မြန်မာဘလော့ဂါတွေရဲ့ Seminar

မြန်မာ ဘလော့ဂါများ ပူးပေါင်းကျင်းပတဲ့ Why do we blog ဆိုတဲ့ Open Seminar ဟောပြောပွဲ အခမ်းအနားကို လာမည့် 01.09.2007 စနေနေ့ ၁၁နာရီကနေ ၄နာရီအထိ ကျင်းပမှာ ဖြစ်ပါတယ်။ ကိုယ်တိုင် ဘလော့ဂ် ရေးသားနေကြတဲ့ ကျွမ်းကျင်သူ ပညာရှင် ဘလော့ဂါတွေကိုယ်တိုင် ဟောပြောကြမှာ ဖြစ်ပါတယ်။ ရည်ရွယ်ချက်ကတော့ ပြည်တွင်း ပြည်ပမှာ ရှိနေကြတဲ့ မြန်မာဘလော့ဂါတွေရဲ့ အတွေ့အကြုံနဲ့ အတွေးအမြင်တွေကို သိစေချင်လို့ ဖြစ်ပါတယ်။ နောက်ပြီး မီဒီယာ ကန့်သတ်ချက် တော်တော်များများကို ရိုက်ချိုးလိုက်တဲ့ ဘလော့ဂ် ယဉ်ကျေးမှု အကြောင်းနဲ့ အသုံးပြုရ ဘယ်လောက် လွယ်ကူတယ် ဆိုတဲ့ အကြောင်းတွေကို မျှဝေချင်လို့လဲ ဖြစ်ပါတယ်။ အဓိကကတော့ ကမ္ဘာတစ်ဝှမ်းမှာ လူတိုင်း စိတ်ဝင်တစား အသုံးပြုနေကြတဲ့ နည်းပညာနဲ့ အခွင့်အလမ်းတွေကို မြန်မာလူငယ် လူကြီးအားလုံး သိစေချင်တာရယ်၊ စီးပွားရေး အခွင့်အလမ်းတွေ ရရှိလာစေရန် စတဲ့ အချက်တွေကို ရည်ရွယ်ပါတယ်။ ဒီပွဲတစ်ခု လုပ်ရတာ မလွယ်ပါဘူး။ အကုန်အကျ အများကြီး ရှိသလို အလွန်ပင်ပန်းပါတယ်။ ပိုက်ဆံ အကျိုးအမြတ် တစ်ပြား တစ်ချပ်မှ မရဘဲ အထက်က ရည်ရွယ်ချက်တွေ သက်သက်အတွက် ကျွန်တော်တို့ လုပ်ဖြစ်ကြတာပါ။ Company တော်တော်များများကလည်း ဒီပွဲအတွက် ပံ့ပိုးပေးထားပါတယ်။ အသက်ကန့်သတ်ချက် မရှိပါဘူး။ အားလုံးကို တက်ရောက်ဖို့ ဖိတ်ခေါ်ပါတယ်။ တက်ရောက် လာသူတွေအတွက် အစားအသောက်နဲ့ ကံစမ်းမဲ အစီအစဉ်တွေလည်း ထည့်သွင်းထားပါကြောင်း။

ကျွန်တော်ရေးထားတဲ့အထဲက ကျွန်တော်အကြိုက်ဆုံးပို့စ်များ

ကျွန်တော်ရေးထားတဲ့အထဲက ကျွန်တော်အကြိုက်ဆုံးပို့စ်များ

ကိုရန်အောင်ကြီးက အကြိုက်ဆုံးပို့စ်ငါးခုကိုရွေးပေးပါလို့လာ Tag တယ်။ သူ့ဘလော့ဂ်မှာသွားပြီး ငါးခုတည်းလား ကိုရန်အောင်ရယ် ... လို့တောင်သွားနောက်လိုက်သေးတယ်။
အမှန်အတိုင်းပြောရရင် ... ကျွန်တော်တင်ခဲ့တဲ့ပို့စ်တွေအားလုံးကိုကျွန်တော်ကြိုက်တယ်လို့
ပြောလို့ရပါတယ် ...။ ကောင်းလွန်းလို့တော့မဟုတ်ပါဘူး ဒါပေမယ့် ကျွန်တော့်စာတွေဟာ စာဖတ်သူတွေကိုဘယ်လိုအဆိပ်အတောက် မျိုးမှမဖြစ်စေနိုင်ဘူးလို့ ယုံကြည်လို့ပါ ...။ ကျွန်တော်ကိုယ်တိုင်မကြိုက်တဲ့ အချို့စာတွေ ကျွန်တော့်မှာရှိပါတယ် ...။ အဓိကကတော့ ကဗျာတွေပါ ... ကဗျာနဲ့ပတ်သက်လာရင် ကျွန်တော်အားနည်းပါတယ် ... ။ ကိုယ်တိုင်ရေးတဲ့ ကဗျာတစ်ပုဒ်ကိုဖတ်မိတိုင်း အားမလိုအားမရစိတ်တွေဖြစ်ရပါတယ် ...။ ဒါပေမယ့်လဲ ကြိုးစားရေးဖွဲ့နေရင်း ကဗျာကောင်းလေးတွေတော့ရခဲ့ဖူးပါတယ် ...။ ကျွန်တော်ရေးခဲ့တဲ့ပို့စ်လေးတွေထဲက ကျွန်တော်အကြိုက်ဆုံးပို့စ်တွေကို မဖြစ်မနေရွေးပေးပါဆိုရင်တော့ ဒါလေးတွေကိုရွေးချင်ပါတယ်။

ကျွန်တော်လွှတ်ချခဲ့တဲ့မြို့တော် ...
အချစ်အကြောင်းရေးထားတဲ့ ကျွန်တော့်ရဲ့ရှားရှားပါးပါး ၀တ္ထုတိုလေးပါ ...။

ကျွန်တော်နှင့်အရောင်များ
မြင်နေတွေ့နေရတဲ့အရောင်တွေကို အဓိပ္ပါယ်တွေလိုက်ဖွင့်ဆိုကြည့်နေမိရင်းက ဒီဝတ္ထုတိုလေးကိုရခဲ့တာပါ။

ငါဖြတ်သန်းပြီးခဲ့တဲ့ဘ၀တစ်ခုထဲမှာ
ကျွန်တော့်ရဲ့ ၂၇နှစ်ပြည့်မွေးနေ့မှာ အမှတ်တရရေးဖြစ်ခဲ့တဲ့ကဗျာလေးပါ ...။

ကျွန်တော်နှင့်လောကမှတ်တိုင်များ
ဖတ်ဖူးတဲ့ကဗျာလေးတစ်ပုဒ်ထဲက ထူးခြားတဲ့အတွေးလေးကိုယူပြီး A ကနေ Z အထိကို ကဗျာလေးစပ်ကြည့်ခဲ့တာပါ ...။ A ဆိုတာက Art , B ဆိုတာက Blind စသည်ဖြင့် စာတစ်ပိုဒ်ချင်းမှာ အဓိပ္ပါယ်လေးတွေပါနေအောင်ရေးထားတာပါ။

အသာလွန်ဆုံးများ
သူငယ်ချင်းတစ်ယောက်လှမ်းပို့လိုက်တဲ့ slide show လေးထဲက စာကြောင်းလေးတွေကို ဘာသာပြန်ပြီး ကိုယ့်အမြင်လေးတွေပေါင်းထည့်ထားတဲ့ ဆောင်းပါးလေးတစ်ပုဒ်ပါ ...

ကျွန်တော့်အကြိုက်တွေကိုတော့ရွေးပေးပြီးပါပြီ ... ဒါကိုတော့သူများတွေကိုပြန် မ Tag တော့ပါဘူး ...။
ကျွန်တော့်ဘလော့ဂ်လေးကို လာရောက်ဖတ်ရှုကြတဲ့သူတွေကို ကျွန်တော်တစ်ခုလောက်ပဲ ပြန်ပြီးမေတ္တာရပ်ခံချင်ပါတယ် ... ကျွန်တော်က ကျွန်တော့်အကြိုက်တွေကိုတော့ရွေးပေးပြီးတဲ့နောက်မှာ... စာဖတ်သူတွေကလည်း စာဖတ်သူအကြိုက် ၅ခုဆီကိုရွေးပေးကြဖို့ပါ ... ဒီပို့စ်လေးရဲ့ကွန့်မန့်အောက်မှာ ရွေးပြီး ခေါင်းစဉ်လေးတွေရေးပေးစေချင်ပါတယ် ... ၉.၉.၂၀၀၇ ကျရင် စာဖတ်သူအကြိုက် ငါးခုကိုမဲခွဲပြီးကျွန်တော်ပြန်တင်ပေးပါ့မယ် ...
ကျေးဇူးတင်ပါတယ်ခင်ဗျာ ...

နှမြောတယ် …

နှမြောတယ် …

တိုင်းပြည် လူမျိုး

နိုင်ငံရဲ့အနာဂတ်ကို ထမ်းပိုးမယ်တဲ့

အဲဒီ့လူငယ်အချို့ရဲ့ခေါင်းထဲမှာ

တရားမျှတမှုတွေခမ်းခြောက်နေတာကို နှမြောတယ် ..။

နှမြောတယ် …

ပြည်သူရဲ့ သွေးချွေးမျက်ရည်

တတိတိကြွေပေးခဲ့ရတဲ့ လမ်းပေါ်မှာလျှောက်

ရိုက်သွင်းခံထားရတဲ့ တစ်လမ်းသွားဦးနှောက်နဲ့

အောက်ကို တစ်ချက်လေးတောင်ငုံမကြည့်တဲ့သူတွေကို နှမြောတယ် …။

နှမြောတယ် …

အဆင့်မြင့်ပညာရပ်တွေကို

အဆင့်မြင့်နိုင်ငံတွေမှာသင်ယူ

အညွန့်တလူလူနဲ့ လူတော်တွေ …

လူကောင်းတွေဖြစ်မလာတာကို နှမြောတယ် …။

နှမြောတယ် …

မတရားမှုတွေကို ထောက်ခံ

အမှန်ကိုအမှား အမှားကိုအမှန်

အမြင်အာရုံတွေမှာ မောဟအမှောင်တွေခံနေတဲ့

မြင်ရက်နဲ့ကန်းနေတဲ့ မျက်လုံးတွေကို နှမြောတယ် …။

ဘုန်းမင်းဇွန်

ဘ၀ပြောင်းသွားသူများ ...

ဘ၀ပြောင်းသွားသူများ ...

သူတို့တွေ ...

ကြောက်စိတ်တွေကို ဘေးမှာချိတ်ထားပြီး

အမှန်တရားနောက်ကနေ အရိပ်လိုကပ်လိုက်

တရားမျှတမှုအတွက် ငြိမ်းချမ်းစွာတိုက်ကြတယ် ...။

သူတို့တွေ ...

သွေးစိမ်းရှင်ရှင်ထွက်နေတဲ့ နှလုံးသားဒဏ်ရာတွေနဲ့

အတိုင်အဖောက်မညီတော့တဲ့ ၀င်သက်ထွက်သက်တွေကိုစာနာ

ရင်ခုန်သံတွေကို စိတ်ဓါတ်နဲ့ မာကျောစေကြတယ် ...။

သူတို့တွေ ...

ခလုတ်ကန်သင်း ဆူးညှောင့်တွေခင်းတဲ့လမ်းမှာ

အပ်တိုတစ်ချောင်းမပါတဲ့ ခန္ဓာနဲ့ လမ်းလျှောက်

လူ့အခွင့်အရေးအတွက် ရဲရင့်စွာထွန်းတောက်ကြတယ် ...။

သူတို့လို ... သူရဲကောင်းတွေကိုရှေ့ထားပြီး

ငွေစက္ကူတစ်ရွက် နှစ်ရွက်အတွက်

ဒါမှမဟုတ် ...

ထမင်း တစ်နပ် နှစ်နပ်အတွက်

ဒါမှမဟုတ် ...

တစ်ဘ၀စာ

မက်လောက်စရာစွန့်ကြဲမှုတွေအတွက်

အရက်ခွက်တွေပါးစပ်ထဲလောင်းထည့်

ခိုင်းတဲ့အတိုင်း အစွမ်းကုန်ရိုင်းလိုက်မယ်ဆိုတဲ့သူတွေ

သေသေချာချာပြန်စဉ်းစား

ခင်ဗျားတို့ ဘယ်ဘ၀ရောက်သွားသလဲဆိုတာ ...။ ။

ဘုန်းမင်းဇွန်

အသုံးမကျတဲ့ ကောင်းကင်

အသုံးမကျတဲ့ ကောင်းကင်

အဲဒါပါပဲ …

တလက်လက်ထနေတဲ့ အတ္တတွေ

စ်ိတ်ဓါတ်အောက်တန်းကျမှုတွေနဲ့

ထုဆစ်ထားတဲ့ ကောင်းကင်ဆီက …

အနိဌာရုံတွေပဲ ပြုတ်ပြုတ်ကျတတ်တယ်ဆိုတာ … ။

စိတ်တွေကိုဒုံးဒုံးချထားတဲ့ ဘ၀အပိုင်းအစတွေ

လမ်းမတွေပေါ် တဘုံးဘုံးလဲကြ …

အဲဒီ့ညနေမှာ

သက်ပြင်းတွေက ဂီတဖြစ်သွားတယ် …။

ရိုက်ချိုးခံလိုက်ရတဲ့မျှော်လင့်ခြင်းတွေကို

မရှိမဲ့ရှိမဲ့ အားအင်နဲ့ကျားကန်

အဲဒီ့ မျက်လုံးတွေက

မသေချာမှုတစ်ခုနဲ့ လေးလံနေကြတယ် …။

ဘာလဲဟဲ့ မနက်ဖြန်

ဘာလဲဟဲ့ အနာဂတ် …

တစ်နေ့တာကိုပဲ အနိုင်နိုင်ကျော်ဖြတ်ရင်း

နံနက်ခင်းတစ်ခုထဲက ယုံကြည်ချက်တွေကို

ညနေတစ်ခုနဲ့အတူ ကွပ်မျက်

အိမ်ပြန်ချိန်မှာ အိပ်မက်တွေတောင်ပါမလာခဲ့ … ။

ခေါင်းငုံ့ ဒူးထောက်

စိတ်ဓါတ်တွေကို ကုန်းကုန်းကောက်နေတုန်း

လူက လူကိုနင်းတဲ့ခေတ်က

တံခါးပေါက်တွေကို လိုက်လိုက်ခေါက်

ကျောကုန်းပေါ်ဖိနပ်ရာတွေရောက်ရောက်လာတယ် …။

ပါးစပ်တစ်ပေါက်အလှုပ်မှာ

ဘ၀ပေါင်းများစွာရဲ့ နှုတ်တွေဆွံ့အသွား …

မတတ်နိုင်ခြင်းတွေကပဲ

လက်ကျန် စာရိတ္တတွေကို တိုက်စားသွားတယ် …။

အဲဒါပါပဲ …

တလက်လက်ထနေတဲ့ အတ္တတွေ

စ်ိတ်ဓါတ်အောက်တန်းကျမှုတွေနဲ့

ထုဆစ်ထားတဲ့ ကောင်းကင်ဆီက …

သန့်စင်မှုတစ်ခုကို

ဘယ်လိုမှမျှော်လို့မရဘူးဆိုတာ …။

ဘုန်းမင်းဇွန်

ကျွန်တော်နှင့် သံလွင်အိပ်မက်

ကျွန်တော်နှင့် သံလွင်အိပ်မက်

ကျွန်တော်နဲ့ ၆တန်းကျောင်းသားဘ၀ကတည်းကစလို့ … အခုအချိန်အထိ စိတ်တူ၊ ကိုယ်တူ၊ ယုံကြည်ချက်တူစွာနဲ့ ခင်မင်ရင်းနှီးခဲ့တဲ့ သူငယ်ချင်းတစ်ယောက်ရှိပါတယ်။ အထက်တန်းကျောင်းမှာ အတူတက်ခဲ့ကြနေစဉ်အတွင်း ဒြပ်မဲ့ကမ္ဘာ(၁) (၂) စတဲ့ကဗျာစာအုပ်လေးတွေကို သူနဲ့ ကျွန်တော်အတူတူစီစဉ်ခဲ့ကြဖူးပါတယ်။ သူက ၁၀ တန်းအောင်ပြီးကတည်းက စင်ကာပူကိုထွက်သွားပြီး … Polytechnic မှာကျောင်းသွားတက်ပါတယ်။ ကျွန်တော်ကတော့ RIT အမှတ်လေးမီတာနဲ့ Civil Engineer ဖြစ်တဲ့အထိဒီမှာပဲကျောင်းတက်ဖြစ်ခဲ့ပါတယ်။ စာပေအနုပညာကိုချစ်မြတ်နိုးတဲ့ကျွန်တော့်သူငယ်ချင်းက … စင်ကာပူမှာ သူ့ညီနဲ့ပေါင်းပြီး အွန်လိုင်းမဂ္ဂဇင်းလေးတစ်ခုလုပ်ထားတယ်လို့ သူရန်ကုန်ကိုပြန်လာတုန်း ကျွန်တော့်ကိုပြောပါတယ်။ အဲဒီ့ အွန်လိုင်းမဂ္ဂဇင်းလေးရဲ့ နာမည်က သံလွင်အိပ်မက်ပါတဲ့ …။ အဲဒီ့အချိန်တုန်းက သံလွင်အိပ်မက်က အမှတ်(၁)ထွက်ပြီးနေပြီ … ။ အဲဒီလိုနဲ့ သူနဲ့ ကျွန်တော် သံလွင်အိပ်မက် အမှတ်(၂)အတွက် ဆရာချစ်ဦးညိုကိုသွားဗျူးကြတယ်။ ကျွန်တော်နဲ့ရင်းနှီးတဲ့ ဦးမင်းလူကိုလဲ သွားတွေ့ကြတယ်။ အဲဒီ့အချိန်ကစလို့ သံလွင်အိပ်မက်မှာ ကျွန်တော်ပါဝင်ပတ်သက်ခဲ့တယ်။ ။ ဆရာအော်ပီကျယ်နဲ့သွားတွေ့တယ် …။ ဆရာက သူ့ရဲ့ ပုံတွေကို အလိုရှိသလိုအသုံးချနိုင်တဲ့အကြောင်းနဲ့ သူဆွဲထားတဲ့ ကာတွန်းစီဒီတစ်ချပ် ကျွန်တော့်ကိုပေးလိုက်တယ်။ နောက်ပိုင်းလဲ … စာမူတွေရှာပေးတယ် …။ ကျွန်တော်လဲဝင်ရေးတယ် …။ သံလွင်အိပ်မက် အမှတ်(၂)မှာ ပထမဆုံးဖော်ပြခဲ့တဲ့ ကျွန်တော့်ရဲ့ စာတွေကတော့ ကိုငှက်ကြီး(ထူးအိမ်သင်)ရေးဆိုထားတဲ့ ရာဇ၀င်များရဲ့သတို့သမီး သီချင်းကိုခံစားရေးဖွဲ့ ထားတဲ့ တေးခံစားမှုဆောင်းပါး (နေဘုန်းလတ်) ၊ ခွဲခွာခြင်း ဆိုတဲ့ကဗျာ (နွေလေ)၊ ခေါင်းဆောင်မှုဟူသည်ဆိုတဲ့ ဆောင်းပါး(ဘုန်းဦးမော်) တို့ပဲဖြစ်ပါတယ်။ အမှန်အတိုင်းဝန်ခံရမယ်ဆိုရင် အဲဒီ့အချိန်တုန်းက ကျွန်တော်တို့မှာ စာမူရှားပါးမှုပြဿနာရှိနေတဲ့အတွက် စာမူတွေ လိုသလောက်မရရင် ကိုယ်ရေးထားတာတွေကိုပဲ ကလောင်ခွဲတွေနဲ့ထည့်ရပါတယ်။ အခုတော့ အဲဒီ့ ပြဿနာကို ကျွန်တော်တို့ကျော်လွှားနိုင်ခဲ့ပါပြီ …။ အဲဒီ့လိုနဲ့ သံလွင်အိပ်မက်ကို အဝေးကနေ၀ိုင်းဝန်းပျိုးထောင်နေရင်း ကျွန်တော် စင်ကာပူကိုရောက်ခဲ့တယ် …။ သံလွင်အိပ်မက် အမှတ်(၃) မထွက်ခင်မှာပါ …။ သံလွင်အိပ်မက်ကို အနီးကပ်ဝိုင်းဝန်းရတော့မှ ကျွန်တော့်သူငယ်ချင်းတွေ ဘယ်လောက်ပင်ပင်ပန်းပန်းကြိုးစားကြရတယ်ဆိုတာကို မြင်လာပါတယ်။ အဲဒီ့အချိန်ကစပြီး အမိမြေရဲ့ အဝေးမှာ အချိန်တွေပိုနေတဲ့ကျွန်တော် သံလွင်အိပ်မက်ထဲကို စိတ်ရောကိုယ်ပါ နှစ်ထားလိုက်ပါတော့တယ် …။ အဲဒီ့လိုနဲ့ သံလွင်အိပ်မက် အမှတ် (၄)က စလို့ နေမျိုး(သံလွင်)ဆိုတဲ့ ကလောင်သစ်တစ်ခုနဲ့အတူ ကျွန်တော့်ရဲ့ သံလွင်အိပ်မက် အယ်ဒီတာဘ၀ဟာ တရားဝင်စတင်ခဲ့ပါတယ်။ နေမျိုး(သံလွင်) ကလောင်နဲ့ ကျွန်တော်စရေးတဲ့ အက်ဆေးကတော့ တောင်ရောက်မြောက်ရောက်အလွမ်းများ ပါ။ ညီညီ(သံလွင်)၊ စည်သူ(သံလွင်)၊ နေမျိုး(သံလွင်) ဆိုတဲ့နာမည်တွေနဲ့ ကျွန်တော်တို့သံလွင်အိပ်မက်ကို ကောင်သထက်ကောင်းအောင် ကြိုးစားခဲ့ကြပါတယ်။ ပျော်စရာကောင်းပါတယ် …။

စည်သူအောင် … စာမူတောင်းတဲ့မေးလ်တွေပို့ဦး …။

ဟေ့ကောင် … မင်း ဟိုဟာလုပ်ဦး …

မင်း ငါ့ကိုချည်းပြောမနေနဲ့ … မင်းလဲ အဲဒါတွေပြီးအောင်လုပ်ဦး …။

ဟေ့ ညီညီ… ငါတို့ အင်တာဗျူးကဏ္ဍမပြီးသေးဘူးနော် …။

ရွေးထားတဲ့ စာမူတွေမြန်မြန်စာစီပါဦးဟ …။

နေမျိုးကျော် … ကာတွန်းတွေဆွဲဖို့ ကိုစိုင်းကိုခေါ်ဦးလေ …။

သူ့ကို ကိုယ်တွန်း … ကိုယ့်ကိုသူတွန်းနဲ့ … ကျွန်တော်တို့တွေပျော်ပျော်ကြီး ရှေ့ဆက်ခဲ့ကြပါတယ်။ ကျွန်တော်တို့ သုံးယောက် အဲဒီ့လို ရှုပ်ယှက်ခတ်နေတာကို မကြည့်ရက်တဲ့ မန္တလေးသားကြီး ကိုငယ်ကလဲ
ဝင်ကူဝင်တွန်းဝင်ပွားရင်း သံလွင်အိပ်မက် အယ်ဒီတာတစ်ယောက်ဖြစ်လာပါတယ်။ အယ်ဒီတာ (၄)ယောက်ရှိတဲ့ မဂ္ဂဇင်း ဒီတစ်စောင်ပဲရှိမယ်ထင်ပါတယ်။ အဲဒီ့လို အဲဒီ့လိုနဲ့ … သံလွင်အိပ်မက်ဟာ ပုံမှန်ပရိတ်သတ်တွေ၊ ဝေဖန်အကြံပြုသူတွေ၊ စာမူပေးပို့သူတွေနဲ့ စည်စည်ကားကားဖြစ်လာပါတယ်။ သံလွင်အိပ်မက်အတွက် လိုအပ်တာတွေကို အကူအညီပေးနိုင်ဖို့ မလေးရှား၊ အမေရိကား၊ ထိုင်း၊ ကနေဒါ၊ သြစတေးလျ၊ ယူအေအီး၊ ယူနိုက်တက်ကင်းဒန်း စတဲ့ နိုင်ငံ (၇)နိုင်ငံမှာ သံလွင်အိပ်မက်ကိုယ်စားလှယ်တွေ အနေနဲ့ ကျွန်တော်တို့ ထားရှိနိုင်ခဲ့ပြီဖြစ်ပါတယ်။ အခုဆိုရင် … သံလွင်အိပ်မက်ဟာ အခုဆိုရင် (၃)နှစ်ပြည့်ခဲ့ပြီဖြစ်ပြီး… လာမယ့် အောက်တိုဘာလမှာ အမှတ် (၁၂) ထွက်ရှိဖို့စိုင်းပြင်းနေပါပြီ …။ ဘယ်အလုပ်မဆို စလုပ်ရတာထက် အဓွန့်ရှည်တည်တံ့အောင်ထိမ်းသိန်းရတာက ပိုခက်ခဲတယ်လို့ ကျွန်တော်ယူဆပါတယ် …။ အဲဒါကြောင့် ၀ိုင်းဝန်းကြသူ၊ အားပေးဖတ်ရှုကြသူ ညီအစ်ကိုမောင်နှမတွေရဲ့အားနဲ့ နောင်နှစ်ပေါင်းများစွာတိုင်အောင် … အနာဂတ်ကိုအတိုင်းအတာတစ်ခုအထိ အလင်းရောင်ပေးနိုင်တဲ့ အွန်လိုင်းမဂ္ဂဇင်းတစ်ခုအဖြစ်တည်ရှိနေနိုင်ပါစေလို့ … သုံးနှစ်သားလေး သံလွင်အိပ်မက်အတွက် ကျွန်တော်တို့ မွေးနေ့ဆုမွန်ကောင်းလေးတောင်းပေးလိုက်ကြရအောင်လားဗျာ …။

ကျွန်တော်နှင့် တ၀က်တပျက်မေ့သူများ

နေဘုန်းလတ်တစ်ယောက် ဆားချက်နေတယ်လို့ အပြောခံရမှာစိုးလို့ ... ဘယ်မဂ္ဂဇင်းမှာမှ မပါဖူးသေးတဲ့ ... ဘယ်မှာမှဖော်ပြခြင်းမခံရသေးတဲ့ ၀တ္ထုတိုလေးတစ်ပုဒ်ကိုတင်ပေးလိုက်ပါတယ်။ MBS လိုဂိုကိစ္စနဲ့ရှုပ်နေလို့ ကျွန်တော့်စာလေးတွေမတင်ဖြစ်တာတောင်ကြာပါပြီ ...။ အခုတော့ အရင်ကလိုပဲ ကျွန်တော်ရေးထားတဲ့ စာလေးတွေကို ပုံမှန်တင်ပေးသွားနိုင်အောင်ကြိုးစားပါ့မယ်ခင်ဗျာ ...။



ကျွန်တော်နှင့် တ၀က်တပျက်မေ့သူများ

ကျွန်တော်ဒီအခန်းထဲကို စရောက်တဲ့အချိန်မှာ အခြားသူတစ်ယောက်မှမရှိဘူး။ အခန်းရဲ့လေးဘက်လေးလံနံရံတွေက အနီဖျော့ဖျော့ အရောင်တစ်ခုနဲ့ အေးစက်လှပနေကြတယ်။ အခန်းရဲ့အလယ်တည့်တည့်မှာ စားပွဲဝိုင်းကြီးတစ်လုံးရှိတယ်။ အဲဒီ့စားပွဲဝိုင်းကြီးရဲ့ တည်ဆောက်ပုံက နဲနဲဆန်းတယ်။ စားပွဲရဲ့ပတ်ပတ်လည်မှာ ထိုင်ခုံတွေရှိသလို စားပွဲရဲ့အလယ်တည့်တည့်မှာလဲ လူတစ်ယောက်ထိုင်စာအပေါက်တစ်ခုနဲ့ ထိုင်ခုံတစ်လုံးရှိတယ်။
အခု ကျွန်တော် အဲဒီအနီဖျော့ဖျော့အခန်းထဲကိုရောက်နေတယ် ...။ တိတိကျကျထပ်ပြောရရင် ... အဲဒီအခန်းထဲမှာရှိတဲ့ စားပွဲဝိုင်းကြီးရဲ့ အလယ်က ဆုံလည်ကုလားထိုင်တစ်ခုပေါ်မှာ ကျွန်တော်ရောက်နေရတယ်။ ဘာလုပ်လို့လုပ်ရမှန်းမသိတာနဲ့ ဟိုဟိုဒီဒီငေးရင်း ကျွန်တော်သီချင်း တစ်ပုဒ်ကို ဆိုညည်းနေမိတယ် ...။
` ရင်နာစရာတွေနဲ့ ပြည့်နှက်ကာနေတဲ့ အဆုံးအဖြတ်ကိုလက်ခံ အမှန်တရားကိုရွေးချယ်တွက်ချက်ကာ ... ဖြူစင်သူတွေ ရှုံးနိမ့်ထွက်ခွာတဲ့ ဘ၀စက်ဝိုင်းကို ချိန်ရွယ်ပါလေ အို...မြားဘုရင် ...´
` ကျွီ ...´
` ရှပ် ... ရှပ် ... ရှပ် ... ရှပ် ...´
` ဒေါက် ... ဒေါက် ... ဒေါက် ... ဒေါက် ´
` ဖလပ် ... ဖလပ် ... ဖလပ် ... ဖလပ် ´
တံခါးဆွဲဖွင့်သံနောက်က အမျိုးအစားစုံလင်လှတဲ့ ခြေသံတွေနဲ့ အခန်းတစ်ခန်းလုံးရုတ်တရက်ဆူညံသွားတယ်။ အသံတွေ ၀ရုန်းသုန်းကားဝင်လာတော့မှ ခုနက တိတ်ဆိတ်နေတဲ့ တဒင်္ဂလေးရဲ့ လှပမှုကို ကျွန်တော်ခံစားမိလိုက်တယ်။ ဒါပေမယ့် ... အရာရာဟာ နောက်ကျသွားခဲ့ပါပြီ။ ၀င်လာကြသူတွေအားလုံး စားပွဲကြီးကိုဝိုင်းပြီး တစ်ယောက်တစ်နေရာဆီ နေရာယူလိုက်ကြပြီ။ သူတို့တွေ ကျွန်တော့်ကို ၀ိုင်းပတ်ပြီး စနစ်တကျစုစည်းလိုက်ကြပြီ ...။ ရှိနေတဲ့ခုံအရေအတွက်နဲ့ ၀င်လာတဲ့ လူအရေအတွက် အပိုအလိုမရှိကွက်တိဖြစ်နေတာကို ကြည့်ပြီး သူတို့ရဲ့ ကြိုတင်ကြံစည်မှုကို ကျွန်တော်ရိပ်မိလိုက်တယ်။
` အားလုံးကိုတွေ့ရတာ ၀မ်းသာပါတယ်။ ဒါပေမယ့် ခေါင်းတော့ နဲနဲ မူးတယ်ဗျာ ...´
ဆုံလည်ကုလားထိုင်ကို တစ်ပတ်ပြည့်အောင်လှည့်ပြီး ... ကျွန်တော် သူတို့အားလုံးကို ၀တ်ကျေတမ်းကျေနှုတ်ဆက်လိုက်တယ်။ ကုတ်အင်္ကျီ အနက်ရောင်ကြီးကိုဝတ်ပြီးလည်ပင်းမှာ ကြောင်လျှာသီးကြီးဆွဲထားတဲ့သူတစ်ယောက်က ကျွန်တော့်ကိုစကားစပြောတယ်။ သူ့အသံက လုပ်ယူထားလို့လားမသိဘူး နဲနဲတော့ကီးကြောင်နေတယ်။
` ငါတို့အားလုံးမှာ မင်းကိုမေးစရာမေးခွန်းတွေနဲ့ပြောစရာစကားတွေ အများကြီးပါလာတယ်။ မင်းစိတ်ကိုငြိမ်ငြိမ်လေးထားပြီးနားထောင်ပါ။´
စိတ်ကိုငြိမ်ငြိမ်ထားရမယ်တဲ့ ...။တကယ်တမ်းက စိတ်ကိုအေးအေးထား၊ စိတ်ကိုရှင်းရှင်းထား ဆိုတဲ့စကားလုံးတစ်ခုခုကိုသူသုံးသင့်တယ်။ ထားလိုက်ပါ ... သူ့ကြည့်ရတာ အချို့စကားစုတွေကို အလွတ်ကျက်လာပုံရတယ် ... ကျွန်တော် ခပ်ဖြည်းဖြည်းပဲခေါင်းကိုညိတ်ပြလိုက်တယ်။ ကျွန်တော့်ဆီက တုံ့ပြန်မှုတစ်ခုကိုလဲရရော ခုနကပုဂ္ဂိုလ်က သူ့ဘေးနားကအမျိုးသမီးကို ခင်ဗျားစပြောတော့ ဆိုတဲ့သဘောနဲ့ မေးငေါ့ပြတယ်။အမျိုးသမီးက သူရှေ့မှာရှိတဲ့ဖိုင်တွဲကြီးကို ဖွင့်ပြီးစာရွက်လွတ်တစ်ခုကို ဆွဲထုတ်လိုက်တယ်။ ပြီးတော့ ကျွန်တော့် ဘက်ကိုထိုးပေးပြီး ...။
` ကျေးဇူးပြုပြီး ... လူကြီးမင်းထိုးနေကျလက်မှတ်လေးတစ်ခုကို ဒီစာရွက်ပေါ်မှာထိုးပေးလို့ရမလားရှင် ...´
လက်မှတ် ... ကျွန်တော်ထိုးနေကျလက်မှတ်တဲ့ ... လက်မှတ်ဆိုတာက ... လက်ကနေရေးပေးလိုက်တဲ့အမှတ်အသားတစ်ခုခု ...။ ကျွန်တော် စာရွက်အဖြူပေါ်မှာ ကြက်ခြေခတ်ခပ်ကြီးကြီးတစ်ခုကို ခြစ်ပေးလိုက်တယ်။
`ရော့ ... ဒီမှာ ကျွန်တော့်လက်မှတ် ...။ ကျွန်တော်ထိုးနေကျ ဟုတ်သလား ၊မဟုတ်ဘူးလားဆိုတာတော့ ကျွန်တော်လဲမမှတ်မိတော့ဘူး။´
အဲဒီအမျိုးသမီးက ကျွန်တော်ခြစ်ပေးလိုက်တဲ့ လက်မှတ်ကိုသူ့ဖိုင်တွဲထဲက စာရွက်တွေနဲ့တိုက်ကြည့်ပြီးနှာခေါင်းရှုံတယ် ... ပြီးတော့မှ သူ့မျက်နှာကိုအနိုင်နိုင်ပြင်ပြီး ... ကျွန်တော့်ကို လေပြေလေးနဲ့ပြောတယ်။
`လူတစ်ယောက်ရဲ့လက်မှတ်ဟာ ဘယ်လောက်ထိအရေးပါပြီး၊ အဲဒီအရေးပါမှုဟာဘယ်လောက်ထိ တာသွားတယ်ဆိုတာကို လူကြီးမင်းလဲသိသင့်သလောက်တော့ သိမှာပါ။ အဲဒီတော့ ... ဘာကိုမမှတ်မိတော့ရင်တောင် ကိုယ့်ထိုးမြဲလက်မှတ်ကိုတော့ ကိုယ်ပြန်မှတ်မိ အောင်ကြိုးစားသင့်ပါတယ်..။´
ကျွန်တော် ခေါင်းညိတ်ပြလိုက်တယ် ... သူပြောတာကိုကြားတယ်ဆိုတဲ့သဘောနဲ့ပါ....။ သူကတော့ ကျွန်တော်ခေါင်းညိတ်တာကို ဘယ်လိုယူဆသွားတယ်မသိပါဘူး ... သူ့ရဲ့ဖိုင်တွဲတွေကိုပြန်သိမ်းပြီး ... နောက်တစ်ယောက်ကိုအလှည့်ပေးလိုက်ပါတယ်..။
`အဟမ်း ... အဟမ်း ... အဟမ်း ...´
ချောင်းဟန့်သံက ကျွန်တော့်ရဲ့နောက်ကနေ ပေါ်လာတာနဲ့ ကျွန်တော်လည်း ထိုင်ခုံကို တစ်ပတ်ဆွဲလှည့်လိုက်ရတယ်။ ဒီတခါအလှည့် ကျတဲ့သူက ဂျူတီကုတ်အဖြူရောင်ကို ၀တ်ထားတဲ့ဆရာဝန်ကြီးတစ်ဦးပါ... သူကလည်းကျွန်တော့်ကို သူ့ရှေ့ကစာအုပ်ပုံကြီးနဲ့ဖိုင်တွဲကြီးကိုထိုး
ပြပြီး ...
` ဒီစာအုပ်တွေက အတိတ်မေ့ဝေဒနာနဲ့ပတ်သက်တဲ့အချက်အလက်တွေကို ငါရှာဖွေထားတဲ့စာအုပ်တွေပဲ ... ဒါတွေအားလုံးကိုလဲငါကျေနပ်တဲ့အထိအပြန်ပြန်အလှန်လှန်လေ့လာခဲ့ပြီးပြီး ...။ ဒီဖိုင်တွဲထဲမှာက ဒီနိုင်ငံမှာဖြစ်ခဲ့ဖူးတဲ့ ဒီရောဂါနဲ့ပတ်သက်တဲ့ဝေဒနာရှင်အားလုံးရဲ့ မှတ်တမ်းတွေပဲ..အဲဒါတွေကိုလဲ ငါအဖန်ဖန်အခါခါ စမ်းစစ်ခဲ့ပြီးပြီ။ အဲဒီလို စမ်းစစ်လေ့လာခဲ့အပြီးမှာ ငါတွေ့ရှိလိုက်တာက မင်းမှာ အတိတ်မေ့ဝေဒနာ မရှိဘူး ဆိုတာပဲ...။ ဖြစ်ခြင်းဖြစ် မင်းခံစားနေရတာဟာ စိတ်ဝေဒနာတစ်ခုပဲ ဖြစ်လိမ့်မယ်။´
` ဖြစ်နိုင်ပါတယ်...အများကြီး ဖြစ်နိုင်တယ်´
ကျွန်တော်က သူ အချက်အလက် ခိုင်ခိုင်မာမာနဲ့ တင်သွင်းလိုက်တဲ့ အဆိုပြုချက်ကို ရုတ်တရက်ကြီး ငြင်းလိုက်ရင် သူ ရှက်သွားမှာ စိုးတာနဲ့ သူကျေနပ်အောင် ထောက်ခံလိုက်တာပါ။ ဒါပေမယ့် ... အဲဒီလူက ကျွန်တော့်ရဲ့အသံကိုလည်း ကြားပြီးရော...နှာခေါင်းတစ်ချက် ရှုံ့လိုက်ပြီး ...
` ရူးနေတဲ့သူက ဘယ်တော့မှ ကိုယ့်ကိုယ်ကိုယ် ရူးနေတယ်လို့ မပြောဘူးကွ...။ အဲဒီတော့ မင်းခံစားနေရတာ စိတ်ဝေဒနာလည်း မဖြစ်နိုင်တော့ပြန်ဘူး ...။ ´
အဲဒီလူက သူ့ရှေ့မှာရှိတဲ့ စာအုပ်အထူကြီးတွေကို တဖျပ်ဖျပ်လှန်ပြီး အလုပ်တွေရှုပ်နေတာနဲ့ ကျွန်တော်လည်း အလိုက်တသိပဲ ထိုင်စောင့်နေလိုက်တယ်။ အဲဒီအချိန်မှာပဲ...
` ဆရာဝန်ကြီး ရောဂါဝေဒနာတွေ ရှာဖွေနေတုန်း ကျွန်တော် တစ်ခုလောက် ပြောချင်ပါတယ်...´
အသံက နောက်ဘက်က ပေါ်လာတာနဲ့ ကျွန်တော် ထိုင်ခုံကို တစ်ပတ်ပြန်လှည့်လိုက်ရတယ်။ နည်းနည်းမူးလာသလို ... ကျွန်တော် နည်းနည်းလည်း ညစ်လာတယ်...။
` ဒါက ဒီက လူကြီးမင်းရဲ့ ဆွေစဉ်မျိုးဆက်ဇယားနဲ့ ထူးခြားဖြစ်စဉ်တွေပါ...။ လူကြီးမင်းရဲ့ အဘိုးတော်သူဟာ တစ်ခါတုန်းက သူနေထိုင်တဲ့ရွာမှာ အကြွေးပတ်လည်ဝိုင်းပြီး မဆပ်နိုင်တဲ့အတွက် ထွက်ပြေးတိမ်းရှောင်သွားတာ သေတဲ့အထိပါပဲ။ ဒီလူကြီးမင်းရဲ့ ဖခင်ဖြစ်သူဟာလည်း ကုမ္ပဏီတစ်ခုမှာ ငွေအလွဲသုံးစားမှုနဲ့ ထောင်ကျခဲ့ဖူးတဲ့ ရာဇ၀င်ရှိပါတယ်...။ နောက်ပြီး...ဒီလူကြီးမင်းရဲ့ အစ်ကိုတော်သူဟာလည်း သူ့ရဲ့ ကုမ္ပဏီကို ဒေ၀ါလီခံရကိန်း ရှိနေပါတယ်...။ ကျွန်တော် အခု တင်ပြတဲ့ အချက်အလက်တွေကို ထောက်ရှုခြင်းအားဖြင့် ဒီလူကြီးမင်းရဲ့ အခြေအနေကို အားလုံး အကြမ်းဖျဉ်း ခန့်မှန်းကြည့်လို့ ရနိုင်မယ် ထင်ပါတယ်။ ´
အဲဒီလူက သူ့ရဲ့ တင်ပြချက် အဆုံးမှာ စားပွဲဝိုင်းထဲက လူအားလုံးကို ဘယ်လိုသဘောရသလဲ ဆိုတဲ့ သဘောနဲ့ ဝေ့ကြည့်ပါတယ်။ အားလုံးကလည်း သူ့အလိုကျ ခေါင်းတွေကို ခပ်သွက်သွက် ငြိမ့်ပြကြတယ်။
` ခင်ဗျားက သင်္ချာနဲ့ ကျောင်းပြီးထားတာနဲ့ တူတယ် ... နောက်ပြီး ... နှစ်လုံးတို့၊ သုံးလုံးတို့ တွက်တာလည်း ၀ါသနာကြီးပုံ ရတယ်နော် ...´
ကျွန်တော်က အဲဒီလို ပြောလိုက်တော့ သူ ရှူးရှူးရှဲရှဲ ဖြစ်သွားပြီး ပြန်ထိုင်သွားပါတယ်...။ ကျွန်တော်ကသာ လူတစ်ယောက် မဟုတ်ခဲ့ဘူး ဆိုရင်တော့ သူ့ရဲ့ သုံးသပ်ချက်က မှန်ကောင်းမှန်နိုင်ပါလိမ့်မယ်...။ အခုတော့ ကျွန်တော်က လူတစ်ယောက်၊ ဒီထက်ပိုပြီး တိတိကျကျ ပြောရရင် စဉ်းစားဆင်ခြင်နိုင်စွမ်းရှိတဲ့ လူသားတစ်ယောက်ဖြစ်နေတယ် ဆိုတဲ့ အချက်တစ်ခုတည်းနဲ့ သူ့တင်ပြချက်တွေကို ကျွန်တော် ချေဖျက်ပစ်လို့ ရပါတယ်။ ဒါပေမယ့် ... ကျွန်တော် ဘာမှ ဆက်မပြောဖြစ်ခဲ့ပါဘူး...။ စကားလုံးတွေရဲ့ အနက်အဓိပ္ပါယ်ကို ကိုယ်လိုရာ ဆွဲတွေးပြီး စိတ်တိုင်းကျ ဖွင့်ဆို လက်ခံပစ်လိုက်ဖို့ ၀န်မလေးတဲ့သူတွေရဲ့ အလယ်မှာ စကားများများပြောဖို့ ကျွန်တော့်မှာ ဆန္ဒမရှိပါဘူး...။
` ကျွန်မကတော့ ရှင်းရှင်းပဲ ပြောပါမယ်...။ကိုမင်းဝေရဲ့ ကုမ္ပဏီက ကျွန်မတို့ရဲ့ ကုမ္ပဏီကနေ ပစ္စည်းတွေ ယူထားတာ သိန်း ၅၀ ဖိုးလောက် ရှိပါတယ်...။ ဒါတွေကတော့ ... ယူထားတဲ့ ပစ္စည်းစာရင်းနဲ့ ကာလတန်ဖိုးပေါက်ဈေးတွေကို တွက်ထားတဲ့ စာရင်းတွေပါ...။ ကိုမင်းဝေ မမှတ်မိတော့မှာ စိုးရိမ်လို့ ကျွန်မ သတိပေးတာပါ... ´
အသက် ၂၈နှစ် ၀န်းကျင်လောက်သာ ရှိသေးတဲ့ အဲဒီ မိန်းကလေးကို ကျွန်တော် သေသေချာချာ ကြည့်ပြီး ပြုံးလိုက်မိတယ်။
` ကျွန်တော့်ကို မှတ်မိအောင် သတိပေးချင်တာ ဒီတစ်ခုတည်းပဲလား ... နောက်ထပ်များ တစ်ခုခု ရှိသေးသလား ဆိုတာ ညီမအစ်ကိုကို ပြန်မေးကြည့်ပါဦး ...´
` မရှိတော့ပါဘူး ... ဒီတစ်ခုတည်းပါပဲ ... ´
ကျွန်တော် မမှားဘူးဆိုရင် အဲဒီ မိန်းကလေးရဲ့ အစ်ကို ဒီလုပ်ငန်းကို စလုပ်တုန်းက ကျွန်တော့်ရှယ်ယာ နှစ်ဆယ်ရာခိုင်နှုန်း ပါပါတယ်။ နောက်ပြီး ကျွန်တော်က အကျိုးအမြတ်ကို ပြန်ထုတ်လေ့မရှိတာကြောင့် သေသေချာချာသာ ပြန်တွက်ကြည့်ရင် သူတို့ရဲ့လုပ်ငန်းထဲမှာ ကျွန်တော့်ရှယ်ယာဟာ အခုလောက်ဆို ငါးဆယ်ရာခိုင်နှုန်းလောက် ရှိနေပါပြီ။ ဒါကို ဒီမိန်းကလေး တကယ်ပဲ မသိတာလား ဒါမှမဟုတ် ဒီအကြောင်းတွေတော့ ကျွန်တော့်ကို ပြန်မမှတ်မိစေချင်တာပဲလား ဆိုတာ သူမကိုယ်တိုင်ပဲ သိမှာပါ။
`ဒီလိုရှိပါတယ် ... ကိုမင်းဝေ...။ ခင်ဗျားရဲ့ကျန်းမာရေးကိုကျွန်တော်တို့အားလုံး သိပ်စိုးရိမ်နေကြတယ်။ ခင်ဗျားမှာ မပြီးပြတ်သေးတဲ့ လုပ်ငန်းတာဝန်တွေလည်း အများကြီးရှိသေးတယ်။ အဲဒီတော့ခင်ဗျား အမြန်ဆုံးနေပြန်ကောင်းလာမှဖြစ်မှာပါ ...။ လူနဲ့လူ့အသိုင်းအ၀န်း ရဲ့ဆက်နွယ်နေမှုကို လျစ်လျူရှူပြီး ခင်ဗျား ဒီအတိုင်းကြီး အားလုံးကိုမေ့ပစ်လိုက်လို့မရပါဘူး ...။´
ဒီအသံက ကျွန်တော်တရင်းတနှီးကိုကြားဖူးနေကြအသံပါ ... သေသေချာချာစဉ်းစားကြည့်တော့မှ ကျွန်တော်နဲ့နှစ်အတော်ကြာအလုပ် တွဲလုပ်ဖူးတဲ့လုပ်ဖော်ကိုင်ဖက်တစ်ယောက်ရဲ့အသံမှန်းသိလိုက်ရတယ် ... အနောက်ဘက်ကထွက်လာတဲ့ အဲဒီစကားသံကို ... တုန့်ပြန်ဖို့ ကျွန်တော် ထိုင်ခုံကို တစ်ပတ်လှည့်ချင်စိတ်တောင်မရှိတော့ဘူး ... အဲဒါကြောင့်လည်းကျောခိုင်းနေရင်းကပဲ အဲဒီလူကို ကျွန်တော်ပြန်မေးလိုက်ပါတယ်။
`ခင်ဗျား ကျွန်တော့်ကိုတကယ်ပဲ အားလုံးကိုပြန်သတိရစေချင်တာလား ...။ ဒါမှမဟုတ် ... သက်သေသာဓက ခိုင်ခိုင်လုံလုံရှိနေတဲ့ ... စာရွက်စာတမ်းပေါ်ကကိစ္စတွေကိုပဲရည်ရွယ်ပြောနေတာလား ...´
ကျွန်တော်မှတ်မိသလောက်ဆိုရင်တော့ စာရွက်စာတမ်းနဲ့မဟုတ်ပဲ ယုံကြည်မှုတစ်ခုနဲ့ကျွန်တ်ာသူ့ကို ပေးခဲ့၊ချေးခဲ့ဖူးတဲ့ငွေပမာဏဟာ သူ့ရှေ့မှာချထားတဲ့စာရွက်စာတမ်းတွေထဲက ကျွန်တော်ကသူ့ကိုပေးစရာ ရှိတယ်ဆိုတဲ့ ပမာဏရဲ့သုံးဆနီးပါးလောက်ရှိပါတယ်၊ တကယ်တမ်းကျတော့ ကျွန်တော်က မေ့ချင်ယောင်ဆောင်နေတာမဟုတ်ပါဘူး ... သူတို့တွေကသာပါးပါးနပ်နပ်နဲ့ မေ့ချင်တာကိုမေ့၊ သတိရချင်တာကိုသတိရဖြစ်နေကြတာပါ...။ ကျွန်တော်သူတို့တွေဆက်ပြောကြမယ့်စကားတွေကို ဆက်ပြီးကြားချင်စိတ်မရှိတော့ပါဘူး...။ ဒီလူတွေဆီကို ကျွန်တော်မလာခင်တုန်းက ကြိုသောက်ထားတဲ့ ဆေးရဲ့တန်ခိုးကလဲပြနေပါပြီ။
ဒီကိစ္စကိုမြန်မြန်အဆက်ဖြတ်မှဖြစ်မယ်လို့ ကျွန်တော်တွေးမိလိုက်တယ် ... အဲဒါနဲ့ ကျွန်တော်လည်းအားလုံးရဲ့ပါးစပ်ပေါက်တွေကို.. ရုတ်တရက်ရပ်တန့်သွားတဲ့အချိန်ကို အခွင့်ကောင်းယူပြီး ထရပ်လိုက်ပါတယ်။
`ခင်ဗျားတို့အားလုံး ကျွန်တော့်ကိုစိုးရိမ်နေကြပေမယ့် ... ကျွန်တော်ကံမကောင်းခဲ့ပါဘူး ... ကျွန်တော်ကမကြာခင်သေရတော့မှာပါ...။ အခုအချိန်မှာ ... ကျွန်တော်အားလုံးကိုတကယ်မေ့နေပါတယ်...။ ဒါကိုခင်ဗျားတို့မယုံရင်တော့လည်း ကျွန်တော်ဘာမှမတတ်နိုင်ပါဘူး ... ဒါပေမယ့် စိတ်ချပါ ... ခင်ဗျားတို့တွေကို ... ကျွန်တော်ကသာအမှန်တကယ်... ပေးဆပ်စရာတွေရှိနေတယ်ဆိုတာသေချာရင် ... ကံကြမ္မာဆိုတဲ့ တရားသူကြီးကငြိမ်နေမှာမဟုတ်ပါဘူး ... သံသရာရဲ့တကွေ့ကွေ့မှာ ... တစ်စုံတရာသောပုံသဏ္ဍာန်တွေ အဖြစ်နဲ့ပြန်တွေ့ကြဦးမှာပါ...။ အဲဒီအခါကျမှ အဲဒီ့ကိစ္စတွေရှင်းကြတာပေါ့ဗျာ ...။ အခုတော့ အားလုံးကို ကျွန်တော်နှုတ်ဆက်ပါတယ် ... ကျွန်တော်သွားတော့မယ် ...။´
စကားဆုံးဆုံးခြင်းမှာပဲ ... ကျွန်တော်လဲကျသွားတယ် ...။အားလုံးပြာယာခတ်ပြီး ... ကျွန်တော့်ကို ဆေးရုံပို့ဖို့ပြင်ကြတယ်။ ဆေးရုံရောက်လို့ ကျွန်တော် အသက်မရှိတော့ဘူးဆိုတာကို သိသိခြင်း သူတို့တွေ ကျွန်တော်ပိုင်တဲ့ ခြံဝန်းနဲ့ အိမ်ကြီးဆီကို သွားကြလိမ့်မယ်...။ အဲဒီမှာ ... ကျွန်တော့်ရဲ့ ပိုင်ဆိုင်မှုမှန်သမျှကို လွှဲပြောင်းလှူဒါန်းထားတဲ့ စာချုပ်လေးကို ကိုင်ထားတဲ့ ဘုန်းတော်ကြီးတစ်ပါးကို သူတို့ တွေ့ကြရလိမ့်မယ်။ အဲဒီအခါ သူတို့ ဘာတွေဆက်ဖြစ်ကြမလဲ...။ အဲဒါကိုတော့ ကျွန်တော် မသိတော့ပါဘူး ...။ ကျွန်တော်ကတော့ မနက်ဖြန်မနက်မှာ မင်းဝေလို့ အမည်ရခဲ့ဖူးတဲ့ ကျွန်တော့်ရဲ့ ဈာပနကို တခြားအမည်နာမတစ်ခုနဲ့ ကျွန်တော်ကိုယ်တိုင် လိုက်ပို့မယ် ...။ ပြီးတော့ ... ပြီးတော့ ... ပြီးတော့ ... ။ ။


နေဘုန်းလတ်

အလင်းနဲ့ရေးတဲ့ပန်းချီ

မနေ့က စိတ်ကူးနေတာကြာပြီဖြစ်တဲ့ ဓါတ်ပုံဘလော့ဂ်လေးတစ်ခုကိုစလုပ်ဖြစ်ပါတယ်။ ဘလော့ဂ်လေးရဲ့ နာမည်က အလင်းနဲ့ရေးတဲ့ပန်းချီ တဲ့။ Gtalk ထဲကနေ ကိုမျက်လုံးကိုလှမ်းမေး၊ ညီညီ့ကို လှမ်းမေးနဲ့ အဲဒီ့ ဘလော့ဂ်လေး တဖြေးဖြေးနဲ့ ရုပ်လုံးပေါ်လာခဲ့တာပါ။ ပထမတော့ ဘလော့ဂ်လေးရဲ့လင့်ခ်ကို drawingwithlight ဆိုပြီးပေးချင်ပေမယ့် အခြားတစ်ယောက်ကကိုယ့်ထက်လက်ဦးသွားလို့ လက်လျှော့လိုက်ရပါတယ်။ အဲဒီ့လိုနဲ့ပဲ ... လင့်ခ်လေးက ဒီလိုဖြစ်သွားတယ် sketchingwithlight.blogspot.com တဲ့။ ကျွန်တော်မတောက်တခေါက် လျှောက်ရိုက်ထားတဲ့ ဓါတ်ပုံလေးတွေကိုပဲ သီးသန့်တင်သွားမှာဖြစ်ပါတယ်။

လိုဂိုရှင်းလင်းချက်များ

လိုဂိုရှင်းလင်းချက်များ

ဘယ်သူတွေဆွဲထားတဲ့လိုဂိုလဲဆိုတာကို ဒီနေရာမှာ မဖော်ပြထားပါဘူး။ မဲပေးသူတွေအနေနဲ့ ပုဂ္ဂိုလ်ဆွဲတွေနဲ့ မဲပေးတာမျိုးမဖြစ်ရအောင်လို့ပါ။ အတည်ရွေးချယ်ပြီးတဲ့အခါကျမှသာ ဘယ်သူဆွဲတာပါဆိုတာကို ကျွန်တော်တို့ကြေငြာပေးပ့ါမယ်။ ကျေးဇူးပြု၍ မိမိအနှစ်သက်ဆုံးပုံတစ်ပုံအား တစ်ကြိမ်တည်းသာမဲပေးကြဖို့ မေတ္တာရပ်ခံပါတယ်။ လိုဂိုဆွဲကြသူများအနေနဲ့ မိမိဆွဲတဲ့ပုံကို မိမိမဲပြန်မပေးကြဖို့လဲ မေတ္တာရပ်ခံပါတယ်။ အခြားသူရဲ့ပုံကိုတော့ ကြိုက်နှစ်သက်ပါက မဲပေးနိုင်ပါတယ်။ MBS ရဲ့ဆောင်ပုဒ်ကိုတော့ ဖိုရမ်ထဲမှာ အများစုသဘောတူထားတဲ့ We Blog , We Unite ဆိုတာလေးကိုပဲရွေးချယ်လိုက်ကြမယ်လို့ ကျွန်တော်တို့စဉ်းစားထားပါတယ်။

Logo . 1

MBS ဆိုတဲ့ စာလုံးလေးသုံးလုံးကို မညီညာတဲ့ frame လေး ၃ ခု နဲ့ လုပ်ထားတာက ကျွန်တော်တို့ မြန်မာဘလော့ခ်ဂါတွေက မတူညီတဲ့ အရပ်ဒေသတွေ၊ ခြားနားတဲ့ အသက်အရွယ်တွေ၊ ကွဲပြားတဲ့ အမြင်တွေ ရှိကြပေမယ့် အတူတကွ ကျွန်းကို ကိုင်းမှီ၊ ကိုင်းကို ကျွန်းမှီ စည်းစည်းလုံးလုံး ရှိကြတယ်ဆိုတာကို ရည်ရွယ်ပါတယ်။ M လေးရဲ့ အပြာရောင်လေးက မြန်မာဘလော့ခ်ဂါတွေ အေးချမ်းစွာ ပေါင်းစည်းမှုကို ဆိုလိုပါတယ်။ B ဆိုတဲ့ အစိမ်းရောင်လေးက ကျွန်တော်တို့ဟာ အဖွဲအစည်းဟာ ပရဟိတ အတွက် ရည်ရွှယ်ပါတယ်လို့ ဆိုလိုတာပါ။ S ဆိုတဲ့ အနီရောင်လေးကတော့ ကျွန်တော်တို့က ရဲရင့်ပြီး နိုင်ငံကို အမိနိုင်ငံကို ချစ်မြတ်နိုးတဲ့ အဓိပါယ်ကို ဆိုလိုပါတယ်။

အထက်ပါလိုဂိုကလေးမှာ အပြာရောင်ဆိုတာ မြန်မာဘလော့ဂါအပေါင်း ထာဝရငြိမ်းချမ်းအေးမြနိုင်စေဖို့ ရည်ရွယ်ပါတယ် .. ။ အနီရောင်ဆိုတာ .. ရဲရင့်တယ် .. တက်ကြွတယ် .. စုစည်းညီညွတ်တယ်။ အစိမ်းရောင်ကတော့ ဟာမိုနီကျတယ်ပေါ့ဗျာ .. ။ ဘယ်သူတွေ ဘယ်လိုပင် တစ်ယောက်တစ်ပေါက်ပြေနေကြစေကာမူ ကျွန်တော်တို့အားလုံးဟာ ဘလော့ဂ်ရေးခြင်းအပေါ်မှာ သော်လည်းကောင်း၊ ဘလော့ဂါများအပေါ်မှာသော်လည်းကောင်း လိုက်လျောညီထွေ ဆက်ဆံနိုင်လောက်သော စိတ်ဓါတ်ခွန်အား အခြေခံထားနိုင်ကြတယ်လို့ .. သတ်မှတ်ပါတယ်။ အရောင်တိုင်းမှာ အဖြူဘက်ကို တဖြည်းဖြည်းချင်းသမ်းသွားတာကတော့ အဆိုပါ ခံစားချက်များ ပြင်းထန်လွန်းရာကနေထွက်ပေါ်လာမယ့် ဘေးထွက်ဆိုးကျိုးတွေကို လျှော့ပါးစေလိုတာပဲ ဖြစ်ပါတယ်။ စာလုံးများကို အဖြူရောင်သုံးစွဲထားတာကတော့ မြန်မာဘလော့ဂါတွေရဲ့ .. အတွင်းစိတ်တစ်နေရာက ဖြူစင်လွန်းတဲ့ စေတနာလေးကို ဖော်ကျူးထားခြင်းဖြစ်ပါတယ်။ M နဲ့ S မှာ အစက်ကလေးတစ်စက်ဆီပါဝင်နေတာကတော့ မြန်မာတွေရဲ့ လူမှုအဖွဲ့အစည်းတိုင်းမှာ ပါဝင်လေ့ရှိကြတဲ့ စုန်းပြူးများကို သတိပြုထိန်းသိမ်းနိုင်ဖို့ ရည်ရွယ်ပါတယ်။ နောက်ခံအရောင် အနက်ကတော့ လိုဂိုကို ပိုမိုပေါ်လွင်စေရန် သက်သက်မျှသာဖြစ်ပါတယ်။ ဓာတ်သဘောအရပြောမယ်ဆိုရင် အဖြူရောင်ဆိုတာ ၀ါယောဓာတ်ပါ .. ။ (အ၀ါရောင်ဆိုရင် ပိုမိုသင့်လျှော်ပါတယ် .. ဒါပေမယ့် သာသနာကိစ္စတွေမှာ အများဆုံးအသုံးပြုတာမို့ တမင်ပဲအဖြူရောင်ကို သုံးခဲ့တာပါ)အပြာရောင်ဆိုတာ အာပေါဓာတ်ပါ .. ။ အနီရောင်ဆိုတာ တေဇောဓာတ်ပါ .. ။ အစိမ်းရောင်ဆိုတာ ပထ၀ီဓါတ်ပါ .. ။ ဓါတ်ကြီးလေးပါးအရလည်း မျှတပါတယ်။

Logo . 2

ဘဲဥပုံလေးလုပ်ပြီးထောင်လိုက်တော့ မောက်စ်လေးနဲ့တူသွားပါတယ်။ MBS နဲ့ Internet နဲ့ ဆက်စပ်မှုကိုဖော်ညွှန်းပါတယ်။ ဘလော့ဂါတွေတစ်ယောက်နဲ့တစ်ယောက် မောက်စ်လေးကနေတဆင့် Link ချိတ်ထားတဲ့သဘောလဲသက်ရောက်ပါတယ်။
အပြာရောင် M ဆိုတဲ့ စကားလုံးအပေါ်မှာ Myanmar Bloggers Society ဆိုတာကို အဖြူနဲ့ရေးထားတာကတော့ ငြိမ်းချမ်းရှင်းသန့်မြန်မာစိတ်ဓါတ်နဲ့ MBS ဆိုတဲ့ online society လေးတစ်ခု ဖြူဖြူစင်စင်နဲ့ပေါ်ပေါက်လာတယ်ဆိုတဲ့ အဓိပ္ပ့ါယ်ပါ။
အနီနဲ့ အဖြူ နှစ်ရောင်စပ်ထားတဲ့ B ဆိုတဲ့စကားလုံးကတော့ ဖြူစင်ရဲရင့်တဲ့ ဘလော့ဂါတွေကို ကိုယ်စားပြုပါတယ်။
မြေသားဆန်ဆန်အရောင်နဲ့ S ကတော့ စည်းလုံးညီညွတ်မှုရှိတဲ့ Society တစ်ခုကိုကိုယ်စားပြုပါတယ်။
အရောင်တွေကို အဆင်မပြေရင် အခြားအဓိပ္ပါယ်တွေ ပြောင်းလဲဖွင့်လှစ်လို့ရပါသေးတယ်။

Logo . 3

၁။MBS စာလုံးတွေကိုလိုဂိုပုံ ထွင်းထားတာပါ။ မျက်စိထဲစွဲလွယ် မှတ်မိလွယ် ပြီး Actively & Lively ဖြစ်စေအောင်ကြိုးစားထားပါတယ်။ ငြိမ်းချမ်းခြင်းအပြာရောင်နဲ့ အရေးပါတဲ့ အချက်တွေကိုအနီရောင်နဲ့ highlight လုပ်ထားတယ်။
၂။ B ကို အနီ ရောင် လုပ်ထားပြီး သူ့ အထဲမှာ Heart ပုံ စံမောက်(စ)က လေးထွင်းထားတယ်။ စုစည်းခြင်း၊နားလည်ခြင်း၊ မြန်မာ့ နှလုံးသွေးစိတ်ဓာတ်နဲ့  ယုံကြည်ပူးပေါင်းလုပ်ဆောင်ခြင်းကိုရည်ညွှန်းတယ်။ ကမ္ဘာ လုံးပုံအ၀ိုင်းလေးနောက်မှာ ရေးရေးခံပေးထားတယ်။ Mouseကြိုးလေးနဲ့ Mကိုပတ်ထားတယ်။Mouse တစ်ချက်နှိပ်ရုံနဲ့ မြန်မာတွေကမ္ဘာပတ်၊ နယ်နမိတ်။အချိန်အပိုင်းအခြားမဲ့ ဘလော့(ဂ)နိုင်၊ စုစည်းနိုင်မယ့် ရည်ရွယ်ချက်ဖြစ်တယ်။
၃။ Society ကိုယ်စားပြု S ကို မိုးကြိုးသွားပုံစံထွင်းထားတယ်။ S အောက်ပိုင်း မိုးကြိုးသွား Tip ကလေးကို ကညစ်ပုံ လုပ်ထားပြီး အနီရောင်နဲ့ ထင်းထင်း ပြထားတယ်။ အဓိပ္ပါယ်က ဓားသွားထက် ကလောင်သွားထက်ဆိုတာကို အင်အားပြင်းတဲ့ မိုးကြိုးလိုထစ်ချုန်းခြင်း နဲ သင်္ကေတပြုထားပြီး ရဲရဲတောက် ကညစ်အဖျားကို အနီ သွင်းပေးထားပါတယ်။
ကညစ် ရဲ့ ရေးချက်ကလေး က Myanmar ကိုယ်စားပြု M စာလုံးအောက်က အ၀ိုင်းလေးကနေ စဆွဲလာလိုက်တာ MBS အောက်ကိုတောက်လျှောက် ဖြတ်သန်းသွားတယ်။ မည်သူမဆို ဘလော(ဂ)ရေးရင်း လက်သွေးရင်းနဲ့ အများအတွက် အကျိုးရှိတဲ့ အကျိုးပြုလုပ်ငန်းတွေ နိူင်ငံတိုးတက်ဖို့ လုပ်ငန်းတွေ၊ နေရာအနှံ့ ရောက်နေတဲ့ မြန်မာ ဘလော့ဂါတွေ MBS အောက်မှာ စုစည်း လုပ်ဆောင်ကြပါစို့ ဆို တဲ့ အနက်ကိုဖော်ထားတဲ့ လိုဂိုကလေးဖြစ်တယ်။

Logo . 4

MBS ဆိုတဲ့ စာလုံးလေးသုံးလုံးကို မညီညာတဲ့ frame လေး ၃ ခု နဲ့ လုပ်ထားတာက ကျွန်တော်တို့ မြန်မာဘလော့ခ်ဂါတွေက မတူညီတဲ့ အရပ်ဒေသတွေ၊ ခြားနားတဲ့ အသက်အရွယ်တွေ၊ ကွဲပြားတဲ့ အမြင်တွေ ရှိကြပေမယ့် အတူတကွ ကျွန်းကို ကိုင်းမှီ၊ ကိုင်းကို ကျွန်းမှီ စည်းစည်းလုံးလုံး ရှိကြတယ်ဆိုတာကို ရည်ရွယ်ပါတယ်။ M လေးရဲ့ အပြာရောင်လေးက မြန်မာဘလော့ခ်ဂါတွေ အေးချမ်းစွာ ပေါင်းစည်းမှုကို ဆိုလိုပါတယ်။ B ဆိုတဲ့ အစိမ်းရောင်လေးက ကျွန်တော်တို့ဟာ အဖွဲအစည်းဟာ ပရဟိတ အတွက် ရည်ရွှယ်ပါတယ်လို့ ဆိုလိုတာပါ။ S ဆိုတဲ့ အနီရောင်လေးကတော့ ကျွန်တော်တို့က ရဲရင့်ပြီး နိုင်ငံကို အမိနိုင်ငံကို ချစ်မြတ်နိုးတဲ့ အဓိပါယ်ကို ဆိုလိုပါတယ်။

Logo . 5

အ၀န်းအ၀ိုင်းလေးက ကမ္ဘာကြီးကို ဆိုလိုတာပါ။ အဲဒီကမ္ဘာမှာ နေရာအသီးသီး၊ အယူအဆ အသီးအသီးနဲ့ မြန်မာဘလော့ဂါတွေပြန့်ကျဲနေတဲ့သဘောနဲ့ အပေါ်မှာ တစ်ရောင် မီးခိုးရောင်နဲ့ အောက်မှာ တစ်ရောင် အပြာရောင်တို့ရှိကြပါတယ်။
အဲဒီမတူညီတဲ့ဒေသတွေနဲ့ မတူညီတဲ့ နောက်ခံအသီးသီးရှိကြတဲ့ မြန်မာဘလော့ဂါများကို MBS ဆိုတဲ့ အဖွဲ့အစည်းက စုစည်းချိတ်ဆက်ပေးပုံကို အောက် ဗယ်ဘက်အစွန်းမှာ M ရဲ့ အောက်အစွန်နဲ့ ထိစပ်ထားပြီး အပေါ်ညာဘက်အစွန်ကို S ရဲ့ အပေါ်အစွန်နဲ့ ချိတ်ဆက်ထားပါတယ်။
နောက်တစ်ချက်က အောက်ဘက် အပြာရောင်နဲ့ အပေါ်က မီးခိုးရောင်တို့ကို MBS ဆိုတဲ့ စာလုံးမှာ နှစ်ခုရောယှက်သွားတာကတော့ ဟိုဘက်အစွန်းနဲ့ ဒီဘက်အစွန်း ကွာဝေးပေမယ့် MBS မှာ လာပြီး ညီတူညီမျှ ၊ ခွဲခြားလို့မရပဲ ပေါင်းစည်းမိတယ်ဆိုတယ်သဘောပါ။

Logo 6

ကျွန်တော့်အစ်ကိုလိုခင်ရတဲ့သူတစ်ယောက်ဆွဲပြီး ပို့ထားတာပါ။ ရှင်းလင်းချက်မပါပါဘူး …။

Logo 7

the orange floating lines represent myanmar bloggers (i use orange colour since blogger's logo is orange)
floating represent that they are free to write whatever they want
those lines meet at some points,that means bloggers may have some common interest and ideas
and those lines go different directions as well, that means they also have their own unique ideas.
the background colour is not part of the logo.so it can be any color.but white will be the best to use with.
the logo includes only MBS, myanmarbloggerssociety and orange lines.

Logo 8

ရှင်းလင်းချက်မပါပါ။

Myanmar Bloggers Society အတွက် လိုဂိုနဲ့ ဆောင်ပုဒ်

Myanmar Bloggers Society အတွက် လိုဂိုနဲ့ ဆောင်ပုဒ်ကို ကမ္ဘာအရပ်ရပ်မှာရှိတဲ့ မြန်မာဘလော့ဂါတွေအားလုံး ကိုယ်တိုင် ပါဝင်ရေးဆွဲရွေးချယ်နိုင်ပါပြီ …။

လာမယ့် တနင်္ဂနွေနေ့ (၁၂.၀၈.၂၀၀၇) မှာ MBS (Myanmar Bloggers Society) အတွက် လိုဂိုနဲ့ဆောင်ပုဒ်ကို vote ကောက်ပြီး အပြီးသတ်ရွေးချယ်ပါမယ်။
ဒီနေ့ကနေစလို့ သောကြာနေ့ည ၁၂ နာရီ (မြန်မာအချိန်) အထိ မည်သူမဆို မိမိကြိုက်နှစ်သက်တဲ့ ဒီဇိုင်းကိုဆွဲပြီး ၊ အဓိပ္ပါယ်ဖွင့်ဆိုချက်များနဲ့အတူ www.myanmarbloggers.co.nr ဆိုတဲ့ ဖိုရမ်မှာတင်ပြီးတော့ဖြစ်စေ၊ nayphonelatt@gmail.com ကိုပို့ပြီးတော့ဖြစ်စေ ပါဝင်နိုင်ပါတယ်။ တစ်ဦးလျှင်စိတ်တိုင်းကျတစ်ပုံပဲ ပါဝင်ဖို့ မေတ္တာရပ်ခံပါတယ်။ ကြာသပတေးနေ့မှာတော့ လက်ခံရရှိသမျှလိုဂိုတွေကို အဓိပ္ပါယ်ဖွင့်ဆိုချက်တွေနဲ့တကွ
www.nayphonelatt.blogspot.com မှာတင်ပေးထားမှာဖြစ်ပြီး အဲဒီ့မှာပဲ တစ်ခါတည်း vote လုပ်လို့ရအောင် စီစဉ်ပေးသွားပါမယ်။ vote လုပ်ဖို့အချိန်ကာလကတော့ ကြာသပတေးနေ့နံနက် ကနေ တနင်္ဂနွေနေ့ည အထိ ၄ရက်ဖြစ်ပါတယ်။ တနင်္လာနေ့မှာတော့ vote အများဆုံးရတဲ့ လိုဂိုကိုရွေးချယ်သွားမှာဖြစ်ပါတယ်။
ဆောင်ပုဒ်ကိုလဲ အတူတကွပူးတွဲတင်ပြနိုင်ပါတယ်။ ဆောင်ပုဒ်ကိုလဲ အဲဒီ့ပုံစံအတိုင်းလုပ်သွားပါမယ်။

မိုးခေါင်နေတဲ့လောကမှာ အစ်ကို့ကိုယ်စားကျွန်တော်တို့ ဗုံတွေဆက်တီးမယ်ဗျာ ...

ပန်းခေတ်ကလမင်း …

ပန်းချီဆရာလေးတစ်ယောက်၊ နောက် သူချစ်တဲ့ အနုပညာ၊ သူချစ်တဲ့ကောင်မလေး…၊ သူ့ရဲ့ အနုပညာအပေါ်ရူးသွတ်မှု … နောက်ဆုံး အနုပညာရဲ့ အဆုံးမဲ့တဲ့စွမ်းပကား …။ ထပ်ခါ ထပ်ခါ ဖတ်ဖြစ်သလို ဖတ်မိတဲ့အခါတိုင်း ကျွန်တော် မျက်ရည်ဝဲရတယ် …။

သင်နှင့်နံနက်ခင်းကိုသာဝင်ခွင့်ပြုမည် …။ အဲဒီ့စာအုပ်လေးကိုဖတ်အပြီးမှာ ကျွန်တော်ရဲ့ စိတ်ထဲကို ဖိုးကြယ် ရဲ့ ၀ိဥာဉ်ကကပ်ပါလာတယ်။

အရှေ့မြို့ရိုးပေါ်ကမိုးရေစက်များ … ။ ဂျူနိုဆိုတဲ့ ကချေသည်မလေး ကျွန်တော်ရဲ့ အာရုံထဲမှာ ပြေပြစ်လှပစွာကနေတယ် …။ အနုပညာရှင်မလေးဂျူနိုရဲ့ နှလုံးခုန်သံတွေက ကျွန်တော့် နှလုံးခုန်သံတွေနဲ့ ထပ်တူကျသွားတယ်။

သိုးဆောင်းဂစ်တာတစ်လက်ရဲ့မှတ်တမ်း …။ အနုပညာမှော်ဝင်နေတဲ့ မီးတောက်ရစ်သမ်ဆိုတဲ့ ကဗျာရှည်တစ်ပုဒ် … ကျွန်တော့်ရဲ့ နှလုံးသားကို ညင်ညင်သာသာလေးဖမ်းဆုတ် ယူငင်သွားတယ်။ ၀တ္ထုလေးရဲ့ အဆုံး … အနုပညာသမားတစ်ယောက်ရဲ့ စိတ်ကို ရှင်းရှင်းကြီးမြင်သိသွားချိန်မှာ ကျွန်တော် ကြက်သီးမွှေးညှင်းထမိတယ်။

ဓားသွားပေါ်မှာ ကတဲ့ ဆက်ကပ် …

ပင်လယ်တစ်ဝက်တောင်တန်းတစ်ဝက်ဖြစ်နေတဲ့ကောင်လေး …

ဧဒင်ကချေသည် …

လူငယ်တစ်ယောက်ရဲ့ ကျောက်ထွင်းရာဇ၀င် …

ပြိုင်မြင်းတိုရဲ့ခွာသံ …

လွမ်းတယ် … လွမ်းတယ် …။

လှပပြေပြစ်တဲ့ စကားလုံးအတွဲအဆက်တွေရဲ့ အရှင်သခင် …

လူငယ်တွေရဲ့စိတ်ထဲကို ထွင်းဖောက်ဝင်ကြည့် စိတ်ဝိဥာဉ်တစ်ခုလုံးမှာ အနုပညာအတိပြီးတဲ့

ကျွန်တော်လေးစားအားကျခဲ့ရတဲ့ စာရေးဆရာ …

အစ်ကိုရေ …

အစ်ကိုတူးဖော်ခဲ့တဲ့ မြေစိုင်မြေခဲတွေကို ဖက်တွယ်ရင်း …

အစ်ကို ရေးလို့မပြီးခဲ့တဲ့ ကျောက်ထွင်းရာဇ၀င်ကို ကျွန်တော်တို့ဆက်ထွင်းမယ် …

မိုးခေါင်နေတဲ့လောကမှာ အစ်ကို့ကိုယ်စားကျွန်တော်တို့ ဗုံတွေဆက်တီးမယ်ဗျာ …။