေအားလုံးဟာ သူတို့ရဲ့မှားယွင်းမှုတွေကိုကိုယ်တိုင်ပြင်ဆင်တည့်မတ်နိုင်ပြီး သူတို့ရဲ့အတွေးအခေါ်တွေ၊ စိတ်နေသဘောထားတွေ၊ အပြုအမူတွေကိုပါ ပြေပြစ်ဆီလျှော်အောင် ပြောင်းလဲနိုင်စွမ်းရှိကြသူတွေပါ။

'Those who succeed in life are those who can self-correct and change their thinking, attitude or behavior'

သမိုင်းကြောင်းဆိုတာ တစ်ဦးတစ်ယောက်ချင်းစီရဲ့ လုပ်ရပ်တွေကို ပေါင်းထားတဲ့အချိန်ကာလ အစုအဖွဲ့တစ်ခုပါ။ အခုလက်ရှိပစ္စုပ္ပန်မှာရှိနေကြတဲ့ ကလေးငယ်တွေအားလုံးဟာ အနာဂတ်ဆိုတဲ့ ကာလတစ်ခုမှာအရွယ်ရောက်လာကြပြီး ခေတ်တစ်ခေတ်ရဲ့ သမိုင်းကို သူတို့နည်းသူတို့ဟန်နဲ့ ရေးထွင်းကြမှာပါ။ ဒီနေရာမှာ နိုင်ငံတစ်နိုင်ငံရဲ့သမိုင်းကြောင်း ဒါမှမဟုတ် ကမ္တာလောကကြီးရဲ့ သမိုင်းကြောင်းဟာ ယိုယွင်းဆုတ်ယုတ်သွားတာမျိုးမဖြစ်စေဖို့ဒီကလေးငယ်တွေရဲ့ စိတ်အခြေခံတွေ ကောင်းခဲ့ဖို့ မဖြစ်မနေကို လိုအပ် ပါတယ်။ မိဘတိုင်း စိတ်ဓါတ်တွေမြင့်မားပြီး သားသမီးတိုင်းရဲ့ အနာဂတ်ကိုတင့်တယ်စေနိုင်ကြလိမ့်မယ်လို့ ကျွန်တော်ယုံကြည်မျှော်လင့် နေမိပါတယ်။

နေဘုန်းလတ်

စာကိုး - Children Are From Heaven By John Gray

Sunday, November 4, 2007

ကျွန်တော်မသိတော့တဲ့ ကျွန်တော် ...

ကျွန်တော်မသိတော့တဲ့ ကျွန်တော် ...

ကျွန်တော့်ရဲ့အပြုံးတွေ အရင်ကလိုမချိုတော့ဘူး။ နေ့နေ့ညည ကျွန်တော်သောက်သုံးနေရတာက နောင်တဆိုတဲ့ ဆေးခါးခါးတစ်ခွက်ဖြစ်တယ်။ လိုအပ်တာထက်ပိုတဲ့ သဘာဝလွန်ကွေးညွတ်မှုတွေက ကျွန်တော့် အပြုံးတွေကို အဆိပ်ခတ်သွားတာထင်ရဲ့ ...။ ဝေးလွင့်သွားတဲ့ သံစဉ်ချိုတစ်စကို တမ်းတမ်းတတ ဖြစ်မနေဖို့ အသိစိတ်တွေက ကျွန်တော့်ကိုဝိုင်းဖြောင်းဖျကြတယ်။ အဲဒါနဲ့ပဲ ... အရောင်အဆင်းကင်းတဲ့ အဖြူရောင်ချစ်ခြင်းတွေနဲ့ ကျွန်တော်တိုးတိုးတိတ်တိတ်လေးလွမ်းတတ်ခဲ့တယ်။ ဘယ်သူမှသိမှာ မဟုတ်ပေမယ့် ကျွန်တော့်ကို ကျွန်တော် သိပါတယ်။ ကျွန်တော်ဟာ အနာဂတ်တွေကိုကြောက်စိတ်နဲ့ အတိတ်တွေထဲမှာ မှေးအိပ်ချင်နေတဲ့ ကောင်ဖြစ်တယ်။

``ကို ... ငယ့်ကိုလွမ်းနေရင် အသဲပုံလေးကျပါစေဆိုပြီး ဖဲချပ်လေးတွေကိုဆွဲတာ အမြဲတမ်း ဒီမဲမဲလေးတွေပဲ ကျတယ် ... အဲဒါကိုဘာလို့ခေါ်လဲဟင် ...´´

စပိတ်တစ်ဖဲချပ်လေးကို ကိုင်ကြည့်နေတုန်းမှာပဲ တစ်ခါကကြားခဲ့ဖူးတဲ့ စကားတစ်ခွန်းက ကျွန်တော့်ရဲ့ နှလုံးသားထဲကနေ ၀ဲပျံလွင့်ထွက်ကျလာတယ်။ မလာနဲ့ ... မလာကြနဲ့ ...။ တားမြစ်နေတဲ့ ကြားထဲက သူ့အသံတွေပြန်ကြား၊ သူ့အပြုံးတွေပြန်မြင် ... ... ... ကျွန်တော်ရဲ့ရင်ခုန်သံတွေ တစ်စစီ ကွဲရှလွင့်စင်သွားကြတယ်။ ကျွန်တော်အနက်ရှိုင်းဆုံးထိုးဆင်းသွားတဲ့စိတ်ကို လိုက်ဖမ်းနေရင်း ၀ပ်ကျင်းတစ်ခုထဲမှာ ပိတ်မိနေတဲ့အဖြစ်ကို ပြန်သတိရလိုက်တယ်။ တိုက်ခန်းပေါင်းများစွာမှာ ညတာတွေကိုခွဲခြားကုန်လွန်စေကြတဲ့ သူတွေရဲ့ ပါးစပ်ဖျားက သစ္စာဆိုတဲ့ စကားတစ်ခွန်းတည်း ထပ်ခါထပ်ခါထွက်ကျလာတယ်။ ဘ၀မှာ ကျွန်တော်ပြန်ကောက်တင်ရမှာအရှက်ဆုံး အရာက ဂုဏ်သိက္ခာဖြစ်တယ်။ ရူးရူးမိုက်မိုက်မဟုတ်ခဲ့ပေမယ့် စူးစူးစိုက်စိုက်ချစ်ခဲ့ဖူးတဲ့ ကျွန်တော့်ရဲ့အချစ်ဦးကပဲ ကျွန်တော့်ရည်စူးခဲ့တဲ့ မျှော်လင့်ခြင်းတွေကိုပြန်ခူးသွားတယ်။ ကျွန်တော့်လျှောက်မယ့်လမ်းတွေမှာ ခရေပင်ကြီးတွေ အုပ်အုပ်ဆိုင်းဆိုင်းရစ်သိုင်းနေကြပြီ။ အဲဒီခရေပင်ကြီးတွေမှာ ကြွေကျပေးဖို့မစဉ်းစားတဲ့ ခရေတွေကလည်း အပြိုင်းအရိုင်း ဝေနေကြပြီ။ မတောက်တခေါက်အသိဥာဏ်နဲ့ ခြေမြှောက်လက်မြှောက် ဆော့ချင်ခဲ့တဲ့ ကျွန်တော့်မှာ အပြစ်ရှိပါတယ်။

`` မနက်ဖြန်အလုပ်ကပြန်လာရင် မင်္ဂလာဆောင်တစ်ခုသွားရမယ် ... ပြီးတော့ ညစာစားပွဲတစ်ခုလည်း ဖိတ်ထားသေးတယ်နော် ... စောစောပြန်လာခဲ့ ...´´

တစ်ခါက ... တစ်ယောက်တည်းအထီးကျန်နေရတဲ့ဘ၀ကို မုန်းခဲ့ဖူးတယ်။ အခုတော့လည်း တစ်ယောက်တည်း နေရတဲ့ဘ၀ကို နဲနဲခုံမင်နေမိသလိုလို ...။ စိတ်တွေက အရိပ်တွေထက်အပြောင်းအလဲပိုမြန်တယ်။ လူဆိုတာ ရွှေငါးတစ်ကောင်မဟုတ်ဘူးလို့ စဉ်းစားမိတဲ့အခါတိုင်း အလှမွေးငါးကန်ထဲက ရွှေငါးတစ်ကောင် လောက်တောင် ကူးခတ်ခွင့်ဘောင်မကျယ်တဲ့ အချို့လူတွေကကျွန်တော့်ကို ခနဲ့တဲ့တဲ့အပြုံးတွေနဲ့ ပြုံးပြကြတယ်။ ကိုယ်ကိုယ်တိုင် တောင်မပိုင်တဲ့ အရာတွေကို အပိုင်လိုချင်တဲ့သူတွေရှိလာတဲ့အခါ ...၊ ကိုယ်ကိုယ်တိုင်အတွက်တောင်မသေချာတဲ့ ကိုယ့်ရဲ့ဆန္ဒတွေကို ချုပ်ချယ်ကန့်သတ်ချင်တဲ့သူတွေရှိလာတဲ့အခါ ...၊ ဘယ်လိုရှင်းပြရမယ်မှန်းမသိအောင်ကို စကားလုံးတွေရှားခဲ့တယ်။ အဲဒီလိုနဲ့ပဲ နားလည်မှုဆိုတဲ့ သင်ခန်းစာကလည်း သင်ကြားဖို့ခက်တဲ့ လက်ချာတစ်ခု ဖြစ်ခဲ့တယ်။

`` လူပဲကွာ ... အမှားနဲ့ဘယ်ကင်းနိုင်မှာလဲ ... မမှားဖူးတာကအရည်အချင်းမဟုတ်ဘူးငါ့ညီရဲ့...။ အမှားကို အမှန်ပြင်နိုင်တာကမှ အရည်အချင်းကွ ...´´

ဘ၀တစ်ခုကို ကျွန်တော်ပိုင်ဆိုင်ထားတယ် ...။ အဲဒီဘ၀ထဲမှာ အသိနောက်ကျတဲ့ အမှန်တရားတစ်ခုက ပြင်လို့မရတဲ့ မှားယွင်းမှုတစ်ခုအဖြစ်နဲ့ရှိနေခဲ့တယ်။ တစ်ခုတည်းသောနောင်တက တစ်ဘ၀လုံးစာ မကအောင်ကို ကြီးမားသွားတာခက်တယ်။ အပြစ်တွေကို အနှစ်တွေဖြစ်အောင်အသွင်ပြောင်းပြီး မိန့်မိန့်ကြီးပြုံးနေကြသူတွေက ကျွန်တော့်ကိုအားပေးတယ်။ မမှားသောရှေ့နေ ... မသေသောဆေးသမား ... တဲ့။ တစ်ခါတည်းမှားပြီး တစ်ဘ၀လုံး နားသွားရတဲ့ အဖြစ်တွေကို ကျွန်တော်ပြန်တွေးမိတယ်။

`` ဘာတွေများထွေထွေထူးထူးစိတ်ညစ်စရာရှိနေလို့လဲ ... မင်းအဆင်ပြေနေတာပဲ ...´´

တကယ်တမ်းပြောရရင်တော့ စိတ်တွေကို ပြန်သစ်လို့မရတော့လို့ ညစ်နေတာပါ။ ထင်သာမြင်သာဖြစ်နေတဲ့ အဆင်ပြေခြင်းတွေအောက်မှာ ရင်ခုန်သံအပိုင်းအစတွေ ဘယ်လောက်ချောင်ပိတ်မိနေတယ်ဆိုတာကို ဘယ်သူကသိမှာလဲ ...။ တစ်ခါက ခေါင်းချလိုက်တာနဲ့ အိပ်ပျော်ဖူးခဲ့တဲ့ကျွန်တော် ... အခု အိပ်မပျော်တဲ့ညတွေရှိခဲ့ဖူးပြီ။ တခါက ... လက်ဖြန့်တောင်းခံသမျှအတွက် အမြဲအဆင်သင့် ဖြစ်နေတတ်တဲ့ကျွန်တော် ... အခု အပေါင်းအနှုတ်အတွက်အချက်တွေနဲ့ တွေဝေလက်တွန့်နေတတ်ခဲ့ပြီ။ တခါက ... မြေကြီးနဲ့တသားတည်းဖြစ်ခဲ့ဖူးတဲ့ ကျွန်တော့်ရဲ့ခြေထောက်တွေ ... အခု မြေကြီးကိုနင်းမိတဲ့ အချိန်တွေနည်းခဲ့ပြီ။ ကျွန်တော်ကိုယ်တိုင်ကိုက ပြောင်းလဲမှုတွေကို စိတ်နဲ့စစ်ယူဖို့ပျက်ကွက် ခဲ့တာပါ။

`` မင်း စာရောရေးဖြစ်သေးရဲ့လား ... မင်းရဲ့စာတွေ စာမျက်နှာတွေပေါ်မှာမတွေ့ရတာကြာပြီနော် ...´´

သိပ်များများစားစားမရှိပေမယ့် ... ရှိခဲ့ဖူးတဲ့မှားယွင်းမှုတချို့က ကျွန်တော့်ရဲ့အာရုံတွေကို ခါးစေကြတယ်။ အတွေးတွေက အရင်ကလိုမစင်ကြယ်တော့ဘူး။ ကျွန်တော့်ရဲ့လက်တွေကချရေးမယ့် စကားလုံးတိုင်းအတွက် ကျွန်တော့်မှာ ယုံကြည်ချက်တွေပါးလျနေကြပြီ။ ငါသိလာတဲ့ လောကရဲ့ဖြစ်ပျက်နေမှုတွေက တကယ့်အစစ်အမှန်တွေ ဟုတ်ရဲ့လား ...၊ အဲဒီ့ ပျက်ယွင်းနေကြတဲ့ စာရိတ္တတွေက တကယ့်ကို ရှောင်လွဲလို့မရနိုင်တဲ့ မရှိမဖြစ်လိုအပ်ချက်တွေဖြစ် ကုန်ပြီလား ...၊ နောက်ပြီး ... အချို့သော မျှတမှုမရှိတဲ့ တန်ဖိုးကြီးလူ့ကျင့်ဝတ်တွေကရော ... မလွဲမသွေပြုရမယ့် ၀တ္တရားတွေဖြစ်နေပြီလား ...။ တဝေေ၀တ၀ါးဝါး ဖြစ်နေတဲ့ ကျွန်တော့်ရဲ့စိတ်တွေက ကျွန်တော့်ရဲ့လက်တွေကို တွန့်ဆုတ်စေကြတယ်။ ကျွန်တော်စာတွေ ပြန်ရေးဖြစ်ဦးမှာပါ ...။ ကျွန်တော့်ရဲ့စိတ်အာရုံတွေကို အတိုင်းအတာ တစ်ခုအထိ ကျွန်တော် ပြန်သန့်စင်နိုင်ပြီလို့ ကျွန်တော်ပြန်ယုံကြည်လာတဲ့တစ်နေ့ပေါ့ ...။

ကန်ရေပြင်ပေါ်ကိုရွာချမိတဲ့မိုးတိမ်တစ်ခုက သူ့ရဲ့မိုးစက်တွေကိုနှမြောတသစွာနဲ့ညည်းတွားတယ် ...

`` ခြောက်သွေ့တဲ့ ကန္တာရတစ်ခုအပေါ်ရောက်အောင် ငါ့ကိုဘာဖြစ်လို့တွန်းမပို့ခဲ့တာလဲ လေညင်းရယ်`` တဲ့။

လေညင်းက ပြန်ပြောတယ် ...

``သတ်မှတ်ထားပြီးသား လားရာတွေအတိုင်း ငါတိုက်ခတ်နေရတာပါ´´ တဲ့။
အဲဒီ့လားရာတွေကို ဘယ်သူက သတ်မှတ်တာလဲလို့ မိုးတိမ်လေးကထပ်မမေးပါဘူး ...။ ဆက်နွယ်မှုတွေများစွာနဲ့ သက်ဝင်ဖြစ်တည်နေတဲ့ လောကမှာ ပတ်သက်မှုတွေများစွာက ကျွန်တော့်တို့ကို လာတွန်းထိုးဝင်တိုက်ကြမှာပဲလေ။ ဘယ်လို လောကဓံတရား တွေနဲ့ပဲကြုံကြုံ ကျွန်တော် အမြဲတမ်း ကြည်ကြည်လင်လင်လေးပဲပြုံးနေချင်ပါတယ်။ အဲဒီဆန္ဒတစ်ခုအတွက် ကျွန်တော့်မှာဘာလိုအပ်မှာလဲလို့ ကျွန်တော်ကို ကျွန်တော်မေးကြည့်တယ်။ အထပ်ထပ်အခါခါမေး ... အကြိမ်ကြိမ် အခါခါ တွေးပြီးတဲ့နောက်မှာ ကျွန်တော်အဖြေတစ်ခုကိုပြန်ပေးနိုင်ခဲ့တယ်။ ကျွန်တော် ... အားလုံးနဲ့ ဝေးနေဖို့လိုလိမ့်မယ် ...။