ကျွန်တော့်ရဲ့အပြုံးတွေ အရင်ကလိုမချိုတော့ဘူး။ နေ့နေ့ညည ကျွန်တော်သောက်သုံးနေရတာက နောင်တဆိုတဲ့ ဆေးခါးခါးတစ်ခွက်ဖြစ်တယ်။ လိုအပ်တာထက်ပိုတဲ့ သဘာဝလွန်ကွေးညွတ်မှုတွေက ကျွန်တော့် အပြုံးတွေကို အဆိပ်ခတ်သွားတာထင်ရဲ့ ...။ ဝေးလွင့်သွားတဲ့ သံစဉ်ချိုတစ်စကို တမ်းတမ်းတတ ဖြစ်မနေဖို့ အသိစိတ်တွေက ကျွန်တော့်ကိုဝိုင်းဖြောင်းဖျကြတယ်။ အဲဒါနဲ့ပဲ ... အရောင်အဆင်းကင်းတဲ့ အဖြူရောင်ချစ်ခြင်းတွေနဲ့ ကျွန်တော်တိုးတိုးတိတ်တိတ်လေးလွမ်းတတ်ခဲ့တယ်။ ဘယ်သူမှသိမှာ မဟုတ်ပေမယ့် ကျွန်တော့်ကို ကျွန်တော် သိပါတယ်။ ကျွန်တော်ဟာ အနာဂတ်တွေကိုကြောက်စိတ်နဲ့ အတိတ်တွေထဲမှာ မှေးအိပ်ချင်နေတဲ့ ကောင်ဖြစ်တယ်။
``ကို ... ငယ့်ကိုလွမ်းနေရင် အသဲပုံလေးကျပါစေဆိုပြီး ဖဲချပ်လေးတွေကိုဆွဲတာ အမြဲတမ်း ဒီမဲမဲလေးတွေပဲ ကျတယ် ... အဲဒါကိုဘာလို့ခေါ်လဲဟင် ...´´
စပိတ်တစ်ဖဲချပ်လေးကို ကိုင်ကြည့်နေတုန်းမှာပဲ တစ်ခါကကြားခဲ့ဖူးတဲ့ စကားတစ်ခွန်းက ကျွန်တော့်ရဲ့ နှလုံးသားထဲကနေ ၀ဲပျံလွင့်ထွက်ကျလာတယ်။ မလာနဲ့ ... မလာကြနဲ့ ...။ တားမြစ်နေတဲ့ ကြားထဲက သူ့အသံတွေပြန်ကြား၊ သူ့အပြုံးတွေပြန်မြင် ... ... ... ကျွန်တော်ရဲ့ရင်ခုန်သံတွေ တစ်စစီ ကွဲရှလွင့်စင်သွားကြတယ်။ ကျွန်တော်အနက်ရှိုင်းဆုံးထိုးဆင်းသွားတဲ့စိတ်ကို လိုက်ဖမ်းနေရင်း ၀ပ်ကျင်းတစ်ခုထဲမှာ ပိတ်မိနေတဲ့အဖြစ်ကို ပြန်သတိရလိုက်တယ်။ တိုက်ခန်းပေါင်းများစွာမှာ ညတာတွေကိုခွဲခြားကုန်လွန်စေကြတဲ့ သူတွေရဲ့ ပါးစပ်ဖျားက သစ္စာဆိုတဲ့ စကားတစ်ခွန်းတည်း ထပ်ခါထပ်ခါထွက်ကျလာတယ်။ ဘ၀မှာ ကျွန်တော်ပြန်ကောက်တင်ရမှာအရှက်ဆုံး အရာက ဂုဏ်သိက္ခာဖြစ်တယ်။ ရူးရူးမိုက်မိုက်မဟုတ်ခဲ့ပေမယ့် စူးစူးစိုက်စိုက်ချစ်ခဲ့ဖူးတဲ့ ကျွန်တော့်ရဲ့အချစ်ဦးကပဲ ကျွန်တော့်ရည်စူးခဲ့တဲ့ မျှော်လင့်ခြင်းတွေကိုပြန်ခူးသွားတယ်။ ကျွန်တော့်လျှောက်မယ့်လမ်းတွေမှာ ခရေပင်ကြီးတွေ အုပ်အုပ်ဆိုင်းဆိုင်းရစ်သိုင်းနေကြပြီ။ အဲဒီခရေပင်ကြီးတွေမှာ ကြွေကျပေးဖို့မစဉ်းစားတဲ့ ခရေတွေကလည်း အပြိုင်းအရိုင်း ဝေနေကြပြီ။ မတောက်တခေါက်အသိဥာဏ်နဲ့ ခြေမြှောက်လက်မြှောက် ဆော့ချင်ခဲ့တဲ့ ကျွန်တော့်မှာ အပြစ်ရှိပါတယ်။
`` မနက်ဖြန်အလုပ်ကပြန်လာရင် မင်္ဂလာဆောင်တစ်ခုသွားရမယ် ... ပြီးတော့ ညစာစားပွဲတစ်ခုလည်း ဖိတ်ထားသေးတယ်နော် ... စောစောပြန်လာခဲ့ ...´´
တစ်ခါက ... တစ်ယောက်တည်းအထီးကျန်နေရတဲ့ဘ၀ကို မုန်းခဲ့ဖူးတယ်။ အခုတော့လည်း တစ်ယောက်တည်း နေရတဲ့ဘ၀ကို နဲနဲခုံမင်နေမိသလိုလို ...။ စိတ်တွေက အရိပ်တွေထက်အပြောင်းအလဲပိုမြန်တယ်။ လူဆိုတာ ရွှေငါးတစ်ကောင်မဟုတ်ဘူးလို့ စဉ်းစားမိတဲ့အခါတိုင်း အလှမွေးငါးကန်ထဲက ရွှေငါးတစ်ကောင် လောက်တောင် ကူးခတ်ခွင့်ဘောင်မကျယ်တဲ့ အချို့လူတွေကကျွန်တော့်ကို ခနဲ့တဲ့တဲ့အပြုံးတွေနဲ့ ပြုံးပြကြတယ်။ ကိုယ်ကိုယ်တိုင် တောင်မပိုင်တဲ့ အရာတွေကို အပိုင်လိုချင်တဲ့သူတွေရှိလာတဲ့အခါ ...၊ ကိုယ်ကိုယ်တိုင်အတွက်တောင်မသေချာတဲ့ ကိုယ့်ရဲ့ဆန္ဒတွေကို ချုပ်ချယ်ကန့်သတ်ချင်တဲ့သူတွေရှိလာတဲ့အခါ ...၊ ဘယ်လိုရှင်းပြရမယ်မှန်းမသိအောင်ကို စကားလုံးတွေရှားခဲ့တယ်။ အဲဒီလိုနဲ့ပဲ နားလည်မှုဆိုတဲ့ သင်ခန်းစာကလည်း သင်ကြားဖို့ခက်တဲ့ လက်ချာတစ်ခု ဖြစ်ခဲ့တယ်။
`` လူပဲကွာ ... အမှားနဲ့ဘယ်ကင်းနိုင်မှာလဲ ... မမှားဖူးတာကအရည်အချင်းမဟုတ်ဘူးငါ့ညီရဲ့...။ အမှားကို အမှန်ပြင်နိုင်တာကမှ အရည်အချင်းကွ ...´´
ဘ၀တစ်ခုကို ကျွန်တော်ပိုင်ဆိုင်ထားတယ် ...။ အဲဒီဘ၀ထဲမှာ အသိနောက်ကျတဲ့ အမှန်တရားတစ်ခုက ပြင်လို့မရတဲ့ မှားယွင်းမှုတစ်ခုအဖြစ်နဲ့ရှိနေခဲ့တယ်။ တစ်ခုတည်းသောနောင်တက တစ်ဘ၀လုံးစာ မကအောင်ကို ကြီးမားသွားတာခက်တယ်။ အပြစ်တွေကို အနှစ်တွေဖြစ်အောင်အသွင်ပြောင်းပြီး မိန့်မိန့်ကြီးပြုံးနေကြသူတွေက ကျွန်တော့်ကိုအားပေးတယ်။ မမှားသောရှေ့နေ ... မသေသောဆေးသမား ... တဲ့။ တစ်ခါတည်းမှားပြီး တစ်ဘ၀လုံး နားသွားရတဲ့ အဖြစ်တွေကို ကျွန်တော်ပြန်တွေးမိတယ်။
`` ဘာတွေများထွေထွေထူးထူးစိတ်ညစ်စရာရှိနေလို့လဲ ... မင်းအဆင်ပြေနေတာပဲ ...´´
တကယ်တမ်းပြောရရင်တော့ စိတ်တွေကို ပြန်သစ်လို့မရတော့လို့ ညစ်နေတာပါ။ ထင်သာမြင်သာဖြစ်နေတဲ့ အဆင်ပြေခြင်းတွေအောက်မှာ ရင်ခုန်သံအပိုင်းအစတွေ ဘယ်လောက်ချောင်ပိတ်မိနေတယ်ဆိုတာကို ဘယ်သူကသိမှာလဲ ...။ တစ်ခါက ခေါင်းချလိုက်တာနဲ့ အိပ်ပျော်ဖူးခဲ့တဲ့ကျွန်တော် ... အခု အိပ်မပျော်တဲ့ညတွေရှိခဲ့ဖူးပြီ။ တခါက ... လက်ဖြန့်တောင်းခံသမျှအတွက် အမြဲအဆင်သင့် ဖြစ်နေတတ်တဲ့ကျွန်တော် ... အခု အပေါင်းအနှုတ်အတွက်အချက်တွေနဲ့ တွေဝေလက်တွန့်နေတတ်ခဲ့ပြီ။ တခါက ... မြေကြီးနဲ့တသားတည်းဖြစ်ခဲ့ဖူးတဲ့ ကျွန်တော့်ရဲ့ခြေထောက်တွေ ... အခု မြေကြီးကိုနင်းမိတဲ့ အချိန်တွေနည်းခဲ့ပြီ။ ကျွန်တော်ကိုယ်တိုင်ကိုက ပြောင်းလဲမှုတွေကို စိတ်နဲ့စစ်ယူဖို့ပျက်ကွက် ခဲ့တာပါ။
`` မင်း စာရောရေးဖြစ်သေးရဲ့လား ... မင်းရဲ့စာတွေ စာမျက်နှာတွေပေါ်မှာမတွေ့ရတာကြာပြီနော် ...´´
သိပ်များများစားစားမရှိပေမယ့် ... ရှိခဲ့ဖူးတဲ့မှားယွင်းမှုတချို့က ကျွန်တော့်ရဲ့အာရုံတွေကို ခါးစေကြတယ်။ အတွေးတွေက အရင်ကလိုမစင်ကြယ်တော့ဘူး။ ကျွန်တော့်ရဲ့လက်တွေကချရေးမယ့် စကားလုံးတိုင်းအတွက် ကျွန်တော့်မှာ ယုံကြည်ချက်တွေပါးလျနေကြပြီ။ ငါသိလာတဲ့ လောကရဲ့ဖြစ်ပျက်နေမှုတွေက တကယ့်အစစ်အမှန်တွေ ဟုတ်ရဲ့လား ...၊ အဲဒီ့ ပျက်ယွင်းနေကြတဲ့ စာရိတ္တတွေက တကယ့်ကို ရှောင်လွဲလို့မရနိုင်တဲ့ မရှိမဖြစ်လိုအပ်ချက်တွေဖြစ် ကုန်ပြီလား ...၊ နောက်ပြီး ... အချို့သော မျှတမှုမရှိတဲ့ တန်ဖိုးကြီးလူ့ကျင့်ဝတ်တွေကရော ... မလွဲမသွေပြုရမယ့် ၀တ္တရားတွေဖြစ်နေပြီလား ...။ တဝေေ၀တ၀ါးဝါး ဖြစ်နေတဲ့ ကျွန်တော့်ရဲ့စိတ်တွေက ကျွန်တော့်ရဲ့လက်တွေကို တွန့်ဆုတ်စေကြတယ်။ ကျွန်တော်စာတွေ ပြန်ရေးဖြစ်ဦးမှာပါ ...။ ကျွန်တော့်ရဲ့စိတ်အာရုံတွေကို အတိုင်းအတာ တစ်ခုအထိ ကျွန်တော် ပြန်သန့်စင်နိုင်ပြီလို့ ကျွန်တော်ပြန်ယုံကြည်လာတဲ့တစ်နေ့ပေါ့ ...။
ကန်ရေပြင်ပေါ်ကိုရွာချမိတဲ့မိုးတိမ်တစ်ခုက သူ့ရဲ့မိုးစက်တွေကိုနှမြောတသစွာနဲ့ညည်းတွားတယ် ...
`` ခြောက်သွေ့တဲ့ ကန္တာရတစ်ခုအပေါ်ရောက်အောင် ငါ့ကိုဘာဖြစ်လို့တွန်းမပို့ခဲ့တာလဲ လေညင်းရယ်`` တဲ့။
လေညင်းက ပြန်ပြောတယ် ...
``သတ်မှတ်ထားပြီးသား လားရာတွေအတိုင်း ငါတိုက်ခတ်နေရတာပါ´´ တဲ့။
အဲဒီ့လားရာတွေကို ဘယ်သူက သတ်မှတ်တာလဲလို့ မိုးတိမ်လေးကထပ်မမေးပါဘူး ...။ ဆက်နွယ်မှုတွေများစွာနဲ့ သက်ဝင်ဖြစ်တည်နေတဲ့ လောကမှာ ပတ်သက်မှုတွေများစွာက ကျွန်တော့်တို့ကို လာတွန်းထိုးဝင်တိုက်ကြမှာပဲလေ။ ဘယ်လို လောကဓံတရား တွေနဲ့ပဲကြုံကြုံ ကျွန်တော် အမြဲတမ်း ကြည်ကြည်လင်လင်လေးပဲပြုံးနေချင်ပါတယ်။ အဲဒီဆန္ဒတစ်ခုအတွက် ကျွန်တော့်မှာဘာလိုအပ်မှာလဲလို့ ကျွန်တော်ကို ကျွန်တော်မေးကြည့်တယ်။ အထပ်ထပ်အခါခါမေး ... အကြိမ်ကြိမ် အခါခါ တွေးပြီးတဲ့နောက်မှာ ကျွန်တော်အဖြေတစ်ခုကိုပြန်ပေးနိုင်ခဲ့တယ်။ ကျွန်တော် ... အားလုံးနဲ့ ဝေးနေဖို့လိုလိမ့်မယ် ...။
7 comments:
လာဖတ်သွားပါတယ်။
ဘယ်သူမှ မသိပေမယ့် ကိုယ့်ကိုယ်ကိုယ် သိနေတယ်ဆိုကတည်းက တော်တော်ဟုတ်နေပါပြီ။ တကယ် ကျွန်တော်မသိတော့တဲ့ ကျွန်တော် ဖြစ်သွားရင်တော့ သွားပြီပေါ့။ :D
အကြည်လင်ဆုံး ပြုံးနေနိုင်မယ့်နေ့တွေ အမြန်ရောက်လာပါစေ။
သူငယ်ချင်း လာဖတ်ရင်းနဲ့ နင့်ရင်ထဲကိုမြင်လိုက်သလိုပါပဲ။ နေတတ်အောင်သာနေပါ။ စိတ်တွေကို ပြန်သစ်လို့မရတော့လို့ ညစ်နေတယ်ဆိုတာ အရှုံးပေးတာနော်။ ဘယ်တော့မှ အရှုံးမပေးနဲ့ ။ ကိုယ့်ပေါ်မှာပဲ မူတည်တယ်။ စိတ်တွေပြန်သစ်ဖို့ ခုဆုံးဖြတ်ရင် မနက်ဖြန်နေ့သစ်များစွာက နင့်ရဲ့ လက်တကမ်းမှာပါကွာ။ လောလောဆယ် အားလုံးနဲ့ ဝေးနေဖို့လိုလိမ့်မယ်ဆိုလဲ ဝေးနေကြတာပေါ့။ ဒါဏ်ရာရလဲကျသွားတိုင်းမှာ ပြန်ထဖို့ပဲ လိုတယ်လေ။ နင့်ရဲ့စိတ်အာရုံတွေကို အတိုင်းအတာ တစ်ခုအထိ နင် ပြန်သန့်စင်နိုင်ပြီလို့ ယုံကြည်လာတဲ့ တစ်နေ့ဆီိက အမြဲတမ်း ကြည်ကြည်လင်လင်အပြုံးတွေနဲ့ အမြန်ပြန်နေနိုင်ပါစေကွာ
အပေါ်ယံကြည့်ရင် အဆင်ပြေသလိုထင်ရပေမယ့် ကိုယ်တိုင်ပဲသိတဲ့ စိတ်ဆင်းရဲမှုတွေ လူတိုင်းမှာရှိတတ်ကြပါတယ်...။ လေပြည်လေးက သူ့လားရာအတိုင်းတိုက်ခတ်ရသလို ဆုဝေတို့တွေလဲ ဖြစ်လာပြီးတဲ့အခြေအနေပေါ်မှာ အကောင်းဆုံးဖြစ်အောင် ကြိုးစားနေရမှာပဲလေ...။ တချိန်မှာတော့ ကြည်ကြည်လင်လင်ပြုံးနိုင်လာဦးမှာပါ...။ Every cloud has a silver lining ဆိုလားပဲ...။
အားလုံးဖတ်ပြီးတဲ့အချိန်မှာ နားလည်သလိုလိုမလည်သလိုလိုနဲ့ လည်သွားတယ်။ တစ်ခါတစ်ခါ ကျွန်တော်အရမ်းကို ပိန်းပါသည်။
တစ်မျိုးကြီးပဲဖတ်ပြီးတော့။ စိတ်တွေသိပ်မညစ်ပါနဲ့အစ်ကိုရယ်။ လူ့လောက ကတိုတောင်းပါတယ်။ တတ်နိုင်သလောက်တော့ပျော်ပျော်နေပါနော်။
မမြင်နိုင်တဲ့ မနက်ဖြန်တိုင်းမှာ…
မသေချာတဲ့ အနာဂတ်တွေ ရှိနေသမျှတော့…
ကျွန်တော်တို့….
အတိတ်ကနေ ရုန်းထွက်နိုင်ဦးမှာ မဟုတ်ပါဘူး…
အကိုရာ…။
Post a Comment